2کُرِنتھِیوں 12:11 - کِتاب مُقدّس سرائیکی ترجمہ

¹¹ تُساں ای میکُوں مجبور کیتے جو مَیں فخر کر تے بیوقُوف بنڑ ونجاں، جڈاں جو تُہاکُوں تاں میڈی تعریف کرنڑی چاہیدی ہئی۔ بےشک مَیں کُجھ وی نئیں پر وَل وی تُہاڈے ”افضل رسُولاں“ کنُوں کہیں گالھ ءچ گھٹ نئیں۔

2کُرِنتھِیوں 12:11 Referans Kwoze

2کُرِنتھِیوں 11:5

مَیں نئیں سمجھدا جو مَیں اُنہاں ”افضل رسُولاں“ کنُوں کمتر ہاں۔

2کُرِنتھِیوں 11:1

کاش جو تُساں میڈی ذرا جیہی بیوقُوفی برداشت کریندے! ہا، برداشت تاں تُساں کریندے ای ہیوے۔

اِفِسیوں 3:8

بھانویں میں مُقدّساں ءچوں ساریاں کنُوں چھوٹا ہاں، وَل وی میڈے اُتے ایہ فضل تھئے جو مَیں غیر قوماں کُوں مسیح دی بے حد دولت دی خوشخبری سُنڑاواں،

2کُرِنتھِیوں 12:12

مَیں بہُوں صبر نال، تے نشاناں تے عجیب کماں تے معجزیاں دے وسیلے نال تُہاڈے وچال رسُول ہووݨ دے ثبوت ظاہر کریندا ریہا۔

2کُرِنتھِیوں 12:6

جے فخر کرݨ چاہاں تاں ایہ میڈی بیوقُوفی نہ ہوسی، اِیں واسطے جو مَیں سچ بُولیساں۔ پر مَیں فخر نہ کریساں تاں جو کوئی بندہ جِینویں میکُوں ڈیدھے یا سُنڑدے، اُوں کنُوں ودھ نہ سمجھے۔

2کُرِنتھِیوں 1:6

جے اساں مُصیبت برداشت کریندے ہیں تاں او تُہاڈی تسلی تے نجات کیتے ہے تے جے تسلی پیندے ہیں تاں او وی تُہاڈی تسلی کیتے ہے جیندے سببّوں تُساں اُنہاں ڈُکھاں کُوں صبر نال برداشت کر سگسو جیہڑے اساں وی برداشت کریندے ہیں۔

1کُرِنتھِیوں 3:22

بھانویں او پولُس ہووے یا اپُلّوس ہووے، پطرس ہووے یا دُنیا ہووے، زندگی ہووے یا موت ہووے، اِیں زمانے دیاں چیزاں ہووݨ یا آوݨ آلے زمانے دیاں،

لُوقا 17:10

اِینویں ای تُساں وی جِیں ویلے اِنہاں گالھیں اُتے عمل کر گِھنو جیندے کرݨ دا تُہاکُوں حُکم ڈِتا گِیا ہا تاں آکھو جو ’اساں نکمے نوکر ہاں، اساں صرف اُوہو کیتے جِینویں کرݨ ساکُوں فرض ہا‘۔“

1کُرِنتھِیوں 13:2

تے جے میکُوں نبُوّت دی نعمت مِلے تے مَیں ہر راز تے علم کنُوں واقف تھی وَنجاں، تے جے میڈا اِیمان اِتُھوں تئیں کامِل ہووے جو پہاڑاں کُوں ہٹا ڈیواں، پر محبت نہ رکھاں تاں مَیں کُجھ وی نئیں۔

2کُرِنتھِیوں 3:1

کیا اساں وَل آپنڑی تعریف دا ڈھنڈورہ پِٹنڑ لگ ونجُوں؟ کیا ساکُوں کُجھ لوکاں وانگُوں تُہاڈے کولھ سفارشی چِٹھیاں گِھن آوݨ یا تُہاڈے کنُوں گِھن ونجنڑ دی ضرورت ہے؟

2کُرِنتھِیوں 5:13

جے اساں دیوانے ہیں تاں خُدا کیتے ہیں تے جے ہوش ءچ ہیں تاں تُہاڈے کیتے۔

گلتِیوں 6:3

جے کوئی آپنڑے آپ کُوں کُجھ سمجھے، پر او کُجھ وی نہ ہووے، تاں او آپنڑے آپ کُوں دوکھا ڈیندے۔