2کُرِنتھِیوں 11:29 - کِتاب مُقدّس سرائیکی ترجمہ

²⁹ کیندی کمزوری نال مَیں کمزور نئیں تھیندا؟ تے کیندی گُمراہی تُوں میڈا دل نئیں ڈُکھدا؟

2کُرِنتھِیوں 11:29 Referans Kwoze

1کُرِنتھِیوں 9:22

کمزوراں دی خاطر کمزور بنڑیا تاں جو کمزوراں کُوں گِھن آواں۔ مَیں ساریاں لوکاں دی خاطر سبھ کُجھ بنڑیا تاں جو کہیں نہ کہیں طرحاں کُجھ کُوں بچا سگاں۔

1کُرِنتھِیوں 8:13

اِیں واسطے جے میڈا کھانڑا میڈے مسیحی بِھرا کیتے تُھڈا لگنڑ دا سبب ہے تاں مَیں گوشت کڈھائیں نہ کھاساں تاں جو آپنڑے بِھرا کیتے تُھڈا لگنڑ دا سبب نہ بنڑاں۔

مُکاشفہ 2:20

پر میکُوں تیڈے تُوں ایہ شکایت ہے جو تَیں اُوں عورت اِیزبل کُوں جیہڑی آپنڑے آپ کُوں نبِیّہ آدھی ہے، نئیں روکیا۔ او میڈے خادماں کُوں تعلیم ڈے تے گُمراہ کریندی ہے جو او بُتاں کُوں پیش کیتیاں گئیاں قُربانیاں دا گوشت کھاوݨ تے حرامکاری کرݨ۔

مُکاشفہ 2:2

”مَیں تیڈے کم، تیڈی محنت تے تیڈی ثابت قدمی کُوں جانڑدا ہاں۔ تے ایہ وی جانڑدا ہاں جو تُوں بدکاراں کُوں برداشت نئیں کر سگدا تے جیہڑے آپنڑے آپ کُوں رسُول آدھے ہِن پر ہِن نئیں، تَیں اُنہاں کُوں ازمائے تے کُوڑا ثابت کیتے۔

گلتِیوں 6:2

ہِک بئے دا بھار چاؤ تے اِینویں ای مسیح دی شریعت کُوں پُورا کرو۔

گلتِیوں 2:14

جِیں ویلے مَیں ڈِٹھا جو او خوشخبری دی سچائی دے مطابق نئیں چلدے، تاں مَیں سبھ دے سامنڑے پطرس کُوں آکھیا جو ”تُوں یہُودی ہوندے ہوئے غیر قوماں وانگُوں زندگی گُزریندا پئیں نہ جو یہُودیاں وانگُوں۔ وَل تُوں کِینویں غیر قوماں کُوں یہُودیاں وانگُوں زندگی گُزارݨ کیتے مجبور کر سگدیں؟“

2کُرِنتھِیوں 13:9

کیوں جو اساں خوش ہیں جڈاں تُساں زور آور ہیوے بھانویں اساں کمزور ہیں۔ تے ساڈی دُعا ہے جو تُساں کامل تھی ونجو۔

1کُرِنتھِیوں 15:36

بےوقُوفو! جئیں تئیں بیج مِٹی ءچ ختم نئیں تھی ویندا، ودھدا نئیں۔

1کُرِنتھِیوں 12:26

جے بدن دا ہِک اَنگ ڈُکھدے تاں سارے اَنگ اُوندے نال ڈُکھدے ہِن۔ تے جے ہِک اَنگ کُوں عزت مِلدی ہے تاں سارے اَنگ اُوندے نال خوشی منیندے ہِن۔

1کُرِنتھِیوں 11:22

کیا کھاوݨ تے پِیوݨ کیتے تُہاڈے گھر نئیں؟ یا کیا تُساں خُدا دی کلیسیا کُوں ناچیز سمجھ تے جِنہاں کولھ کُجھ نئیں اُنہاں کُوں شرمندہ کریندے ہیوے؟ مَیں تُہاکُوں کیا آکھاں؟ کیا اِیں کیتے تُہاڈی تعریف کراں؟ مَیں تُہاڈی تعریف نئیں کر سگدا۔

رومیوں 15:1

اساں جیہڑے اِیمان ءچ پکّے ہیں ساڈا فرض ہے جو کمزور اِیمان آلیاں دیاں کمزوریاں دا لحاظ کرُوں، نہ صرف آپنڑی خوشی کرُوں۔

رومیوں 12:15

خوشی مناوݨ آلیاں نال خوشی مناؤ، رووݨ آلیاں نال روؤ۔

یُوحنّا 2:17

اُوندے شاگرداں کُوں یاد آیا جو کلام ءچ لِکھیا ہے ”تیڈے گھر دی غیرت میکُوں کھا ویسی۔“

متّی 11:6

مُبارک ہے او جیہڑا میڈی وجہ کنُوں ٹھوکر نہ کھاوے۔“

1کُرِنتھِیوں 8:9

پر خبردار راہو، اِینویں نہ تھیوے جو تُہاڈی ایہ ازادی کمزور اِیمان آلیاں کیتے تُھڈا کھاوݨ دا سبب بنڑ ونجے۔