2کُرِنتھِیوں 11:23 - کِتاب مُقدّس سرائیکی ترجمہ

²³ کیا او مسیح دے خادم ہِن؟ میں ایہ گالھ پاگل آلی کار کریندا پِیا ہاں۔ مَیں اُنہاں کنُوں زیادہ اُوندا خادم ہاں۔ مَیں اُنہاں کنُوں زیادہ محنت کیتی، زیادہ دفعہ قید تھیّا، زیادہ کوڑے کھادے، کئی پھیری موت دا سامنڑا کیتا۔

2کُرِنتھِیوں 11:23 Referans Kwoze

2کُرِنتھِیوں 6:9

اساں مشہور ہیں، وَل وی لوک ساکُوں نئیں جانڑدے۔ اساں موت دے مُنہ ءچ راہندے ہیں، پر ڈیکھو وَل وی زندہ ہیں۔ مار کھاندے راہندے ہیں پر جان کنُوں نئیں مردے۔

2کُرِنتھِیوں 3:6

جئیں ساکُوں نویں عہد دے خادم ہووݨ دے لائق وی بنڑایا ہے۔ ایہ عہد لِکھے ہوئے حُکماں اُتے نئیں بلکہ رُوح اُتے قائم ہے کیوں جو لِکھے ہوئے حُکم مار سٹیندے ہِن پر رُوح القُدس زندگی ڈیندے۔

1کُرِنتھِیوں 15:10

پر ہُنڑ مَیں جیہڑا کُجھ ہاں، خُدا دے فضل نال ہاں، تے او فضل جیہڑا اُوں میڈے اُتے کیتا او ضائع نئیں تھیّا کیوں جو مَیں ساریاں تُوں زیادہ محنت کیتی، بےشک ایہ محنت مَیں آپنڑی کوشش نال نئیں بلکہ خُدا دے فضل نال کیتی، جیہڑا میڈے اُتے ہا۔

کلُسِّیوں 1:29

اِیں مقصد کیتے مَیں مسیح دی اُوں وڈی قُدرت نال سخت محنت کریندا ہاں، جیہڑی میڈے اُتے زور نال اثر کریندی ہے۔

کلُسِّیوں 1:24

ہُنڑ مَیں اُنہاں ڈُکھاں دے سببّوں خوش ہاں جیہڑے مَیں تُہاڈی خاطر چیندا پِیا ہاں کیوں جو مَیں مسیح دے بدن یعنی کلیسیا دی خاطر مسیح دیاں مُصیبتاں دی کمی کُوں آپنڑے بدن ءچ پُورا کریندا پِیا ہاں۔

اعمال 9:16

تے مَیں اُونکُوں ڈِکھا ڈیساں جو میڈے ناں دی خاطر اُونکُوں کتنا ڈُکھ جھلنڑا پوسی۔“

فِلیمون 1:9

وَل وی میکُوں ایہ زیادہ پسند ہے جو مَیں تیکُوں محبت دی وجہ تُوں درخاست کراں۔ مَیں پولُس، جیہڑا بُڈھا تے اِیں ویلے مسیح یسُوع دی خاطر قیدی ہاں،

2 تِیمُتھِیُس 2:9

اِیں خوشخبری کیتے مَیں ڈُکھ چیندا ہاں بلکہ مُجرم وانگُوں قید ءچ ہاں، پر خُدا دا کلام کہیں قید ءچ نئیں۔

1کُرِنتھِیوں 3:5

آخر اپُلّوس کیا ہے تے پولُس کیا ہے؟ ایہ صرف خادم ہِن جِنہاں دے وسیلے تُساں اِیمان گِھن آئے تے اساں ڈُوہائیں اُوہو کم کیتا جیہڑا خُداوند ساڈے کیتے علیحدہ علیحدہ مقرر کیتا۔

عبرانیوں 10:34

تُساں قیدیاں نال ہمدردی کیتی تے آپنڑے مال دے لُٹے ونجنڑ کُوں وی خوشی نال قبول کیتا کیوں جو تُساں جانڑدے ہَوے جو ہِک بہتر تے ابدی ملکیت تُہاڈے کولھ ہے۔

