Biblia Todo Logo
Bib sou entènèt

- Piblisite -




2کُرِنتھِیوں 4:2 - کِتاب مُقدّس سرائیکی ترجمہ

2 اساں شرم دے لُکے گالھیں کُوں چھوڑ ڈِتے۔ نہ اساں مکاری کریندے ہیں تے نہ ای خُدا دے کلام ءچ ملاوٹ کریندے ہیں۔ بلکہ سچائی کُوں ظاہر کر تے خُدا دے حضُور ہر بندے دے دل ءچ آپنڑے آپ کُوں نیک ظاہر کریندے ہیں۔

Gade chapit la Kopi




2کُرِنتھِیوں 4:2
16 Referans Kwoze  

اساں اُنہاں اکثر لوکاں آلی کار نئیں جیہڑے پیسے کیتے خُدا دے کلام ءچ ملاوٹ کریندے ہِن بلکہ خُدا دی طرفوں تے اُونکُوں حاضر جاݨ تے مسیح ءچ سچے دل نال گالھ کریندے ہیں۔


اساں خُداوند دے خوف کُوں سامنڑے رکھ تے ڈُوجھیاں کُوں سمجھاوݨ دی کوشش کریندے ہیں۔ خُدا دے اگُوں ساڈی حقیقت ظاہر ہے تے میکُوں اُمید ہے جو تُساں وی ساکُوں چنگی طرحاں جانڑدے ہوسو۔


اِیں واسطے تُساں وقت کنُوں پہلے کہیں گالھ دا فیصلہ نہ کرو بلکہ خُداوند دے آوݨ دا انتظار کرو۔ جیہڑے گالھیں اندھارے ءچ لُکے ہوئے ہِن او اُنہاں کُوں روشنی ءچ گِھن آسی تے لوکاں دے دل دے منصوبے ظاہر کریسی۔ اُوں ویلے ہر ہِک دی تعریف خُدا دی طرفوں کیتی ویسی۔


پر میکُوں ڈر ہے، کِتھائیں اِینویں نہ تھیوے جو جِینویں نانگ آپنڑی مکاری نال حوّا کُوں ورغلا گِھدا، اُونویں ای تُہاڈے خیال وی خراب تھی ونجنڑ تے تُساں مسیح کیتے اُوں خلوص دِلی تے پاک دامنی کُوں چھوڑ ڈیؤ۔


کیوں جو لوکاں دے لُک چُھپ تے کیتے ہوئے کماں دا ذِکر کرݨ وی شرم دی گالھ ہے۔


مَیں اُوندے سامنڑے تُہاڈے بارے ءچ فخر کیتا ہا تے میں شرمندہ نئیں تھیّا۔ بلکہ جِینویں اساں تُہاکُوں ہمیشاں سچے گالھیں ڈسائیاں ہِن، اُونویں ای جیہڑا فخر اساں تُہاڈے بارے ءچ طِطُس دے سامنڑے کیتا او وی سچ ثابت تھیّا۔


مَیں خوشخبری کنُوں نئیں شرمیندا کیوں جو او ہر اِیمان گِھن آوݨ آلے دی نجات کیتے خُدا دی قُدرت ہے۔ پہلے یہُودی کیتے، وَل غیریہُودی کیتے۔


وَل اساں اگُوں تے بال نہ راہسوں تے غلط تعلیم دی ہر تیز ہوا نال پانڑی دیاں چھلاں وانگُوں اِڈے اُڈے واہندے نہ راہوں، تے چالباز تے مکار لوکاں دے گُمراہ کر ڈیوݨ آلے منصوبیاں دا شکار نہ بنڑوں۔


بھانویں مَیں تقریر کرݨ ءچ ماہر نئیں، پر میڈے کولھ علم تاں ضرور ہے تے اِیندا ثبوت اساں تُہاکُوں ہر گالھ ءچ تے ہر طرحاں ڈے ڈِتے۔


ساکُوں آپنڑے ضمیر دی اِیں گواہی اُتے فخر ہے جو اساں دُنیا ءچ تے خاص طور تے تُہاڈے سامنڑے اُوں پاک دِلی تے سچائی نال زندگی گُزاری ہے جیہڑی خُدا دی طرفوں مِلدی ہے۔ ایہ ساڈی آپنڑی اِنسانی حِکمت نال نئیں بلکہ خُدا دے فضل نال تھئے۔


پر جیہڑے گالھیں کنُوں تُساں ہُنڑ شرمندہ ہیوے، اُنہاں کنُوں تُہاکُوں کیا مِلیا؟ کیوں جو اُنہاں دا انجام موت ہے۔


عزت تے بے عزتی ءچ، بدنامی تے نیک نامی ءچ۔ اساں سچے ہیں پر وَل وی لوک ساکُوں دوکھے باز سمجھدے ہِن۔


Swiv nou:

Piblisite


Piblisite