2کُرِنتھِیوں 12:2 - کِتاب مُقدّس سرائیکی ترجمہ

² مَیں مسیح اُتے اِیمان رکھنڑ آلے ہِک بندے کُوں جانڑدا ہاں جیہڑا چوڈھاں سال پہلے اچانک تریجھے اسمان تئیں چا گِھدا گِیا۔ مَیں نئیں جانڑدا جو او جِسم ءچ یا بغیر جِسم دے چاتا گِیا، خُدا ای جانڑدے۔

2کُرِنتھِیوں 12:2 Referans Kwoze

اعمال 22:17

جِیں ویلے مَیں یروشلیم وَل آیا تے ہیکل ءچ دُعا کریندا پِیا ہم تاں مَیں بے خود تھی گِیا۔

مُکاشفہ 4:2

وَل میں رُوح القُدس دے اثر ءچ آ گِیا تے کیا ڈیدھا ہاں جو اسمان اُتے ہِک تخت ہے تے اُوندے اُتے کوئی بیٹھا ہے۔

1تھِسّلُنیکیوں 4:17

وَل اساں جیہڑے باقی ہیں اُنہاں دے نال بدلاں اُتے چا گِھدے ویسوں تاں جو ہوا ءچ خُداوند دا اِستقبال کرُوں تے اِینویں ہمیشاں اُوندے نال راہسوں۔

2کُرِنتھِیوں 11:11

آخر کیوں؟ کیا اِیں واسطے جو مَیں تُہاڈے نال محبت نئیں رکھیندا؟ خُدا جانڑدے جو مَیں تُہاڈے نال محبت رکھیندا ہاں۔

مُکاشفہ 12:5

اُوں عورت ہِک پوتر جمیا، ہِک ایجھے بال کُوں جیہڑا ”لُوہے دی سوٹی نال ساریاں قوماں اُتے حکُومت کرݨ کُوں ہا۔“ وَل اُوندے بال کُوں اُتھوں چا تے خُدا تے خُدا دے تخت دے کولھ پُچا ڈِتا گِیا۔

عبرانیوں 9:24

مسیح اِنسانی ہتھاں دے بنڑے مُقدّس گھر ءچ داخل نئیں تھیّا، جیہڑا حقیقی مُقدّس گھر دی صرف نقل ہے، بلکہ اسمان ءچ ای داخل تھیّا تاں جو او ساڈی خاطر خُدا دے سامنڑے حاضر تھیوے۔

اِفِسیوں 4:10

تے جیہڑا تلے لتھا، او اُوہو ہے جیہڑا ساریاں اسماناں کنُوں وی اُتے چڑھ گِیا تاں جو پُوری کائنات کُوں بھر ڈیوے۔

گلتِیوں 5:6

کیوں جو مسیح یسُوع ءچ ہوندے ہوئے ختنہ کراوݨ یا نہ کراوݨ دی کوئی اہمیت نئیں۔ صرف او اِیمان اہم ہے جیہڑا محبت کرݨ نال ظاہر تھیندے۔

گلتِیوں 1:22

یہُودیہ دیاں مسیحی کلیسیاواں میکُوں ذاتی طور تے نہ جانڑدیاں ہَن۔

2کُرِنتھِیوں 5:17

اِیں واسطے جے کوئی مسیح ءچ ہے تاں او نوِیں مخلوق ہے۔ پُرانڑی زندگی ویندی ریہی، ڈیکھو نوِیں زندگی شروع تھی گئی ہے۔

رومیوں 16:7

اندرُنِیکُس تے یُونِیاس کُوں سلام آکھو۔ او میڈے رشتہ دار ہِن تے میڈے نال قید ہَن تے رسُولاں ءچ مشہور ہِن تے مَیں کنُوں پہلے مسیح ءچ شامل تھئے۔

رومیوں 8:1

اِیں واسطے جیہڑے مسیح یسُوع ءچ ہِن، ہُنڑ اُنہاں اُتے سزا دا حُکم نئیں۔

اعمال 14:6

تاں او اِیندے تُوں واقف تھی تے لُکااُنیہ دے شہر لُسترہ تے دِربے تے نال دیاں وستیاں ءچ بھج گئے۔

یُوحنّا 6:56

جیہڑا کوئی میڈا گوشت کھاندے تے میڈا خون پِیندے، او میڈے ءچ قائم راہندے تے مَیں اُوندے ءچ۔

لُوقا 24:51

تے جِیں ویلے او برکت ڈیندا پِیا ہا تاں اُنہاں کنُوں اَنج تھی گِیا تے اسمان اُتے چا گِھدا گِیا۔

مُکاشفہ 1:10

خُداوند دے ڈینہہ میں رُوح القُدس دے اثر ءچ آ گِیا ہم تے مَیں آپنڑے پِچُھوں نرسِنگے جیہی ہِک اواز سُنڑی،

2کُرِنتھِیوں 13:5

تُساں آپنڑے آپ کُوں ازما تے پتا کرو جو اِیمان ءچ ہیوے یا نئیں۔ آپنڑے آپ کُوں پرکھو۔ کیا تُساں آپنڑے بارے ءچ ایہ نئیں جانڑدے جو یسُوع مسیح تُہاڈے ءچ ہے؟ نہ تاں تُساں اِیمان دے اِمتحان ءچ ناکام ہیوے۔

2کُرِنتھِیوں 5:21

خُدا مسیح کُوں جیہڑا گُناہ کنُوں واقف نہ ہا، ساڈے کیتے گُناہ کھڑایا تاں جو اساں مسیح ءچ خُدا دی راستبازی تھی ونجُوں۔

1کُرِنتھِیوں 1:30

پر ایہ خُدا دی طرفوں ہے جو تُساں مسیح یسُوع ءچ ہیوے جیہڑا ساڈے کیتے حِکمت بنڑیا یعنی راستبازی، پاکیزگی تے مخلصی۔

رومیوں 16:3

پرسِکہ تے اَکوِلہ کُوں میڈا سلام آکھو۔ او مسیح یسُوع ءچ میڈے ہم خدمت ہِن۔

رومیوں 16:9

اُربانُس کُوں جیہڑا مسیح ءچ ساڈا ہم خدمت ہے تے میڈے عزیز استخُس کُوں سلام آکھو۔

رومیوں 16:10

اَپلِّیس کُوں سلام آکھو جیہڑا مسیح ءچ مقبول ہے۔ اَرسِتُبُولُس دے گھر آلیاں کُوں سلام آکھو۔

عبرانیوں 4:14

بس جڈاں ساڈا ہِک ایجھا عظیم کاہِن ِ اعظم ہے جیہڑا اسماناں کنُوں لنگھ گِیا یعنی خُدا دا پوتر یسُوع، تاں آؤ اساں آپنڑے اِیمان اُتے قائم راہوں، جِیندا اِقرار اساں کریندے ہیں۔