2 تِیمُتھِیُس 1:16

اُنیسِفرُس دے خاندان اُتے خُداوند دی رحمت تھیوے کیوں جو اُوں بہُوں دفعہ میکُوں تازہ دم کیتے تے میڈیاں قید دیاں زنجیراں کنُوں کڈھائیں نئیں شرمایا۔

2 تِیمُتھِیُس 1:8

اِیں واسطے تُوں ساڈے خُداوند دی گواہی ڈیوݨ تُوں نہ شرما، تے نہ میڈے تُوں جیہڑا اُوندی خاطر قیدی ہاں بلکہ خُدا دی قُدرت دی مدد نال میڈے نال خوشخبری دی خاطر ڈُکھ چا۔

1 تِیمُتھِیُس 4:6

تِیمُتِھیُس جے تُوں بِھرانواں کُوں ایہ گالھیں یاد کرویسیں تاں مسیح یسُوع دا چنگا خادم ہوسیں، ایجھا خادم جئیں اُوں اِیمان تے چنگی تعلیم دے گالھیں نال پرورش پاتی ہووے جیندے اُتے تُوں عمل کریندا آ یا ہیں۔

1تھِسّلُنیکیوں 3:2

تے تِیمُتِھیُس کُوں، جیہڑا ساڈا بِھرا تے مسیح دی خوشخبری دی تبلیغ ءچ خُدا دا خادم ہے، تُہاڈے کولھ بھیجیا تاں جو تُہاکُوں مضبوط کرے تے اِیمان ءچ تُہاڈا حوصلہ ودھاوے،

فِلِپّیوں 2:17

جے تُہاڈی خدمت تے قُربانی اُتے جیہڑی اِیمان دی وجہ کنُوں ہے، میڈی جان وِیٹے ونجنڑ آلی نذر دے طور تے وِیٹی ونجے تاں وَل وی مَیں خوش ہاں تے تُساں ساریاں نال خوشی کریندا ہاں۔

فِلِپّیوں 1:13

اِتُھوں تئیں جو شاہی محل دے سارے سپاہیاں تے باقی لوکاں کُوں صاف پتا چل گئے جو مَیں مسیح دی خاطر قید ءچ ہاں۔

اِفِسیوں 6:20

جیندی خاطر مَیں زنجیراں نال بدھیا ہویا مسیح دا ایلچی ہاں۔ تے دُعا کرو جو مَیں اُونکُوں ایجھی دلیری نال بیان کراں جِینویں میڈے اُتے فرض ہے۔

اِفِسیوں 4:1

بس مَیں جیہڑا خُداوند یسُوع دی خاطر قید ءچ ہاں، تُہاڈی مِنت کریندا ہاں جو اُوں بُلاوے دے لائق زندگی گُزارو جیندے کیتے خُدا تُہاکُوں سڈے۔

اِفِسیوں 3:1

اِیں واسطے مَیں پولُس جیہڑا تُساں غیر قوماں دی خاطر مسیح یسُوع کیتے قیدی ہاں تُہاڈے کیتے دُعا کریندا ہاں۔

2کُرِنتھِیوں 11:5

مَیں نئیں سمجھدا جو مَیں اُنہاں ”افضل رسُولاں“ کنُوں کمتر ہاں۔

2کُرِنتھِیوں 10:7

تُساں ظاہری چیزاں اُتے غور کریندے ہیوے۔ جے کہیں کُوں آپنڑے آپ اُتے ایہ بھروسا ہے جو او مسیح دا ہے تاں اُونکُوں ایہ وی سوچ گِھننڑاں چاہیدے جو جِینویں او مسیح دا ہے اُونویں ای اساں وی ہیں۔

2کُرِنتھِیوں 4:11

کیوں جو اساں جیندے جی یسُوع دی خاطر موت دا مُنہ ڈیدھے راہندے ہیں تاں جو یسُوع دی زندگی ساڈے فانی بدن ءچ ظاہر تھیوے۔

