2کُرِنتھِیوں 3:14 - کِتاب مُقدّس سرائیکی ترجمہ

¹⁴ اُنہاں دے ذہن سخت تھی گئے تے اَج تئیں پُرانڑے عہد دیاں کتاباں پڑھدے ویلے اُنہاں دے دل اُتے پڑدہ پِیا راہندے۔ ایہ پڑدہ صرف مسیح دے وسیلے نال چاتا ویندے۔

2کُرِنتھِیوں 3:14 Referans Kwoze

اعمال 26:18

جو تُوں اُنہاں دے اکھیں کھولیں تاں جو او اندھارے کنُوں روشنی دو تے شیطان دے اِختیار کنُوں خُدا دو رجُوع گِھن آوݨ، تے میڈے اُتے اِیمان گِھن آ تے گُناہاں دی معافی پاوݨ، تے خُدا دے پاک لوکاں ءچ شریک تھی تے میراث حاصل کرݨ۔‘

رومیوں 11:25

بِھراؤ! مَیں اِیں راز کُوں تُہاکُوں سمجھاونڑاں چاہندا ہاں تاں جو تُساں آپنڑے آپ اُتے فخر نہ کرو۔ گالھ ایہ ہے جو اِسرائیل دا ہِک حصہ سخت دل تھی گِیا ہے تے جئیں تئیں غیر قوماں مکمل طور تے داخل نہ تھی ونجنڑ او اِینویں ای راہسی۔

2کُرِنتھِیوں 4:6

کیوں جو خُدا ای ہے جئیں فرمائے جو ”اندھارے ءچوں نُور چمکے“ تے اُوں ای ساڈے دِلاں ءچ آپنڑا نُور چمکایا تاں جو اساں خُدا دے جلال دے نُور کُوں پچھاݨ سگوں جیہڑا یسُوع مسیح دے چہرے تُوں ظاہر تھیندے۔

اعمال 16:14

ساڈے گالھیں سُنڑݨ آلیاں عورتاں ءچوں لُدیہ ناں دی ہِک عورت ہئی۔ او تھواتِیرہ شہر دی ہئی تے جامنی رنگ دے کپڑے دا کاروبار کریندی ہئی تے بہُوں خُدا پرست ہئی۔ خُداوند اُوندا دل کھولیا تاں جو او پولُس دا پیغام سُنڑے تے اُونکُوں قبول کرے۔

اعمال 13:15

توریت تے نبیاں دے صحیفے پڑھن تُوں بعد عبادت خانہ دے سرداراں اُنہاں کُوں اکھوا بھیجیا جو ”بِھراؤ! جے لوکاں دی نصیحت کیتے تُہاڈے کولھ پیغام ہے تاں آکھو۔“

یُوحنّا 12:46

مَیں نُور تھی تے دُنیا ءچ آیا ہاں تاں جو جیہڑا میڈے اُتے اِیمان گِھن آوے او اندھارے ءچ نہ راہوے۔

یُوحنّا 12:40

”اُوں اُنہاں دے اکھیں کُوں اندھا تے دِلاں کُوں سخت کر ڈِتا تاں جو اِینویں نہ تھیوے جو او آپنڑے اکھیں کنُوں ڈیکھنڑ تے آپنڑے دِلاں کنُوں سمجھنڑ تے رجُوع کرݨ تے مَیں اُنہاں کُوں شِفا بخشاں۔“

یُوحنّا 8:12

یسُوع ولا لوکاں نال کلام کریندے ہوئے آکھیا، ”دُنیا دا نُور مَیں ہاں، جیہڑا کوئی میڈی پیروی کریندے او کڈھائیں اندھارے ءچ نہ چلسی بلکہ اُوندے کولھ زندگی دا نُور ہوسی۔“

متّی 16:17

یسُوع جواب ءچ اُونکُوں آکھیا، ”شمعون بِن یُوناہ، تُوں مُبارک ہیں کیوں جو ایہ گالھ اِنسان نئیں بلکہ میڈے اسمانی باپ تَیں اُتے ظاہر کیتی ہے۔

متّی 13:11

اُوں جواب ءچ آکھیا، ”تُہاکُوں تاں اسمان دی بادشاہی دے راز سمجھنڑ دی قابلیت ڈِتی گئی ہے پر اُنہاں کُوں نئیں ڈِتی گئی۔

متّی 6:23

تے جے تیڈی اکھ خراب ہے تاں تیڈا سارا بدن تاریک ہوسی۔ بس جے تیڈے اندر دی روشنی ای اندھارا بنڑ ونجے تاں اندھارا کتنا زیادہ ہوسی!

2کُرِنتھِیوں 3:6

جئیں ساکُوں نویں عہد دے خادم ہووݨ دے لائق وی بنڑایا ہے۔ ایہ عہد لِکھے ہوئے حُکماں اُتے نئیں بلکہ رُوح اُتے قائم ہے کیوں جو لِکھے ہوئے حُکم مار سٹیندے ہِن پر رُوح القُدس زندگی ڈیندے۔

اعمال 15:21

کیوں جو ہر شہر ءچ پُرانڑے زمانے تُوں مُوسیٰ دی شریعت دی منادی کیتی گئی ہے تے او عبادت خانیاں ءچ ہر سبت کُوں سُنڑائی ویندی ہے۔“

2کُرِنتھِیوں 3:15

اَج تئیں جڈاں وی مُوسیٰ دی کتاب پڑھی ویندی ہے، اُنہاں دے دل اُتے پڑدہ پِیا راہندے۔

اِفِسیوں 4:18

اُنہاں دی عقل ماری گئی ہے تے خُدا دی ڈِتی ہوئی زندگی ءچ اُنہاں دا کوئی حصہ نئیں کیوں جو او آپنڑی سخت دِلی پارُوں جاہل بنڑ گئے ہِن۔