2کُرِنتھِیوں 11:32 - کِتاب مُقدّس سرائیکی ترجمہ

³² دمشق شہر دے حاکم جیہڑا اَرِتاس بادشاہ دے ماتحت ہا، میکُوں گرفتار کرݨ کیتے شہر دے پھاٹکاں اُتے پہرا لا ڈِتا ہا۔

2کُرِنتھِیوں 11:32 Referans Kwoze

2کُرِنتھِیوں 11:26

مَیں لگاتار سفر ءچ ریہا، دریا دے خطریاں ءچ، ڈاکواں دے خطریاں ءچ، آپنڑی قوم آلیاں دے خطریاں ءچ، غیر قوماں دے خطریاں ءچ، شہر دے خطریاں ءچ، بیابان دے خطریاں ءچ، سمندر دے خطریاں ءچ، تے کُوڑے اِیمانداراں دے خطریاں ءچ ریہا۔

اعمال 9:2

تے اُوں دمشق دے عبادت خانیاں کیتے خط منگے تاں جو جیہڑا وی مسیح دی راہ اُتے ٹُرݨ آلا مِلے بھانویں او مرد ہووے یا عورت، اُونکُوں گرفتار کر تے یروشلیم گِھن آوے۔

اعمال 9:8

ساؤل زمین تُوں اُٹھی کھڑا تھیّا پر جِیں ویلے اکھیں کھولیاں تاں اُونکُوں کُجھ ڈِکھالی نہ ڈِتا۔ اِیں واسطے لوک اُوندا ہتھ پکڑ تے دمشق ءچ گِھن گئے۔

اعمال 9:10

دمشق ءچ حننیاہ ناں دا ہِک شاگرد ہا۔ خُداوند اُونکُوں رویا ءچ آکھیا جو ”حننیاہ!“ اُوں آکھیا ”خُداوند! مَیں حاضر ہاں۔“