2کُرِنتھِیوں 5:14 - کِتاب مُقدّس سرائیکی ترجمہ

¹⁴ اساں مسیح دی محبت دے سببّوں مجبور ہیں کیوں جو اساں اِیں نتیجے اُتے پُجے ہیں جو جِیں ویلے مسیح ساریاں کیتے مویا تاں اِیندا مطلب ہے جو سبھ مر گئے۔

2کُرِنتھِیوں 5:14 Referans Kwoze

گلتِیوں 2:20

مَیں مسیح نال صلیب اُتے چڑھایا گِیا ہاں تے ہُنڑ مَیں زندہ نہ ریہا بلکہ مسیح میڈے ءچ زندہ ہے۔ تے جیہڑی زندگی مَیں ہُنڑ گُزریندا پِیا ہاں او خُدا دے پوتر اُتے اِیمان گِھن آوݨ نال گُزریندا پِیا ہاں، جئیں میڈے نال محبت رکھی تے میڈے کیتے آپنڑی جان ڈے ڈِتی۔

رومیوں 5:15

پر گُناہ دے اثر تے فضل دی نعمت دے اثر ءچ بہُوں فرق ہے۔ کیوں جو ہِک بندے دے گُناہ دے سببّوں بہُوں سارے اِنسان مر گئے پر ہِک بندے یعنی یسُوع مسیح دے فضل دے سببّوں بہُوں سارے اِنساناں کُوں خُدا دا فضل تے اُوندی نعمت مِلی ہے۔

متّی 20:28

اِبنِ آدم اِیں واسطے نئیں آیا جو خدمت گِھنے بلکہ اِیں واسطے جو خدمت کرے تے آپنڑی جان بہُوں ساریاں کیتے فِدیہ ءچ ڈیوے۔“

1 پطرس 1:8

تُساں یسُوع کُوں نئیں ڈِٹھا وَل وی اُوندے نال محبت کریندے ہیوے۔ بھانویں تُساں اِیں وقت اُونکُوں نئیں ڈیدھے، وَل وی اُوندے اُتے اِیمان رکھیندے ہوئے ایجھی خوشی منیندے ہیوے جیہڑی بیان تُوں باہر تے جلال آلی ہے۔

یُوحنّا 1:29

ڈُوجھے ڈینہہ یُوحنّا یسُوع کُوں آپنڑے کولھ آندے ڈیکھ تے آکھیا ”ڈیکھو ایہ خُدا دا لیلا ہے جیہڑا دُنیا دا گُناہ چا تے گِھن ویندے۔

عبرانیوں 6:10

کیوں جو خُدا بے اِنصاف نئیں جو او تُہاڈے کم تے اُوں محبت کُوں بُھل ونجے جیہڑی تُساں اُوندے ناں دی خاطر اُوندے مُقدّساں دی خدمت کر تے ظاہر کیتی تے ہُنڑ وی کریندے پئے ہیوے۔

2کُرِنتھِیوں 3:9

جِیں ویلے قصُوروار کھڑاوݨ آلا نِظام جلالی ہا، تاں راستباز کھڑاوݨ آلا نِظام کِتنا زیادہ جلالی ہوسی۔

عبرانیوں 2:9

پر اساں یسُوع کُوں، جِینکُوں کُجھ دیر کیتے فرشتیاں کنُوں گھٹ کیتا گِیا، موت دا ڈُکھ سہنڑ دے سببّوں شان تے عزت دا تاج پاتے ہوئے ڈیدھے ہیں۔ ہا خُدا دے فضل نال اُوں ہر اِنسان کیتے موت دا مزہ چکھیا۔

طِطُس 3:3

اساں وی ہِک وقت نادان، نافرمان تے گُمراہ ہسے تے ہر طرحاں دیاں خواہشاں تے عیاشیاں دی غُلامی ءچ ہسے، تے کینہ تے حسد ءچ زندگی گُزریندے پئے ہسے۔ ڈُوجھے ساڈے تُوں نفرت کریندے ہَن تے اساں ڈُوجھیاں تُوں۔

1 تِیمُتھِیُس 5:6

پر جیہڑی بیوہ عیاشی ءچ زندگی گُزریندی ہے، او زندہ ہوندے ہوئے وی مُردہ ہے۔

1کُرِنتھِیوں 16:22

جیہڑا کوئی خُداوند نال محبت نئیں رکھیندا، اُوندے اُتے لعنت۔ ساڈا خُداوند آوے!

