2کُرِنتھِیوں 11:25 - کِتاب مُقدّس سرائیکی ترجمہ

²⁵ ترے پھیری میکُوں بینت نال ماریا گِیا، ہِک پھیری میں سنگسار کیتا گِیا، ترے پھیری میڈا جہاز تباہ تھیّا، تے ہِک ڈینہہ تے ہِک رات مَیں کُھلے سمندر ءچ گُزاری۔

2کُرِنتھِیوں 11:25 Referans Kwoze

اعمال 14:19

وَل کُجھ یہُودی انطاکِیہ تے اکُنیُم تُوں آئے تے لوکاں کُوں آپنڑے نال مِلا تے پولُس کُوں سنگسار کر ڈِتا تے اُونکُوں مُردہ سمجھ تے شہر تُوں باہر گِھیل تے گِھن گئے۔

عبرانیوں 11:37

او سنگسار کیتے گئے، آرے نال چِیرے گئے، تلوار نال قتل کیتے گئے، بھیڈاں تے بکریاں دی کَھل پا تے مُتھاجی ءچ، مُصیبت تے بدسلُوکی دا سامنڑا کریندے ہوئے جاہ جاہ پِھردے ریہے۔

اعمال 16:37

پر پولُس جواب ڈِتا ”اُنہاں ساکُوں جیہڑے رومی شہری ہیں، ساڈا قصُور ثابت کیتے بغیر ساریاں دے سامنڑے ماریا کٹوایا تے قید خانہ ءچ سَٹ ڈِتا تے ہُنڑ چُپ کر تے چھوڑ ڈیوݨ چاہندے ہِن؟ اِینویں نئیں تھی سگدا بلکہ او خود اِتھاں آوݨ تے ساکُوں قید خانہ ءچوں باہر گِھن ونجنڑ۔“

اعمال 16:33

اُونہی ویلے رات کُوں او اُنہاں کُوں گِھن گِیا تے اُنہاں دے زخم دھوتے۔ وَل اُوں تے اُوندے سارے گھر آلیاں بپتسمہ گِھدا۔

اعمال 14:5

پر جِیں ویلے یہُودی تے غیریہُودی آپنڑے سرداراں نال رَل تے رسُولاں کُوں بے عزت تے سنگسار کرݨ کیتے اُنہاں اُتے چڑھ آئے

متّی 21:35

پر ٹھیکیداراں اُوندے نوکراں کُوں پکڑ تے کہیں کُوں کُٹیا تے کہیں کُوں قتل کیتا تے کہیں کُوں سنگسار کیتا۔

اعمال 22:24

تاں پلٹن دے سپہ سالار پولُس کُوں قلعہ دے اندر گِھن ونجنڑ دا حُکم ڈِتا تے آکھیا جو ”اُونکُوں کوڑے مارو تے اُوندا بیان گِھنو تاں جو میکُوں پتہ لگے جو ایہ لوک اُوندے اُتے کیوں اِینویں چیخدے پئے ہِن۔“

متّی 20:19

تے اُونکُوں غیر قوماں دے حوالے کریسن تاں جو او اُوندا مذاق اُڈاوݨ، کوڑے مارݨ تے مصلُوب کرݨ۔ پر او تریجھے ڈینہہ زندہ تھی ویسی۔“

1 تِیمُتھِیُس 1:19

تے اِیمان تے نیک نیّتی اُتے قائم راہویں کیوں جو کُجھ لوکاں اِینکُوں رَد کر ڈِتے، تے آپنڑے اِیمان دا بیڑا غرق کر گِھدے۔