2کُرِنتھِیوں 1:10 - کِتاب مُقدّس سرائیکی ترجمہ

¹⁰ اُوں ساکُوں موت دے وڈے خطرے کنُوں بچائے تے بچیسی تے ساکُوں پُوری اُمید ہے جو او اگُوں تے وی بچیندا راہسی۔

2کُرِنتھِیوں 1:10 Referans Kwoze

1 تِیمُتھِیُس 4:10

اِیہو وجہ ہے جو اساں سخت محنت تے کوشش کریندے ہیں کیوں جو اساں آپنڑی اُمید اُوں زندہ خُدا اُتے رکھی ہے جیہڑا سارے اِنساناں کُوں، خاص کر اِیمانداراں کُوں نجات ڈیوݨ آلا ہے۔

2 پطرس 2:9

تاں ظاہر ہے جو خُداوند دیندار لوکاں کُوں ازمائش تُوں بچاوݨ تے بے دین لوکاں کُوں عدالت دے ڈینہہ تئیں سزا ءچ رکھنڑ جانڑدے

رومیوں 15:31

دُعا کرو جو مَیں یہُودیہ دے غیر اِیمانداراں کنُوں بچیا راہاں تے میڈی خدمت یروشلیم دے مُقدّساں کُوں پسند آوے۔

2 تِیمُتھِیُس 4:17

پر خُداوند میڈا مددگار ہئی، تے اُوں میکُوں طاقت ڈِتی تاں جو میڈے وسیلے اُوندا پیغام پُوری طرحاں سُنڑایا ونجے تے سارے غیر قوماں آلے اُونکُوں سُنڑݨ۔ تے اِینویں مَیں شیر دے مُنہ کنُوں چُھڑایا گِیا۔

اعمال 26:21

اِنہاں گالھیں دے سببّوں یہُودیاں میکُوں ہیکل ءچ پکڑ تے قتل کرݨ دی کوشش کیتی۔

2کُرِنتھِیوں 1:9

بلکہ اساں محسوس کر گِھدا ہا جو ساڈی موت یقینی ہے۔ ایہ اِیں واسطے تھیّا جو اساں آپنڑے آپ اُتے نئیں بلکہ اُوں خُدا اُتے بھروسہ رکھوں جیہڑا مُردیاں کُوں زندہ کریندے۔

2کُرِنتھِیوں 6:9

اساں مشہور ہیں، وَل وی لوک ساکُوں نئیں جانڑدے۔ اساں موت دے مُنہ ءچ راہندے ہیں، پر ڈیکھو وَل وی زندہ ہیں۔ مار کھاندے راہندے ہیں پر جان کنُوں نئیں مردے۔