رومیوں 8:36

جِینویں لِکھیا ہے جو ”اساں تیڈی خاطر سارا ڈینہہ موت دا سامنڑا کریندے ہیں، اساں ذبح تھیوݨ آلیاں بھیڈاں وانگُوں سمجھے ویندے ہیں۔“

اعمال 28:30

پولُس پُورے ڈُو سال تئیں آپنڑے کرایہ دے مکان ءچ ریہا تے جیہڑے اُوندے نال مُلاقات کرݨ آندے ہَن، اُنہاں ساریاں کُوں خوشی نال مِلدا ریہا۔

اعمال 28:16

روم پُجنڑ تُوں بعد پولُس کُوں ہِک پہرے دار دی نِگرانی ءچ کلھا راہنڑ دی اِجازت مِل گئی۔

اعمال 27:1

جِیں ویلے ایہ فیصلہ تھیّا جو اساں جہاز ءچ اِطالِیہ ویسوں تاں پولُس تے کُجھ ڈُوجھے قیدی شہنشاہی پلٹن دے ہِک صوبہ دار دے سپُرد کر ڈِتے گئے جِیندا ناں یُولِیُس ہا۔

اعمال 25:14

تے اُنہاں دے کُجھ ڈینہہ تئیں اُتھاں راہنڑ دے بعد فیستُس پولُس دے مقدمہ دا حال بادشاہ کُوں اِینویں بیان کیتا جو ”اِتھاں ہِک بندہ ہے جِینکُوں فیلِکس قید ءچ چھوڑ گِیا ہے۔

اعمال 21:11

اُوں ساڈے کولھ آ تے پولُس دا کمر بند گِھدا تے اُوندے نال آپنڑے ہتھ پیر بَدھ تے آکھنڑ لگا، ”رُوح القُدس فرمیندے جو یروشلیم دے یہُودی اِیں کمر بند دے مالک کُوں اِینویں بَدھ تے غیر قوماں دے حوالے کر ڈیسن۔“

اعمال 20:23

فقط اِیہو جانڑدا ہاں جو رُوح القُدس دی طرفوں ہر شہر ءچ اِیہو آگاہی مِلدی ریہی جو قید تے مُصیبتاں میڈے اِنتظار ءچ ہِن۔

اعمال 14:19

وَل کُجھ یہُودی انطاکِیہ تے اکُنیُم تُوں آئے تے لوکاں کُوں آپنڑے نال مِلا تے پولُس کُوں سنگسار کر ڈِتا تے اُونکُوں مُردہ سمجھ تے شہر تُوں باہر گِھیل تے گِھن گئے۔

1کُرِنتھِیوں 4:1

بس لوک ساکُوں مسیح دا خادم تے خُدا دے راز ڈساوݨ دا مُختار سمجھنڑ۔

1کُرِنتھِیوں 4:9

میکُوں تاں اِینویں لگدے جو خُدا اساں رسُولاں کُوں سبھ تُوں گھٹیا بنڑا تے اُنہاں جنگی قیدیاں وانگُوں پیش کیتے، جِنہاں کیتے موت مقرر تھی گئی ہے کیوں جو اساں پُوری دُنیا، فرشتیاں تے اِنساناں کیتے تماشا بنڑ گئے ہیں۔

1کُرِنتھِیوں 4:11

اساں اِیں ویلے تئیں بُکھے ترِسّے ہیں، پھٹے پُرانڑے کپڑے پیندے ہیں، مُکے کھاندے تے رُلدے پِھردے ہیں۔

گلتِیوں 6:17

میڈے بدن اُتے زخماں دے داغ ایہ ظاہر کریندے ہِن جو مَیں یسُوع دا بندہ ہاں، اِیں واسطے کوئی میکُوں اگُوں تُوں تکلیف نہ ڈیوے۔

2 تِیمُتھِیُس 3:11

ستائے ونجنڑ تے ڈُکھ چاوݨ ءچ میڈی پیروی کیتی۔ تُوں جانڑدیں جو انطاکِیہ، اکُنیُم تے لُسترہ ءچ میڈے اُتے کِتنے ڈُکھ آئے پر خُداوند میکُوں اُنہاں ساریاں تُوں رہائی بخشی۔