2کُرِنتھِیوں 11:12 - کِتاب مُقدّس سرائیکی ترجمہ

¹² جیہڑا کُجھ مَیں کریندا ہاں اُوہو کریندا راہساں تاں جو اُنہاں کُوں موقع نہ ڈیواں جیہڑے فخر کر تے دعویٰ کرݨ چاہندے ہِن جو اُنہاں دے کم ساڈے وانگُوں ہِن۔

2کُرِنتھِیوں 11:12 Referans Kwoze

1کُرِنتھِیوں 9:12

جِیں ویلے ڈُوجھیاں کُوں ایہ حق ہے جو تُہاڈے تُوں کُجھ گِھننڑ تاں کیا ساڈا حق اُنہاں کنُوں زیادہ نہ ہوسی؟ وَل وی اساں اِیں حق کُوں اِستعمال نہ کیتا بلکہ سبھ کُجھ برداشت کریندے ریہے تاں جو ساڈے سببّوں مسیح دی خوشخبری ءچ رکاوٹ نہ تھیوے۔

1 تِیمُتھِیُس 5:14

اِیں واسطے مَیں جوان بیوہ عورتاں کُوں صلاح ڈیندا ہاں جو او شادی کرݨ، بال جمنڑ، آپنڑا گھر سنبھالنڑ تے کہیں مخالف کُوں بدگوئی کرݨ دا موقع نہ ڈیوݨ۔

گلتِیوں 1:7

کوئی ڈُوجھا ہے ای کائنا۔ ہا، کُجھ لوک تُہاکُوں پریشان کریندے پئے ہِن جیہڑے مسیح دی خوشخبری کُوں تروڑ مروڑ تے پیش کرݨ چاہندے ہِن۔

2کُرِنتھِیوں 11:18

پر جڈاں بہُوں سارے دُنیاوی طور تے فخر کریندے ہِن تاں مَیں وی کریساں۔

2کُرِنتھِیوں 11:9

تے جِیں ویلے مَیں تُہاڈے کولھ ہم تے میکُوں ضرورت پئی تاں مَیں تُہاڈے ءچوں کہیں کُوں ذرا وی تکلیف نہ ڈِتی کیوں جو مَکِدُنیہ کنُوں مسیحی بِھرانواں آ تے میڈی ضرورت پُوری کیتی۔ مَیں تُہاڈے اُتے کوئی بھار نئیں سٹیا تے نہ ای ولا سٹیساں۔

2کُرِنتھِیوں 10:17

غرض جیہڑا فخر کرے او رب اُتے فخر کرے۔

2کُرِنتھِیوں 5:12

اِیندا مطلب ایہ نئیں جو اساں تُہاڈے سامنڑے ولا کنُوں آپنڑے نیک تھیوݨ دا اعلان کریندے پئے ہیں بلکہ تُہاکُوں موقع ڈیوݨ چاہندے ہیں جو تُساں ساڈے اُتے فخر کرو تے اُنہاں کُوں جواب ڈے سگو جیہڑے دل دے گالھیں اُتے نئیں بلکہ ظاہری گالھیں اُتے فخر کریندے ہِن۔

2کُرِنتھِیوں 1:17

جِیں ویلے مَیں اِرادہ کیتا تاں کیا بغیر سوچے سمجھے کیتا ہا؟ یا جیہڑے منصوبے بنڑیندا ہاں کیا دُنیاوی لوکاں آلی کار بنڑیندا ہاں جو ”ہاں ہاں“ وی کراں تے ”نہ نہ“ وی؟

1کُرِنتھِیوں 5:6

تُہاڈا فخر کرݨ ٹھیک نئیں۔ کیا تُساں نئیں جانڑدے جو تھوڑا جِیہا خمیر سارے مَلے ہوئے اٹّے کُوں خمیرا کر ڈیندے؟

متّی 26:16

او اُوں ویلے کنُوں یسُوع کُوں پکڑواوݨ دے موقعے دی تاڑ ءچ راہوݨ لگا۔