2کُرِنتھِیوں 11:27 - کِتاب مُقدّس سرائیکی ترجمہ

²⁷ مَیں محنت تے مُشقت کیتی، اکثر ساری رات جاگدا ریہا، بُکھا تے ترِسّا تے بہُوں پھیری فاقہ کیتا، سردی تے ننگے پن ءچ ریہا۔

2کُرِنتھِیوں 11:27 Referans Kwoze

فِلِپّیوں 4:12

مَیں تنگ حالی ءچ وی راہنڑ جانڑدا ہاں تے خوشحالی ءچ وی۔ ہر گالھ تے ہر حالت ءچ، رجیا ہویا تے بُکھ ءچ، امیری تے غریبی ءچ زندگی گُزارݨ سِکھیا ہے۔

2کُرِنتھِیوں 6:5

کوڑے کھا تے، قید ءچ رہ تے، فساد دا سامنڑا کر تے، سخت محنت کر تے، آپنڑیاں نیندراں حرام کر تے، بُکھے رہ تے،

1تھِسّلُنیکیوں 2:9

بِھراؤ! ساڈی او سخت محنت تُہاکُوں ضرور یاد آندی ہوسی۔ اساں خُدا دی خوشخبری سُنڑیندے ہوئے ڈینہہ رات آپنڑے ہتھاں نال کم کریندے ہسے تاں جو کہیں اُتے بھار نہ بنڑوں۔

2تھِسّلُنیکیوں 3:8

تے نہ ای اساں کہیں دی روٹی مُفت ءچ کھاندے ہسے بلکہ ڈینہہ رات سخت محنت کریندے ہسے تاں جو تُہاڈے ءچوں کہیں اُتے بھار نہ بنڑوں۔

عبرانیوں 11:37

او سنگسار کیتے گئے، آرے نال چِیرے گئے، تلوار نال قتل کیتے گئے، بھیڈاں تے بکریاں دی کَھل پا تے مُتھاجی ءچ، مُصیبت تے بدسلُوکی دا سامنڑا کریندے ہوئے جاہ جاہ پِھردے ریہے۔

2کُرِنتھِیوں 11:23

کیا او مسیح دے خادم ہِن؟ میں ایہ گالھ پاگل آلی کار کریندا پِیا ہاں۔ مَیں اُنہاں کنُوں زیادہ اُوندا خادم ہاں۔ مَیں اُنہاں کنُوں زیادہ محنت کیتی، زیادہ دفعہ قید تھیّا، زیادہ کوڑے کھادے، کئی پھیری موت دا سامنڑا کیتا۔

1کُرِنتھِیوں 7:5

تُساں ڈوہائیں ہِک ڈُوجھے کنُوں اَنج نہ رہوائے سوائے ڈوہائیں دی رضامندی دے تے صرف کُجھ عرصہ کیتے تاں جو دُعا کرݨ کیتے فُرصت مِل سگے پر بعد ءچ ولا کٹھے تھی ونجائے، کِتھائیں اِینویں نہ تھیوے جو تُساں آپنڑے آپ اُتے قابو نہ رکھ سگو تے شیطان تُہاکُوں ازمائش ءچ سَٹ ڈیوے۔

اعمال 14:23

اُنہاں ہر کلیسیا ءچ بزُرگاں کُوں مقرر کیتا تے روزہ رکھ تے، تے دُعاواں کر تے اُنہاں کُوں خُداوند دے سپُرد کیتا جئیں اُتے او اِیمان گِھن آئے ہَن۔

اعمال 20:31

اِیں واسطے خبردار رہوائے تے یاد رکھائے جو مَیں ترے سال تئیں ڈینہہ رات ہنجُو وہا وہا تے ہر ہِک کُوں خطرے تُوں آگاہ کریندا ریہا۔

متّی 17:21

[پر ایہ قِسم دُعا تے روزہ دے بغیر نئیں نِکل سگدی۔“]