2کُرِنتھِیوں 1:20 - کِتاب مُقدّس سرائیکی ترجمہ

²⁰ کیوں جو خُدا دے سارے وعدے مسیح ءچ ”ہاں“ دے نال پُورے کیتے گئے ہِن۔ اِیں واسطے اساں اُوندے وسیلے نال ”آمین“ آدھے ہیں تاں جو ساڈے وسیلے خُدا دا جلال ظاہر تھیوے۔

2کُرِنتھِیوں 1:20 Referans Kwoze

عبرانیوں 13:8

یسُوع مسیح کل تے اَج بلکہ ہمیشاں تئیں ہِکو جِیہا ہے۔

گلتِیوں 3:22

پر خُدا دا کلام آدھے جو سبھ لوک گُناہ دے قبضے ءچ ہِن تاں جو او وعدہ جیہڑا یسُوع مسیح اُتے اِیمان گِھن آوݨ نال مِلدے اُنہاں ساریاں نال پُورا کیتا ونجے جیہڑے اِیمان گِھن آندے ہِن۔

مُکاشفہ 7:12

آکھنڑ لگے ”آمین! حمد تے جلال تے حِکمت تے شُکر تے عزت تے قُدرت تے طاقت ہمیشاں تئیں ساڈے خُدا دی ہووے۔ آمین۔“

اِفِسیوں 1:6

تاں جو اُوندے اُوں جلال آلے فضل دی حمد ہووے، جیہڑا اُوں آپنڑے عزیز پوتر دے وسیلے نال ساکُوں مُفت بخشیا۔

رومیوں 11:36

کیوں جو ساریاں چیزاں اُوندی طرفوں، اُوندے وسیلے نال تے اُوندے کیتے ہِن۔ اُوندی تمجید ہمیشاں تئیں تھیندی راہوے۔ آمین۔

مُکاشفہ 3:14

لَودِیکیہ دی کلیسیا دے فرشتہ کُوں لِکھ جو جیہڑا آمین ہے تے وفادار تے سچا گواہ تے جیندے وسیلے خُدا سبھ کُجھ بنڑائے، اُوہو ایہ فرمیندے جو

اِفِسیوں 2:7

تاں جو او آپنڑی اُوں مہربانی دے وسیلے جیہڑی مسیح یسُوع ءچ ساڈے اُتے تھئی ہے، آوݨ آلے زمانیاں ءچ آپنڑے حد کنُوں زیادہ فضل دی دولت کُوں ظاہر کرے۔

رومیوں 6:23

کیوں جو گُناہ دی مزدُوری موت ہے پر خُدا دی نعمت ساڈے خُداوند یسُوع مسیح ءچ ہمیشاں دی زندگی ہے۔

عبرانیوں 11:13

ایہ سارے لوک اِیمان رکھیندے ہوئے مر گئے تے وعدہ کیتیاں ہوئیاں چیزاں نہ پاتیاں، بلکہ صرف دُور کنُوں ای ڈیکھ تے خوش تھئے، تے اِقرار کیتا جو اساں زمین اُتے پردیسی تے مسافر ہیں۔

عبرانیوں 7:6

پر مَلک صِدق دا تعلق لاوی قبیلے ءچوں نئیں، وَل وی اُوں ابرہام کنُوں ڈاہواں حصہ گِھدا، تے ابرہام کُوں جیندے نال وعدے کیتے گئے ہَن، برکت ڈِتی۔

یُوحنّا 14:6

یسُوع اُونکُوں آکھیا جو ”راہ، حق تے زندگی مَیں ہاں، میڈے وسیلہ دے بغیر کوئی باپ دے کولھ نئیں آندا۔

1کُرِنتھِیوں 14:16

نہ تاں جے تُوں صرف رُوح نال ای خُدا دی تعریف کریں تاں ناواقف بندہ تیڈی شُکرگزاری اُتے کِینویں ”آمین“ اکھیسی؟ کیوں جو او نئیں جانڑدا جو تُوں کیا آدھیں۔

1 یُوحنّا 5:11

تے او گواہی ایہ ہے جو خُدا ساکُوں ہمیشاں دی زندگی ڈِتی تے ایہ زندگی اُوندے پوتر ءچ ہے۔

1 پطرس 1:12

رُوح القُدس نبیاں اُتے ایہ ظاہر کیتا جو ایہ گالھیں کریندے ہوئے او آپنڑی نئیں بلکہ تُہاڈی خدمت کریندے پئے ہِن تے ہُنڑ خوشخبری دی تبلیغ کرݨ آلیاں، اسمان کنُوں بھیجے ہوئے رُوح القُدس دی قُدرت نال تُہاکُوں ایہ گالھیں ڈسائیاں۔ ایہ گالھیں ایجھیاں ہِن جو فرشتے وی اِنہاں کُوں سمجھنڑ دی بہُوں سِک رکھیندے ہِن۔

کلُسِّیوں 1:27

خُدا اُنہاں اُتے ایہ ظاہر کرݨ چاہندا ہا جو او راز غیر قوماں کیتے کِتنا بیش قیمت تے جلال آلا ہے۔ تے او راز ایہ ہے جو مسیح جیہڑا جلال دی اُمید ہے، تُہاڈے ءچ راہندے۔

2کُرِنتھِیوں 4:15

ایہ سبھ کُجھ تُہاڈے فائدے کیتے ہے تاں جو بہُوں سارے لوکاں اُتے فضل تھیوے تے نتیجہ ءچ شُکرگُزاری ودھدی ونجے جیندے نال خُدا کُوں جلال مِلے۔

یُوحنّا 3:5

یسُوع جواب ڈِتا، ”مَیں تیکُوں سچ آدھا ہاں جو جئیں تئیں کوئی بندہ پانڑی تے رُوح نال پیدا نہ تھیوے او خُدا دی بادشاہی ءچ داخل نئیں تھی سگدا۔

یُوحنّا 1:17

کیوں جو شریعت تاں مُوسیٰ دے وسیلے ڈِتی گئی پر فضل تے سچائی یسُوع مسیح دے وسیلے مِلی۔

2تھِسّلُنیکیوں 1:10

ایہ اُوں ڈینہہ تھیسی جڈاں یسُوع آ تے آپنڑے مُقدّس لوکاں ءچ جلال پیسی تے سبھ اِیماندار اُوندی شان ڈیکھ تے حیران تھیسن تے اُوندی تعریف کریسن۔ اُنہاں ءچ تُساں وی شامل ہوسو کیوں جو تُساں ساڈی گواہی اُتے اِیمان گِھن آئے ہَوے۔

2کُرِنتھِیوں 4:6

کیوں جو خُدا ای ہے جئیں فرمائے جو ”اندھارے ءچوں نُور چمکے“ تے اُوں ای ساڈے دِلاں ءچ آپنڑا نُور چمکایا تاں جو اساں خُدا دے جلال دے نُور کُوں پچھاݨ سگوں جیہڑا یسُوع مسیح دے چہرے تُوں ظاہر تھیندے۔

لُوقا 2:14

”سبھ تُوں اُچے اسمان اُتے خُدا دی تمجید ہووے تے زمین اُتے اُنہاں آدمیاں نال صُلح جِنہاں تُوں او خوش ہے۔“

متّی 6:13

تے ساکُوں ازمائش ءچ نہ پا بلکہ بُرائی تُوں بچا۔ [کیوں جو بادشاہی، قُدرت تے جلال ہمیشاں تیڈے ای ہِن۔ آمین۔]