Biblia Todo Logo
Bib sou entènèt

- Piblisite -




2کُرِنتھِیوں 10:4 - کِتاب مُقدّس سرائیکی ترجمہ

4 کیوں جو ساڈی لڑائی دے ہتھیار دُنیاوی نئیں بلکہ خُدا دی طرفوں مضبوط قلعیاں کُوں ڈھا ڈیوݨ دی قُدرت رکھیندے ہِن۔

Gade chapit la Kopi




2کُرِنتھِیوں 10:4
28 Referans Kwoze  

سچے کلام، خُدا دی قُدرت دے ذریعے تے راستبازی دے ہتھیاراں دے ذریعے جیہڑے ساڈے سجے کھبے ہتھاں ءچ ہِن،


تاں جو تُہاڈا اِیمان اِنسانی حِکمت اُتے نئیں بلکہ خُدا دی قُدرت اُتے قائم ہووے۔


تِیمُتِھیُس میڈے پوتر، مَیں تیکُوں ایہ نصیحت اُنہاں پیشنگوئیاں دے مطابق کریندا ہاں جیہڑیاں تیڈے بارے ءچ کیتیاں گئیاں ہَن تاں جو تُوں اُنہاں دی مدد نال چنگی لڑائی لڑیں،


رات تقریباً لنگھ گئی ہے تے ڈینہہ نِکلنڑ آلا ہے، اِیں واسطے اساں اندھارے دے کماں کُوں چھوڑ تے نُور دے ہتھیار بَدھ گِھنوں۔


پر اساں ڈینہہ دے فرزند ہیں، اِیں واسطے ساکُوں چاہیدے جو اِیمان تے محبت دا سینہ بند لا تے، تے نجات دی اُمید دا جنگی ٹوپ پا تے ہوشیار راہوں۔


پر ایہ خزانہ ساڈے ءچ رکھیا گِیا ہے جیہڑے مِٹی دے تھانواں وانگُوں ہیں تاں جو ظاہر تھی ونجے جو ایہ حد کنُوں زیادہ قُدرت خُدا دی طرفوں ہے نہ جو ساڈی طرفوں۔


آپنڑے جِسم دے انگاں کُوں بدی دے ہتھیار بنڑݨ کیتے گُناہ دے سپُرد نہ کرو بلکہ آپنڑے آپ کُوں مُردیاں ءچوں زندہ سمجھ تے خُدا دی خدمت کیتے پیش کرو تے آپنڑے جِسم دے انگاں کُوں راستبازی دے ہتھیار بنڑݨ کیتے خُدا دے سپُرد کرو۔


ایہ گالھ نئیں جو ساڈے ءچ کوئی لیاقت ہے جو اساں خود کُجھ کرݨ دا دعویٰ کر سگوں بلکہ ساڈی لیاقت خُدا دی طرفوں ہے،


اِیمان دی وجہ کنُوں ای بنی اِسرائیل سَت ڈینہہ تئیں یرِیحُو شہر دی چاردیواری دے چودھارُوں چکر لیندے ریہے تے چاردیواری ڈھے پئی۔


مسیح یسُوع دے چنگے سپاہی وانگُوں ڈُکھ سہنڑ ءچ میڈے نال شریک تھی۔


تے مُوسیٰ مِصریاں دی ساری تعلیم و تربیت حاصل کیتی تے او کلام تے کم ءچ قوت آلا ہا۔


اِیں واسطے مَیں آپنڑی غیر موجودگی ءچ ایہ گالھیں لِکھدا پِیا ہاں تاں جو اُتھاں آ تے میکُوں اُوں اِختیار دے مطابق سختی نہ کرنڑی پووے جیہڑا خُداوند میکُوں تعمیر کرݨ کیتے ڈِتے نہ جو ڈھاوݨ کیتے۔


کیہڑا سپاہی آپنڑے خرچے اُتے جنگ کریندے؟ کیہڑا کِسان انگُور دا باغ لا تے انگُور نئیں کھاندا؟ یا کیہڑا آجڑی آپنڑا اِجڑ چرا تے، اُوندا کھیر نئیں پِیندا؟


کیوں جو جے مَیں آپنڑے اُوں اِختیار اُتے کُجھ زیادہ فخر وی کراں، جیہڑا خُداوند ساکُوں تُہاڈی ترقی کیتے ڈِتے نہ جو وِگاڑن کیتے، تاں اِیندے بارے ءچ مَیں شرمندہ نہ تھیساں۔


Swiv nou:

Piblisite


Piblisite