2کُرِنتھِیوں 12:14 - کِتاب مُقدّس سرائیکی ترجمہ

¹⁴ ڈیکھو! مَیں تریجھی پھیری تُہاڈے کولھ آوݨ کیتے تیار ہاں۔ مَیں تُہاڈے اُتے بھار نہ بنڑساں کیوں جو مَیں تُہاڈے مال دا نئیں بلکہ تُہاڈا ای طالب ہاں۔ کیوں جو بالاں کُوں ماء پِیُو کیتے نئیں بلکہ ماء پِیُو کُوں بالاں کیتے پیسہ جمع کرݨ چاہیدے۔

2کُرِنتھِیوں 12:14 Referans Kwoze

1کُرِنتھِیوں 10:33

اِینویں ای مَیں وی سبھ گالھیں ءچ ساریاں کُوں خوش کرݨ دی کوشش کریندا ہاں۔ مَیں آپنڑا نئیں بلکہ ڈُوجھیاں دا فائدہ گولھیندا ہاں تاں جو او نجات پاوݨ۔

1کُرِنتھِیوں 10:24

کوئی آپنڑا فائدہ نہ گولھے بلکہ ڈُوجھے دا۔

2کُرِنتھِیوں 1:15

اِیں گالھ اُتے بھروسا رکھ تے مَیں اِرادہ کیتا ہا جو پہلے تُہاڈے کولھ آواں تاں جو تُہاکُوں ڈُونڑا فائدہ تھیوے۔

1تھِسّلُنیکیوں 2:11

تُساں جانڑدے ہیوے جو جِیہا سلوک ہِک پِیُو آپنڑے بالاں نال کریندے، اُونویں ای اساں وی تُہاڈے نال کریندے ریہے۔

اعمال 20:33

مَیں کہیں دے سونے، چاندی یا کپڑے دا لالچ نئیں کیتا۔

1تھِسّلُنیکیوں 2:8

تُہاڈے کیتے ساڈی محبت اِتنی ہئی جو اساں نہ صرف خُدا دی خوشخبری سُنڑاونڑ بلکہ تُہاکُوں آپنڑی جان ڈے ڈیوݨ تئیں راضی ہسے کیوں جو تُساں ساکُوں بہُوں عزیز ہَوے۔

فِلِپّیوں 4:17

میں ایہ اِیں واسطے نئیں آدھا جو مَیں کوئی امداد چاہندا ہاں بلکہ مَیں ایہ چاہندا ہاں جو تُہاکُوں تُہاڈے نیک کماں دا اجر مِل ونجے۔

فِلِپّیوں 4:1

اِیں واسطے میڈے پیارے بِھراؤ، جِنہاں نال مِلنڑ دی مَیں سِک رکھیندا ہاں تے تُساں جیہڑے میڈی خوشی تے میڈا تاج ہیوے۔ میڈے عزیزو، خُداوند ءچ اِینویں ای قائم راہو۔

1کُرِنتھِیوں 16:5

مَیں مَکِدُنیہ تُوں تھیندا ہویا تُہاڈے کولھ آساں کیوں جو میکُوں مَکِدُنیہ تُوں تھی تے ونجنڑاں تاں ہے۔

1کُرِنتھِیوں 11:34

جے کوئی بُکھا ہووے تاں آپنڑے گھرُوں کھا گِھنے تاں جو تُہاڈا کٹھا تھیوݨ سزا دا سبب نہ بنڑے۔ مَیں بئے گالھیں اُتھائیں آ تے ٹھیک کریساں۔

1کُرِنتھِیوں 4:19

پر جے خُداوند دی مرضی تھئی تاں مَیں بہُوں جلدی تُہاڈے کولھ آساں، تے وَل مَیں اِنہاں شیخی بازاں دی نہ صرف گالھیں بلکہ اِنہاں دی طاقت وی جاݨ گِھنساں۔

1کُرِنتھِیوں 9:12

جِیں ویلے ڈُوجھیاں کُوں ایہ حق ہے جو تُہاڈے تُوں کُجھ گِھننڑ تاں کیا ساڈا حق اُنہاں کنُوں زیادہ نہ ہوسی؟ وَل وی اساں اِیں حق کُوں اِستعمال نہ کیتا بلکہ سبھ کُجھ برداشت کریندے ریہے تاں جو ساڈے سببّوں مسیح دی خوشخبری ءچ رکاوٹ نہ تھیوے۔

1کُرِنتھِیوں 9:18

بس میڈا اجر کیا ہے؟ صرف ایہ جو خوشخبری کُوں مُفت کر ڈیواں تے اُوں حق دا فائدہ نہ چاواں جیہڑا تبلیغ دی وجہ کنُوں میکُوں مِلدا ہے۔

1کُرِنتھِیوں 9:19

بھانویں مَیں ازاد ہاں تے کہیں دا پابند نئیں، وَل وی مَیں آپنڑے آپ کُوں سبھ دا غُلام بنڑا ڈِتے تاں جو زیادہ لوکاں کُوں مسیح کولھ گِھن آ سگاں۔

2کُرِنتھِیوں 11:9

تے جِیں ویلے مَیں تُہاڈے کولھ ہم تے میکُوں ضرورت پئی تاں مَیں تُہاڈے ءچوں کہیں کُوں ذرا وی تکلیف نہ ڈِتی کیوں جو مَکِدُنیہ کنُوں مسیحی بِھرانواں آ تے میڈی ضرورت پُوری کیتی۔ مَیں تُہاڈے اُتے کوئی بھار نئیں سٹیا تے نہ ای ولا سٹیساں۔

2کُرِنتھِیوں 12:13

مَیں تُہاکُوں کیہڑی گالھ ءچ ڈُوجھیاں کلیسیاواں کنُوں گھٹ کھڑایا، سِوا اِیندے جو مَیں تُہاڈے اُتے مالی بوجھ نہ سٹیا؟ میڈی ایہ بے اِنصافی معاف کرو۔

گلتِیوں 4:19

میڈے بالو! تُہاڈے کیتے میکُوں ولا کنُوں بال جاوݨ وانگُوں دے درد لگے ہِن تے اُوں ویلے تئیں لگے راہسن، جئیں تئیں مسیح دی صورت تُہاڈے ءچ قائم نہ تھی ونجے۔