2کُرِنتھِیوں 4:14 - کِتاب مُقدّس سرائیکی ترجمہ

¹⁴ کیوں جو اساں جانڑدے ہیں جو خُداوند یسُوع کُوں مُردیاں ءچوں زندہ کرݨ آلا ساکُوں وی یسُوع دے وسیلے زندہ کریسی تے تُہاڈے نال آپنڑے سامنڑے حاضر کریسی۔

2کُرِنتھِیوں 4:14 Referans Kwoze

1تھِسّلُنیکیوں 4:14

کیوں جو جڈاں ساکُوں یقین ہے جو یسُوع مر گِیا تے ولا زندہ تھی گِیا، تاں ساکُوں اِیندا وی یقین ہے جو خُدا اُنہاں کُوں وی جیہڑے مسیحی ہوندے ہوئے سَم گئے ہِن، یسُوع نال ولا گِھن آسی۔

رومیوں 8:11

خُدا یسُوع کُوں مُردیاں ءچوں زندہ کیتا تے اُوندا رُوح تُہاڈے ءچ وسیا ہویا ہے۔ او اُونہی رُوح القُدس دے وسیلے جیہڑا تُہاڈے ءچ ہے تُہاڈے فانی جِسماں کُوں وی زندہ کریسی جِینویں اُوں مسیح کُوں زندہ کیتا۔

یہُوداہ 1:24

ہُنڑ جیہڑا تُہاکُوں گُمراہی تُوں بچا سگدے تے آپنڑی جلال آلی حضُوری ءچ بہُوں وڈی خوشی نال بے عیب بنڑا تے پیش کر سگدے،

1کُرِنتھِیوں 6:14

تے خُدا آپنڑی قُدرت نال ساکُوں وی زندہ کریسی جِینویں خُداوند یسُوع کُوں زندہ کیتا۔

اِفِسیوں 5:27

تے ایجھی جلال آلی کلیسیا بنڑا تے آپنڑے کولھ حاضر کرے جیندے ءچ کوئی داغ یا جُھری یا کوئی بِیا نُقص نہ ہووے بلکہ او پاک تے بے اِلزام ہووے۔

2کُرِنتھِیوں 11:2

میڈے دل ءچ تُہاڈے کیتے خُدا وانگُوں غیرت ہے کیوں جو مَیں تُہاڈا رشتہ ہِکو پئے یعنی مسیح نال طے کیتے تاں جو تُہاکُوں ہِک پاک دامن کُنواری وانگُوں اُوندے کولھ پیش کراں۔

کلُسِّیوں 1:28

اساں مسیح دی تبلیغ کریندے ہیں تے کمال دانائی نال سارے لوکاں کُوں نصیحت کریندے تے تعلیم ڈیندے ہیں، تاں جو اساں ہر بندے کُوں مسیح ءچ رُوحانی طور تے بالغ بنڑا تے پیش کر سگوں۔

کلُسِّیوں 1:22

پر ہُنڑ مسیح دی جِسمانی موت دے وسیلے نال اُوں تُہاڈے نال صُلح کر گِھدی ہے تاں جو تُہاکُوں پاک، بے عیب تے بے اِلزام بنڑا تے آپنڑے حضُور پیش کرے۔

اعمال 2:24

پر خُدا اُونکُوں زندہ کر ڈِتا تے موت دے قبضے تُوں چُھڑایا کیوں جو ایہ ممکن نہ ہا جو او موت دے قبضہ ءچ راہندا۔

لُوقا 21:36

بس ہر ویلے جاگدے تے دُعا کریندے راہو تاں جو تُہاکُوں اِنہاں سارے گالھیں کنُوں جیہڑیاں تھیوݨ آلیاں ہِن، بچنڑ تے اِبنِ آدم دے حضُور ءچ کھڑے تھیوݨ دی قُدرت ہووے۔“

اعمال 2:32

خُدا یسُوع کُوں زندہ کیتا تے اساں سارے اِیں گالھ دے گواہ ہیں۔

یعقُوب 5:15

اِیمان نال منگی ہوئی دُعا دے سببّوں بیمار بچ ویسی۔ خُداوند اُونکُوں شِفا ڈیسی تے جے اُوں گُناہ کیتے ہووݨ تاں او معاف کیتے ویسن۔