1 تِیمُتھِیُس 6:6 - کِتاب مُقدّس سرائیکی ترجمہ

⁶ پر دینداری دے نال نال آپنڑی حالت اُتے خوش راہوݨ وڈے نفع دی گالھ ہے

1 تِیمُتھِیُس 6:6 Referans Kwoze

عبرانیوں 13:5

پیسے دے لالچ کنُوں دُور راہو تے جِتنا تُہاڈے کولھ ہے اُوندے ءچ خوش راہو، کیوں جو خُدا فرمائے ”مَیں تَیں تُوں آپنڑا ہتھ کڈھائیں نہ چیساں تے تیکُوں کڈھائیں نہ چُھڑیساں۔“

1 تِیمُتھِیُس 6:8

بس جے ساڈے کولھ کھاوݨ تے پاوݨ کیتے ہے تاں اُوندے اُتے خوش راہوں۔

1 تِیمُتھِیُس 4:8

کیوں جو جِسمانی مشق کنُوں کُجھ فائدہ تاں تھیندے پر دینداری ہر لحاظ نال فائدہ مند ہوندی ہے تے اِیندے ءچ نہ صرف اِیں زندگی کیتے بلکہ آوݨ آلی زندگی کیتے وی وعدہ موجود ہے۔

فِلِپّیوں 1:21

کیوں جو زندہ راہنڑ تاں میڈے کیتے مسیح ہے تے مرنڑا نفع۔

رومیوں 8:28

تے اساں جانڑدے ہیں جو ساریاں چیزاں مِل تے خُدا نال محبت رکھنڑ آلیاں کیتے بھلائی پیدا کریندیاں ہِن یعنی اُنہاں کیتے جیہڑے اُوندے اِرادے دے مطابق سڈے گئے ہِن۔

لُوقا 3:14

سپاہیاں وی اُوں کنُوں پُچھیا جو ”اساں کیا کرُوں؟“ اُوں اُنہاں کُوں آکھیا، ”کہیں اُتے ظلم نہ کرو تے نہ کہیں تُوں ناحق کُجھ گِھنو تے آپنڑی تنخواہ ءچ گُزارہ کرو۔“

2کُرِنتھِیوں 4:17

ساڈی ایہ بہُوں عارضی تے ہلکی جیہی مُصیبت ساڈے کیتے ایجھا بھاری تے ابدی جلال پیدا کریندی پئی ہے۔

لُوقا 12:15

تے اُوں اُنہاں کُوں آکھیا، ”خبردار! آپنڑے آپ کُوں ہر قِسم دے لالچ کنُوں بچائی رکھو، کیوں جو کہیں اِنسان دی زندگی دا بھروسہ اُوندے مال دولت دی کثرت اُتے نئیں۔“