1 تِیمُتھِیُس 6:9 - کِتاب مُقدّس سرائیکی ترجمہ

⁹ جیہڑے لوک دولت مند تھیوݨ چاہندے ہِن، او ازمائش ءچ پے تے بہُوں فضول تے نُقصان پُچاوݨ آلیاں خواہشاں دے پھندے ءچ پَھس ویندے ہِن تے تباہی تے ہلاکت دے دریا ءچ غرق تھی ویندے ہِن۔

1 تِیمُتھِیُس 6:9 Referans Kwoze

1 تِیمُتھِیُس 3:7

تے او غیر اِیمانداراں ءچ وی نیک ناں ہووے، اِینویں نہ تھیوے جو کوئی اُونکُوں بُرا بھلا آکھے تے او ابلیس دے پھندے ءچ پَھس ونجے۔

اعمال 8:20

پطرس اُونکُوں آکھیا ”تیڈے پیسے تیڈے نال برباد تھیوݨ، کیوں جو تُوں خُدا دی نعمت کُوں پیسیاں نال گِھننڑ دا خیال کیتا۔

متّی 13:22

تے جھاڑیاں ءچ رہایا گِیا بیج اُوندی مثال ہے جیہڑا کلام کُوں سُنڑدا تاں ہے پر دُنیا دی فِکر تے دولت دا فریب اُونکُوں دبا ڈیندے تے اُونکُوں پھل نئیں لگدا۔

یہُوداہ 1:11

اِنہاں اُتے افسوس! کیوں جو ایہ قائن دے رستے اُتے ٹُرے تے بلعام وانگُوں پیسے دے لالچ ءچ لوکاں کُوں دوکھا ڈیندے ریہے تے قورح وانگُوں مخالفت کر تے ہلاک تھئے۔

2 پطرس 2:3

لالچ دے سببّوں ایہ اُستاد فرضی گالھیں سُنڑا تے تُہاڈے تُوں ناجائز فائدہ چیسن۔ پر اُنہاں دی سزا دا حُکم بہُوں پہلے کنُوں تھی گئے، تے او سزا تیار ہے تے اُنہاں دی ہلاکت ءچ دیر نہ تھیسی۔

اِفِسیوں 4:22

آپنڑی پُرانڑی فطرت کُوں اُوندے پہلے چال چلنڑ سمیت لہا سٹو جیہڑی دوکھے باز خواہشاں دے سببّوں وِگڑدی ویندی ہے،

مرقس 4:19

پر دُنیا دی فِکر تے دولت دا فریب تے ڈُوجھیاں چیزاں دا لالچ آ تے کلام کُوں دبا ڈیندے تے اُونکُوں پھل نئیں لگ دا۔

متّی 26:15

”جے مَیں اُونکُوں تُہاڈے حوالے کروا ڈیواں تاں تُساں میکُوں کیا ڈیسو؟“ اُنہاں چاندی دے ترِیح سکے تول تے اُونکُوں ڈے ڈِتے۔

متّی 19:22

پر او جوان ایہ گالھ سُنڑ تے غمگین تھی تے چلیا گِیا کیوں جو بہُوں مالدار ہا۔

2 تِیمُتھِیُس 2:26

وَل او ہوش ءچ آسن تے ابلیس دے پھندے کنُوں چُھٹ ویسن جِتھاں او اُوندے تابع راہوݨ کیتے رکھے گئے ہَن۔

1 تِیمُتھِیُس 1:9

اساں ایہ وی جانڑدے ہیں جو شریعت راستبازاں کیتے نئیں بلکہ بے شرع لوکاں، باغیاں، بدکاراں، گُنہگاراں، ناپاکاں، بے دیناں، ماء پِیُو کُوں قتل کرݨ آلیاں، خونیاں

لُوقا 21:35

کیوں جو ساری زمین اُتے جِتّی لوک موجود ہوسن اُنہاں ساریاں اُتے اِینویں ای آ پوسی۔

متّی 6:19

آپنڑے کیتے زمین اُتے مال جمع نہ کرو جِتھاں کیڑا تے زنگ لگ ویندے تے چور سَندھ مار تے چوری کر گِھندے۔

لُوقا 12:21

اِینویں ای اُوں بندے نال ہوسی جیہڑا آپنڑے کیتے خزانہ جمع کریندے تے خُدا دے حضُور دولت مند نئیں۔“

1 تِیمُتھِیُس 6:10

کیوں جو پیسیاں دا لالچ ہر قِسم دی بُرائی دی جڑھ ہے تے کُجھ لوک دولت دے لالچ ءچ آ تے آپنڑے اِیمان تُوں گُمراہ تھی گئے تے آپنڑے آپ کُوں بہُوں ڈُکھ ڈِتے۔

1 تِیمُتھِیُس 6:17

اِیں موجودہ جہان دے دولت منداں کُوں حُکم ڈے جو او مغرُور نہ تھیوݨ تے دولت جیہی غیر یقینی چیز اُتے اُمید نہ رکھنڑ بلکہ خُدا اُتے، جیہڑا ساڈی خوشی کیتے ساریاں چیزاں ساکُوں کثرت نال ڈیندے۔

طِطُس 2:12

او فضل ساکُوں تربیت ڈیندے جو اساں بے دینی تے دُنیاوی خواہشاں کُوں چھوڑ تے اِیں موجودہ جہان ءچ پرہیزگاری، راستبازی، تے دینداری نال زندگی گُزاروں،