2کُرِنتھِیوں 12:20 - کِتاب مُقدّس سرائیکی ترجمہ

²⁰ کیوں جو میکُوں ڈر ہے جو کِتھائیں اِینویں نہ تھیوے جو جڈاں مَیں آواں تاں جِینویں مَیں چاہندا ہاں تُہاکُوں اُونویں نہ پاواں، تے جِینویں تُساں چاہندے ہیوے میں اُونویں نہ ہوواں۔ میکُوں ڈر ہے جو تُہاڈے ءچ جھیڑے، حسد، کاوڑ، خود غرضی، بدزبانی، چُغل خوری، شیخی تے فساد ہوسن۔

2کُرِنتھِیوں 12:20 Referans Kwoze

1 پطرس 2:1

اِیں واسطے ہر قِسم دی بُرائی، فریب، منافقت، حسد تے بدگوئی کُوں چھوڑ ڈیؤ۔

گلتِیوں 5:15

جے تُساں ہِک ڈُوجھے کُوں چِیر پھاڑ تے کھاندے ہیوے تاں خبردار، کِتھائیں اِینویں نہ تھیوے جو ہِک ڈُوجھے کُوں ختم کر ڈیؤ۔

1کُرِنتھِیوں 1:11

میڈے بِھراؤ! خلوئے دے گھر آلیاں میکُوں خبر ڈِتی ہے جو تُہاڈے ءچ جھیڑے تھیندے پئے ہِن۔

رومیوں 1:29

او ہر طرحاں دی ناراستی، بدی، لالچ، ناانصافی، حسد، قتل، جھیڑے، فریب تے بُغض نال بھریج گئے۔ او چغلی کرݨ آلے،

یہُوداہ 1:16

ایہ لوک ہمیشاں بَک بَک تے عیب جوئی کریندے ہِن تے آپنڑیاں خواہشاں دے پِچُھوں ٹُردے ہِن تے آپنڑے بارے ءچ وڈے بول بُولیندے ہِن تے آپنڑے فائدے کیتے ڈُوجھیاں دی خوشامد کریندے ہِن۔

2 پطرس 2:18

ایہ لوک غرور دیاں فضول گالھیں کریندے ہِن، تے بے ہُودہ جسمانی خواہشاں نال ایجھے لوکاں کُوں ورغلیندے ہِن جیہڑے گُمراہی ءچ راہوݨ آلیاں ءچوں ہُنڑیں ہُنڑیں بچ نِکلے ہِن۔

گلتِیوں 5:26

اساں غیر مناسب فخر، ہِک ڈُوجھے کُوں بھڑکاوݨ تے ہِک ڈُوجھے کنُوں حسد کرݨ چھوڑ ڈیؤں۔

2کُرِنتھِیوں 12:21

میکُوں ڈر ہے جو جِیں ویلے مَیں آساں تاں خُدا تُہاڈے سامنڑے میکُوں شرمندہ کریسی تے میکُوں بہُوں سارے لوکاں دے سببّوں افسوس کرنڑا پوسی جِنہاں پہلے ای گُناہ کیتے ہِن تے ہُنڑ وی آپنڑی ناپاکی، زِناکاری تے عیاشی کنُوں جیہڑی اُنہاں کیتی توبہ نئیں کیتی۔

2کُرِنتھِیوں 13:2

جِیں ویلے میں ڈُوجھی پھیری تُہاڈے کولھ آیا ہم تاں میں اُوں ویلے تُہاکُوں چتایا ہا تے ہُنڑ غیر حاضر ہوندے ہوئے وی ولا اُنہاں کُوں جِنہاں پہلے گُناہ کیتے ہَن تے بئیاں کُوں وی چتیندا پِیا ہاں جو جڈاں میں واپس آساں تاں کہیں کُوں وی نہ چُھڑیساں،

2کُرِنتھِیوں 10:6

تے جِیں ویلے تُہاڈی فرمانبرداری پُوری تھی ونجے تاں اساں ہر طرحاں دی نافرمانی دی سزا ڈیوݨ کیتے تیار ہوسُوں۔

2کُرِنتھِیوں 10:2

بلکہ مِنت کریندا ہاں جو تُہاڈے کولھ آ تے میکُوں اُوں دلیری نال نہ پیش آونڑا پووے، جِینویں کُجھ لوکاں نال پیش آوݨ دا اِرادہ رکھیندا ہاں جیہڑے ساڈے بارے ءچ سوچیندن جو اساں دُنیاوی طور تے زندگی گُزریندے ہیں۔

2کُرِنتھِیوں 1:23

خُدا گواہ ہے جو مَیں کُرِنتُھس اِیں واسطے واپس نئیں آیا جو مَیں تُہاکُوں دڑکنڑ تُوں باز راہوݨ چاہندا ہم۔

1کُرِنتھِیوں 14:33

کیوں جو خُدا بدنظمی دا نئیں بلکہ امن دا خُدا ہے۔ تے جِینویں مُقدّساں دی کلیسیا ءچ دستور ہے

رومیوں 1:30

کُوڑے اِلزام لاوݨ آلے، خُدا تُوں نفرت کرݨ آلے، گُستاخ، مغرُور تے شیخی باز، بدی دے بانی، آپنڑے ماء پِیُو دے نافرمان،

رومیوں 2:8

پر جیہڑے خود غرض ہِن تے سچائی کُوں چھوڑ تے بُرائی دے پِچُھوں چلدے ہِن اُنہاں اُتے قہر تے عذاب نازل تھیسی۔

1کُرِنتھِیوں 5:2

تُساں وَل وی پُھنڈدے ہیوے۔ تُہاکُوں تاں اِیں گالھ اُتے ماتم کرنڑا چاہیدا ہا۔ جئیں ایہ بُرا کم کیتے، اُونکُوں تُہاڈے ءچوں کڈھ ڈیونڑا چاہیدے۔

2کُرِنتھِیوں 2:1

بس مَیں آپنڑے دل ءچ اِرادہ کر گِھدا ہا جو ولا تُہاڈے کولھ پریشان تھی تے نہ آواں

یعقُوب 4:11

بِھراؤ، تُساں آپس ءچ ہِک ڈُوجھے دی بدگوئی نہ کرو۔ جیہڑا آپنڑے بِھرا دی بدگوئی کریندے یا اُوندے اُتے اِلزام لیندے، او شریعت دی بدگوئی کریندے تے اُوندے اُتے اِلزام لیندے۔ تے جے تُوں شریعت اُتے اِلزام لیندیں تاں تُوں شریعت اُتے عمل کرݨ دی بجائے اُوندی عدالت کریندیں۔