2کُرِنتھِیوں 4:10 - کِتاب مُقدّس سرائیکی ترجمہ

¹⁰ اساں آپنڑے بدن ءچ یسُوع دی موت چاتی ودے ہیں تاں جو یسُوع دی زندگی وی ساڈے بدن ءچوں ظاہر تھیوے۔

2کُرِنتھِیوں 4:10 Referans Kwoze

رومیوں 6:5

کیوں جو جڈاں اساں مسیح دی موت ءچ شامل تھی گئے ہیں، تاں بے شک اُوندے مُردیاں ءچوں زندہ تھیوݨ ءچ وی شامل تھی ویسوں۔

2 تِیمُتھِیُس 2:11

ایہ گالھ سچ ہے جو جے اساں مسیح نال مر گئے تاں اُوندے نال زندہ وی راہسوں۔

1 پطرس 4:13

بلکہ خوشی مناؤ جو تُساں مسیح دے ڈُکھاں ءچ شریک تھی گئے ہیوے تاں جو جِیں ویلے اُوندا جلال ظاہر تھیوے تاں تُساں مزید وی خوش تھی سگو۔

رومیوں 6:8

جڈاں اساں مسیح دے نال مر گئے تاں ساکُوں یقین ہے جو اُوندے نال زندہ وی تھی ویسوں۔

2کُرِنتھِیوں 13:4

ہا، او کمزوری دی حالت ءچ صلیب اُتے چڑھایا گِیا پر خُدا دی قُدرت دے سببّوں زندہ ہے، تے اساں وی اُوندی طرحاں کمزور تاں ہیں پر اُوندے نال خُدا دی اُوں قُدرت دے سببّوں زندہ ہوسُوں جیہڑی تُہاڈے کیتے ہے۔

2کُرِنتھِیوں 1:5

کیوں جو جِینویں اساں مسیح دے ڈُکھ ءچ بہُوں زیادہ شریک تھیندے ہیں، اُونویں ای ساکُوں مسیح دے وسیلے تسلی وی بہُوں زیادہ مِلدی ہے۔

رومیوں 8:36

جِینویں لِکھیا ہے جو ”اساں تیڈی خاطر سارا ڈینہہ موت دا سامنڑا کریندے ہیں، اساں ذبح تھیوݨ آلیاں بھیڈاں وانگُوں سمجھے ویندے ہیں۔“

کلُسِّیوں 1:24

ہُنڑ مَیں اُنہاں ڈُکھاں دے سببّوں خوش ہاں جیہڑے مَیں تُہاڈی خاطر چیندا پِیا ہاں کیوں جو مَیں مسیح دے بدن یعنی کلیسیا دی خاطر مسیح دیاں مُصیبتاں دی کمی کُوں آپنڑے بدن ءچ پُورا کریندا پِیا ہاں۔

2کُرِنتھِیوں 1:9

بلکہ اساں محسوس کر گِھدا ہا جو ساڈی موت یقینی ہے۔ ایہ اِیں واسطے تھیّا جو اساں آپنڑے آپ اُتے نئیں بلکہ اُوں خُدا اُتے بھروسہ رکھوں جیہڑا مُردیاں کُوں زندہ کریندے۔

گلتِیوں 6:17

میڈے بدن اُتے زخماں دے داغ ایہ ظاہر کریندے ہِن جو مَیں یسُوع دا بندہ ہاں، اِیں واسطے کوئی میکُوں اگُوں تُوں تکلیف نہ ڈیوے۔

یُوحنّا 14:19

ایہ دُنیا کُجھ دیر بعد میکُوں نہ ڈیکھ سگسی پر تُساں میکُوں ڈیدھے راہسو۔ کیوں جو مَیں زندہ ہاں، تُساں وی زندہ راہسو۔

مُکاشفہ 1:17

اُونکُوں ڈیکھ تے مَیں اُوندے پیراں ءچ بے جان جِیہا تھی تے ڈھے پِیا، پر اُوں آپنڑا سجا ہتھ میڈے اُتے رکھیا تے آکھیا جو ”خوف نہ کر، مَیں اوّل تے آخر ہاں۔

2کُرِنتھِیوں 4:11

کیوں جو اساں جیندے جی یسُوع دی خاطر موت دا مُنہ ڈیدھے راہندے ہیں تاں جو یسُوع دی زندگی ساڈے فانی بدن ءچ ظاہر تھیوے۔

1 پطرس 4:14

جے مسیح دے ناں دے سببّوں تُہاڈی بے عزتی کیتی ویندی ہے تاں تُساں مُبارک ہیوے کیوں جو خُدا دا جلالی رُوح القُدس تُہاڈے اُتے چھاں کیتی پئے۔