2کُرِنتھِیوں 2:1 - کِتاب مُقدّس سرائیکی ترجمہ

¹ بس مَیں آپنڑے دل ءچ اِرادہ کر گِھدا ہا جو ولا تُہاڈے کولھ پریشان تھی تے نہ آواں

2کُرِنتھِیوں 2:1 Referans Kwoze

2کُرِنتھِیوں 1:23

خُدا گواہ ہے جو مَیں کُرِنتُھس اِیں واسطے واپس نئیں آیا جو مَیں تُہاکُوں دڑکنڑ تُوں باز راہوݨ چاہندا ہم۔

2کُرِنتھِیوں 13:10

اِیں واسطے مَیں آپنڑی غیر موجودگی ءچ ایہ گالھیں لِکھدا پِیا ہاں تاں جو اُتھاں آ تے میکُوں اُوں اِختیار دے مطابق سختی نہ کرنڑی پووے جیہڑا خُداوند میکُوں تعمیر کرݨ کیتے ڈِتے نہ جو ڈھاوݨ کیتے۔

2کُرِنتھِیوں 2:4

مَیں بہُوں مُصیبت تے پریشانی ءچ تے بہُوں سارے ہنجُو وہا وہا تے تُہاکُوں لِکھیا ہا پر میڈا مقصد تُہاکُوں ڈُکھ ڈیوݨ نہ ہا بلکہ مَیں چاہندا ہم جو تُساں جاݨ گِھنو جو مَیں تُہاڈے نال کِتنی گہری محبت رکھیندا ہاں۔

1کُرِنتھِیوں 4:21

تُساں کیا چاہندے ہیوے، جو مَیں سوٹی گِھن تے تُہاڈے کولھ آواں یا محبت تے نرم مزاجی نال؟

طِطُس 3:12

جِیں ویلے مَیں اَرتِماس یا تخِکُس کُوں تیڈے کولھ بھجیساں تاں نِیکُپُلس ءچ میڈے کولھ آوݨ دی کوشش کریں کیوں جو مَیں ٹَھڈ دا موسم اُتھائیں گُزارݨ دا فیصلہ کیتے۔

1کُرِنتھِیوں 5:3

بھانویں مَیں ظاہری طور تے تُہاڈے نال موجود نہ ہم وَل وی رُوحانی طور تے اُتھاں تُہاڈے نال ہم، تے میں اُوں زانی دے خلاف فیصلہ کر ڈِتے جِینویں میں اُتھاں موجود ہوواں۔

1کُرِنتھِیوں 2:2

کیوں جو مَیں فیصلہ کر گِھدا ہا جو تُہاڈے ءچ یسُوع المسیح بلکہ اُوندے صلیب اُتے چڑھائے ونجنڑ دی تبلیغ دے علاوہ کوئی بئی گالھ نہ کریساں۔

اعمال 15:2

جِیں ویلے پولُس تے برنباس دی اُنہاں دے نال سخت تکرار تے بحث تھئی تاں کلیسیا ایہ مقرر کیتا جو پولُس تے برنباس تے اُنہاں ءچوں کُجھ بئے بندے اِیں مسئلہ کیتے رسُولاں تے بزُرگاں کولھ یروشلیم ونجنڑ۔

اعمال 11:29

بس شاگرداں فیصلہ کیتا جو آپنڑی آپنڑی مالی حیثیت دے مطابق، یہُودیہ ءچ راہنڑ آلے بِھرانواں دی مدد کیتے کُجھ نہ کُجھ بھیجُوں۔

اعمال 15:37

برنباس، یُوحنّا کُوں جیہڑا مرقس اکھویندا ہے، نال گِھننڑ چاہندا ہا۔