2کُرِنتھِیوں 1:8 - کِتاب مُقدّس سرائیکی ترجمہ

⁸ بِھراؤ! اساں نئیں چاہندے جو تُساں اُوں مُصیبت کنُوں بے خبر راہو جیہڑی آسِیہ ءچ ساڈے اُتے آئی۔ ایہ مُصیبت اِتنی شدید تے ساڈی برداشت کنُوں باہر ہئی جو اساں تاں زندگی کنُوں وی ہتھ دھو بیٹھے ہسے۔

2کُرِنتھِیوں 1:8 Referans Kwoze

1کُرِنتھِیوں 15:32

جے مَیں صرف اِنسانی اُمید رکھیندے ہوئے اِفِسُس ءچ جنگلی جانوراں نال لڑیا تاں میکُوں کیا فائدہ تھیّا؟ جے مُردے زندہ نہ کیتے ویسن، تاں ”آؤ کھاؤں پِیؤں کیوں جو کل تاں مرنڑا ای ہے۔“

1کُرِنتھِیوں 4:8

واہ جی واہ! تُساں تاں پہلے کنُوں ای رجے ہوئے ہیوے! پہلے کنُوں ای دولت مند ہیوے! تُساں ساڈے بغیر بادشاہی وی کرݨ لگے ہیوے! کاش تُساں واقعی بادشاہی کریندے تاں جو اساں وی تُہاڈے نال بادشاہی کر سگدے!

1کُرِنتھِیوں 16:9

کیوں جو اِتھاں میڈے کیتے تبلیغ کرݨ دا ہِک وڈا دروازہ کُھلیا پِیا ہے، بےشک مخالفت کرݨ آلے وی بہُوں ہِن۔

اعمال 2:9

اساں تاں پارتھی، مادی، عِیلامی، مسوپتامیہ، یہُودیہ، کپَدُکیہ، پُنطُس، آسِیہ،

اعمال 16:6

وَل پولُس تے سِیلاس فروگیہ تے گلِتیہ دے علاقے ءچوں لنگھے کیوں جو رُوح القُدس اُنہاں کُوں آسِیہ ءچ کلام سُنڑاوݨ تُوں روک ڈِتا ہا۔

رومیوں 1:13

بِھراؤ، مَیں نئیں چاہندا جو تُساں اِیں گالھ کنُوں ناواقف راہو جو مَیں کئی پھیری تُہاڈے کولھ آوݨ دا اِرادہ کیتا، تاں جو جِینویں ڈُوجھیاں غیر قوماں ءچ میڈی خدمت پھل گِھن آئی، تُساں ءچ وی گِھن آوے، پر مَیں اَج تئیں رُکیا ریہا۔

2کُرِنتھِیوں 1:9

بلکہ اساں محسوس کر گِھدا ہا جو ساڈی موت یقینی ہے۔ ایہ اِیں واسطے تھیّا جو اساں آپنڑے آپ اُتے نئیں بلکہ اُوں خُدا اُتے بھروسہ رکھوں جیہڑا مُردیاں کُوں زندہ کریندے۔

2کُرِنتھِیوں 6:9

اساں مشہور ہیں، وَل وی لوک ساکُوں نئیں جانڑدے۔ اساں موت دے مُنہ ءچ راہندے ہیں، پر ڈیکھو وَل وی زندہ ہیں۔ مار کھاندے راہندے ہیں پر جان کنُوں نئیں مردے۔

اعمال 19:41

ایہ آکھ تے اُوں مجلس کُوں برخاست کر ڈِتا۔