2کُرِنتھِیوں 11:28 - کِتاب مُقدّس سرائیکی ترجمہ

²⁸ اِنہاں سارے گالھیں دے علاوہ ساریاں کلیسیاواں دی فِکر دا بھار ہر روز میڈے اُتے راہندے۔

2کُرِنتھِیوں 11:28 Referans Kwoze

1کُرِنتھِیوں 7:17

پر جِینویں خُداوند ہر بندے کُوں مقرر کیتا ہے تے جِینویں خُدا ہر ہِک کُوں سڈیا ہے، اُونویں ای او ٹُرے۔ مَیں یکے کلیسیاواں ءچ اِیہو اصُول مقرر کریندا ہاں۔

رومیوں 15:16

جو مَیں غیریہُودیاں ءچ مسیح یسُوع دا خادم بنڑ تے خوشخبری دی خدمت کاہِن دی طرحاں کراں، تاں جو غیریہُودی رُوح القُدس دے ذریعے مُقدّس تھی تے ایجھی نذر بنڑ ونجنڑ، جیہڑی خُدا دے حضُور ءچ مقبول تھیوے۔

کلُسِّیوں 2:1

مَیں تُہاکُوں ڈساوݨ چاہندا ہاں جو مَیں تُہاڈے کیتے تے لَودِیکیہ آلیاں کیتے بلکہ اُنہاں ساریاں اِیمانداراں کیتے جِنہاں میڈا چہرہ نئیں ڈِٹھا بہُوں محنت کریندا پِیا ہاں۔

رومیوں 16:4

اُنہاں میڈی خاطر آپنڑے آپ کُوں خطرے ءچ پاتا ہویا ہا۔ نہ صرف میں بلکہ غیر قوماں دیاں سبھ کلیسیاواں وی اُنہاں دیاں شُکر گُزار ہِن۔

رومیوں 11:13

ہُنڑ مَیں تُساں غیریہُودیاں کُوں آدھا ہاں۔ مَیں غیریہُودیاں کیتے رسُول مقرر تھیّا ہاں اِیں واسطے آپنڑی خدمت دی تعریف کریندا ہاں،

اعمال 18:23

انطاکِیہ ءچ کُجھ عرصہ گُزارݨ تُوں بعد پولُس اُتھوں روانہ تھیّا تے گلِتیہ تے فروگیہ دے سارے علاقیاں ءچوں لنگھدے ہوئے سبھ شاگرداں دے اِیمان کُوں مضبوط کریندا گِیا۔

رومیوں 1:14

مَیں یُونانیاں تے غیر یُونانیاں، داناواں تے ناداناں ڈوہائیں دا قرض دار ہاں۔

اعمال 20:2

تے اُوں علاقے کنُوں لنگھدے ہوئے اِیمانداراں کُوں بہُوں نصیحت کر تے یُونان پُجیا،

اعمال 15:36

کُجھ ڈینہہ بعد پولُس، برنباس کُوں آکھیا جو ”جِنہاں شہراں ءچ اساں خُداوند دا کلام سُنڑایا ہا، آؤ وَل اُنہاں ءچ وَنج تے بِھرانواں کُوں ڈیکھوں جو اُنہاں دا کیا حال ہے۔“

اعمال 9:31

بس پُورے یہُودیہ، گلیل تے سامریہ ءچ کلیسیا کُوں سکون تھی گِیا تے اُوندی ترقی تھیندی گئی۔ او خُداوند دے خوف ءچ زندگی گُزار تے، تے رُوح القُدس دی مدد نال گِنتری ءچ ودھدی ویندی ہئی۔