2کُرِنتھِیوں 2:11 - کِتاب مُقدّس سرائیکی ترجمہ

¹¹ اِینویں نہ تھیوے جو شیطان کُوں ساڈے تُوں فائدہ چاوݨ دا موقع مِل ونجے کیوں جو اساں اُوندیاں چالاں کُوں چنگی طرحاں جانڑدے ہیں۔

2کُرِنتھِیوں 2:11 Referans Kwoze

1 پطرس 5:8

ہوشیار تے خبردار راہو کیوں جو تُہاڈا دُشمنڑ ابلیس گجنڑ آلے ببرشیر وانگُوں گولھیندا ودے جو کہیں کُوں پھاڑ کھاوے۔

2کُرِنتھِیوں 11:3

پر میکُوں ڈر ہے، کِتھائیں اِینویں نہ تھیوے جو جِینویں نانگ آپنڑی مکاری نال حوّا کُوں ورغلا گِھدا، اُونویں ای تُہاڈے خیال وی خراب تھی ونجنڑ تے تُساں مسیح کیتے اُوں خلوص دِلی تے پاک دامنی کُوں چھوڑ ڈیؤ۔

لُوقا 22:31

شمعون! شمعون! ڈیکھ شیطان اِجازت منگی ہے جو تُہاکُوں دانڑیاں وانگُوں پھٹکے،

2کُرِنتھِیوں 4:4

اِیں جہان دے خُدا یعنی شیطان غیر اِیمانداراں دی عقل کُوں اندھا کر ڈِتے تاں جو او خوشخبری دا نُور نہ ڈیکھ سگنڑ، جیہڑا مسیح دے جلال کُوں ظاہر کریندے یعنی مسیح دے جیہڑا خُدا دی صورت اُتے ہے۔

متّی 4:10

یسُوع اُونکُوں آکھیا، ”شیطان! دُور تھی وَنج، کیوں جو لِکھیا ہے جو ’تُوں رب آپنڑے خُدا کُوں سجدہ کر تے صرف اُوندی عبادت کر‘۔“

2کُرِنتھِیوں 11:14

تے ایہ کوئی انوکھی گالھ نئیں کیوں جو شیطان وی آپنڑے آپ کُوں نُورانی فرشتے دا ہم شکل بنڑا گِھندے۔

1کُرِنتھِیوں 7:5

تُساں ڈوہائیں ہِک ڈُوجھے کنُوں اَنج نہ رہوائے سوائے ڈوہائیں دی رضامندی دے تے صرف کُجھ عرصہ کیتے تاں جو دُعا کرݨ کیتے فُرصت مِل سگے پر بعد ءچ ولا کٹھے تھی ونجائے، کِتھائیں اِینویں نہ تھیوے جو تُساں آپنڑے آپ اُتے قابو نہ رکھ سگو تے شیطان تُہاکُوں ازمائش ءچ سَٹ ڈیوے۔

2 تِیمُتھِیُس 2:25

آپنڑے مخالفاں کُوں حلیمی نال سمجھاوے۔ شاید خُدا اُنہاں کُوں توبہ دی توفیق ڈیوے تے او سچائی کُوں پچھاݨ گِھننڑ۔

یُوحنّا 13:2

شام دے کھانڑے دا ویلا ہا تے ابلیس پہلے ای شمعون دے پوتر یہُوداہ اِسکریُوتی دے دل ءچ اُونکُوں پکڑوا ڈیوݨ دا خیال پا ڈِتا ہا۔

مُکاشفہ 2:24

پر تُساں تھواتِیرہ دے باقی لوکاں کُوں جِنہاں اِیزبل دی تعلیم دی پیروی نئیں کیتی تے جِنہاں اُنہاں گالھیں کُوں نئیں سِکھیا، جِنہاں کُوں لوک شیطان دے گہرے راز آدھے ہِن، مَیں ایہ آدھا ہاں جو مَیں تُہاڈے اُتے کوئی بِیا بھار نہ پیساں،

اعمال 1:25

جو او رسُول ہووݨ تے اِیں خدمت دی ذمہ داری چاوے جِینکُوں یہُوداہ چھوڑ تے اُوں جاہ چلیا گِیا جیندے او لائق ہا۔“

مُکاشفہ 13:8

زمین دے سبھ راہنڑ آلے اُوں حیوان دی عبادت کریسن، یعنی او سبھ جِنہاں دے ناں دُنیا دے شروع تُوں اُوں لیلے دی کتاب ِ حیات ءچ نئیں لِکھے گئے جیہڑا ذبح تھئے۔