2کُرِنتھِیوں 11:7 - کِتاب مُقدّس سرائیکی ترجمہ

⁷ کیا ایہ میڈا جُرم ہا جو مَیں خُدا دی خوشخبری تُہاکُوں مُفت سُنڑا تے آپنڑے آپ کُوں پست کیتا تاں جو تُساں اُچے تھی ونجو؟

2کُرِنتھِیوں 11:7 Referans Kwoze

2کُرِنتھِیوں 12:13

مَیں تُہاکُوں کیہڑی گالھ ءچ ڈُوجھیاں کلیسیاواں کنُوں گھٹ کھڑایا، سِوا اِیندے جو مَیں تُہاڈے اُتے مالی بوجھ نہ سٹیا؟ میڈی ایہ بے اِنصافی معاف کرو۔

1تھِسّلُنیکیوں 2:9

بِھراؤ! ساڈی او سخت محنت تُہاکُوں ضرور یاد آندی ہوسی۔ اساں خُدا دی خوشخبری سُنڑیندے ہوئے ڈینہہ رات آپنڑے ہتھاں نال کم کریندے ہسے تاں جو کہیں اُتے بھار نہ بنڑوں۔

2کُرِنتھِیوں 10:1

ہُنڑ مَیں پولُس جیندے بارے ءچ کُجھ لوک آدھے ہِن جو تُہاڈے سامنڑے تاں عاجز ہاں پر غیر حاضری ءچ دلیر ہاں، مسیح دی عاجزی تے نرمی یاد ڈیویندے ہوئے خود تُہاکُوں درخاست کریندا ہاں۔

1کُرِنتھِیوں 9:6

کیا صرف میڈے تے برنباس کیتے ضروری ہے جو خدمت کرݨ دے نال نال محنت کر تے آپنڑا گُزارا کرُوں ؟

2تھِسّلُنیکیوں 3:8

تے نہ ای اساں کہیں دی روٹی مُفت ءچ کھاندے ہسے بلکہ ڈینہہ رات سخت محنت کریندے ہسے تاں جو تُہاڈے ءچوں کہیں اُتے بھار نہ بنڑوں۔

اعمال 20:34

تُساں خود جانڑدے ہیوے جو مَیں آپنڑے ہتھاں نال آپنڑی تے آپنڑے ساتھیاں دیاں ضرورتاں پُوریاں کیتیاں ہَن۔

1کُرِنتھِیوں 9:12

جِیں ویلے ڈُوجھیاں کُوں ایہ حق ہے جو تُہاڈے تُوں کُجھ گِھننڑ تاں کیا ساڈا حق اُنہاں کنُوں زیادہ نہ ہوسی؟ وَل وی اساں اِیں حق کُوں اِستعمال نہ کیتا بلکہ سبھ کُجھ برداشت کریندے ریہے تاں جو ساڈے سببّوں مسیح دی خوشخبری ءچ رکاوٹ نہ تھیوے۔

اعمال 20:33

مَیں کہیں دے سونے، چاندی یا کپڑے دا لالچ نئیں کیتا۔

رومیوں 1:1

ایہ خط میں پولُس دی طرفوں ہے جیہڑا یسُوع مسیح دا خادم ہاں۔ میں رسُول ہووݨ کیتے سڈیا گِیا ہاں تے خُدا دی خوشخبری سُناوݨ کیتے مقرر کیتا گِیا ہاں۔

2کُرِنتھِیوں 2:12

جِیں ویلے مَیں مسیح دی خوشخبری دی تبلیغ کیتے تروآس پُجیا تاں خُداوند میڈے کیتے خدمت دا دروازہ کھول ڈِتا ہا۔

2کُرِنتھِیوں 10:16

تاں جو اساں تُہاڈے علاقہ تُوں اگُوں وی خوشخبری سُنڑا سگوں۔ ایہ نئیں جو کہیں ڈُوجھے دے کم اُتے فخر کرُوں۔