1 تِیمُتھِیُس 2:6

جئیں آپنڑے آپ کُوں ساریاں دی مخلصی کیتے فِدیہ دے طور تے ڈے ڈِتا۔ اِینویں اُوں مقرر وقت اُتے اِیں گالھ دی گواہی ڈِتی۔

کلُسِّیوں 2:13

تُساں تاں آپنڑے گُناہاں دے سببّوں تے ختنہ نہ کراوݨ دے سببّوں مُردہ ہَوے، پر خُدا تُہاکُوں مسیح نال زندہ کیتے۔ اُوں ساڈے سارے گُناہ معاف کر ڈِتے

اِفِسیوں 6:24

جیہڑے ساڈے خُداوند یسُوع مسیح دے نال ختم نہ تھیوݨ آلی محبت رکھیندے ہِن، اُنہاں ساریاں اُتے فضل تھیندا راہوے۔

یُوحنّا 11:25

یسُوع اُونکُوں آکھیا، ”قیامت تے زندگی تاں مَیں ہاں۔ جیہڑا میڈے اُتے اِیمان گِھن آندے بھانویں او مر وی ونجے، وَل وی زندہ راہسی۔

1کُرِنتھِیوں 2:14

پر جیہڑا بندہ رُوحانی نئیں او خُدا دے رُوح دے گالھیں قبول نئیں کریندا، کیوں جو او اُوندی نظر ءچ بیوقُوفی ہِن تے نہ ای اُنہاں کُوں سمجھ سگدے کیوں جو او صرف رُوح القُدس دے ذریعے سمجھیاں ویندیاں ہِن۔

لُوقا 15:24

کیوں جو میڈا ایہ پوتر مر گِیا ہا، ہُنڑ زندہ تھئے، گُم تھی گِیا ہا، ہُنڑ مِلیا ہے۔‘ بس او خوشی مناوݨ لگے۔

1 یُوحنّا 5:19

اساں جانڑدے ہیں جو اساں خُدا دے فرزند ہیں، تے ایہ وی جو ساری دُنیا ابلیس دے قبضہ ءچ ہے۔

2کُرِنتھِیوں 3:7

جِیں ویلے او موت گِھن آوݨ آلا نِظام جیندے الفاظ پتھر دیاں تختیاں اُتے لِکھے گئے ہَن، ایجھا جلالی ہا جو بنی اِسرائیل کُوں مُوسیٰ دے چہرے دے نُور کُوں ڈیکھنڑ دی تاب نہ ہئی بھانویں جو او نُور گھٹدا ویندا ہا،

رومیوں 2:2

اساں جانڑدے ہیں جو خُدا ایجھے کم کرݨ آلے دی عدالت حق دے مطابق کریندے۔

یُوحنّا 5:25

مَیں تُہاکُوں سچ آدھا ہاں جو او وقت آندا پئے بلکہ آ گِیا ہے جِیں ویلے مُردے خُدا دے پوتر دی اواز سُنڑسن تے جیہڑے سُنڑسن او زندہ راہسن۔

اعمال 18:5

جِیں ویلے سِیلاس تے تِیمُتِھیُس مَکِدُنیہ تُوں آئے تاں پولُس آپنڑا سارا وقت کلام دی تبلیغ کرݨ ءچ گُزارݨ لگا۔ او یہُودیاں دے سامنڑے گواہی ڈیندا ہا جو یسُوع ای المسیح ہے۔

لُوقا 24:29

اُنہاں اُونکُوں ایہ آکھ تے مجبور کیتا جو ”ساڈے کولھ ٹِک پو کیوں جو شام تھیوݨ آلی ہے تے ڈینہہ بہُوں لہہ گِیا ہے۔“ بس او راہنڑ کیتے اُنہاں نال اندر چلیا گِیا۔

لُوقا 15:32

پر خوشی مناوݨ تے شادمان تھیوݨ لازم ہا کیوں جو تیڈا ایہ بِھرا مر گِیا ہا، ہُنڑ زندہ تھئے، گُم تھی گِیا ہا، ہُنڑ مِل گئے‘۔“

رومیوں 6:6

تے اساں جانڑدے ہیں جو ساڈی پُرانڑی اِنسانیت مسیح دے نال صلیب اُتے چڑھائی گئی تاں جو ساڈے بدن ءچوں گُناہ دی طاقت ختم تھی ونجے تے اساں اگُوں تے گُناہ دی غُلامی ءچ نہ راہوں۔

رومیوں 6:13

آپنڑے جِسم دے انگاں کُوں بدی دے ہتھیار بنڑݨ کیتے گُناہ دے سپُرد نہ کرو بلکہ آپنڑے آپ کُوں مُردیاں ءچوں زندہ سمجھ تے خُدا دی خدمت کیتے پیش کرو تے آپنڑے جِسم دے انگاں کُوں راستبازی دے ہتھیار بنڑݨ کیتے خُدا دے سپُرد کرو۔

کلُسِّیوں 3:3

کیوں جو تُساں مر گئے تے تُہاڈی زندگی مسیح دے نال خُدا ءچ لُکی ہوئی ہے۔