1 تِیمُتھِیُس 6:5 - کِتاب مُقدّس سرائیکی ترجمہ

⁵ تے اُنہاں لوکاں ءچ جِنہاں دی عقل وِگڑ گئی ہے، جھیڑے پیدا تھیندے ہِن۔ سچائی اُنہاں کنُوں چِھک گِھدی گئی ہے تے او دینداری کُوں نفع دا ذریعہ سمجھدے ہِن۔

1 تِیمُتھِیُس 6:5 Referans Kwoze

2 تِیمُتھِیُس 3:5

او دیندار تاں لگسن پر زندگی ءچ دینداری دا کوئی اثر قبول نہ کریسن۔ ایجھیاں کنُوں دُور ای راہویں۔

2 پطرس 2:3

لالچ دے سببّوں ایہ اُستاد فرضی گالھیں سُنڑا تے تُہاڈے تُوں ناجائز فائدہ چیسن۔ پر اُنہاں دی سزا دا حُکم بہُوں پہلے کنُوں تھی گئے، تے او سزا تیار ہے تے اُنہاں دی ہلاکت ءچ دیر نہ تھیسی۔

طِطُس 1:11

ایجھے لوکاں دا مُنہ بند کرݨ ضروری ہے، اِیں واسطے جو او ناجائز نفع دی خاطر غلط تعلیم سِکھا تے گھراں دے گھر برباد کر ڈیندے ہِن۔

2 تِیمُتھِیُس 3:8

جِینویں جادُوگر ینیّس تے یمبریس مُوسیٰ دی مخالفت کیتی ہئی، اُونویں ای ایہ لوک وی سچائی دی مخالفت کریندے ہِن۔ اُنہاں دا دماغ وِگڑ گئے ہِن تے ایہ اِیمان دے لحاظ نال نا مقبول ہِن۔

1 تِیمُتھِیُس 6:6

پر دینداری دے نال نال آپنڑی حالت اُتے خوش راہوݨ وڈے نفع دی گالھ ہے

1 تِیمُتھِیُس 3:3

او شرابی تے مار کُٹائی کرݨ آلا نہ ہووے بلکہ نرم دل ہووے۔ او بحث کرݨ آلا تے پیسیاں دا لالچی نہ ہووے۔

متّی 23:13

منافق شریعت دے عالمو تے فریسیو، تُہاڈے اُتے افسوس۔ تُساں اسمان دی بادشاہی لوکاں کیتے بند کریندے ہیوے۔ نہ تاں آپ داخل تھیندے ہیوے تے نہ اُنہاں کُوں جیہڑے داخل تھیوݨ چاہندے ہِن داخل تھیوݨ ڈیندے ہیوے۔

متّی 12:33

یا تاں درخت کُوں چنگا آکھو تے اُوندے پھل کُوں وی چنگا، یا درخت کُوں وی بُرا آکھو تے اُوندے پھل کُوں وی بُرا، کیوں جو درخت آپنڑے پھل کنُوں سُنجانڑیا ویندے۔

1 تِیمُتھِیُس 1:6

کُجھ لوک اِنہاں کنُوں بھٹک گئے ہِن تے فضول گالھیں ءچ لگ گئے ہِن۔

مُکاشفہ 18:3

کیوں جو ساریاں قوماں اُوندی حرام کاری تے مستی دی شراب پی تے ڈھے پئیاں ہِن۔ زمین دے بادشاہاں اُوندے نال زِنا کیتا، دُنیا دے تاجر اُوندی بے حد عیاشی تُوں دولت مند تھی گئے۔“

یہُوداہ 1:11

اِنہاں اُتے افسوس! کیوں جو ایہ قائن دے رستے اُتے ٹُرے تے بلعام وانگُوں پیسے دے لالچ ءچ لوکاں کُوں دوکھا ڈیندے ریہے تے قورح وانگُوں مخالفت کر تے ہلاک تھئے۔

2 پطرس 2:15

او صحیح راہ کُوں چھوڑ تے گُمراہ تھی گئے ہِن تے بلعام بِن بعور دے رستے اُتے ٹُردے پئے ہِن جئیں بُرے کماں دی مزدُوری کُوں پسند کیتا۔

1 تِیمُتھِیُس 3:8

اِینویں ای جماعت دا اِنتظام کرݨ آلیاں کُوں وی چاہیدے جو او سنجیدہ ہووݨ، ڈُو زباناں آلے، شرابی تے پیسے دے لالچی نہ ہووݨ۔

2تھِسّلُنیکیوں 3:6

بِھراؤ! اساں آپنڑے خُداوند یسُوع مسیح دے ناں ءچ تُہاکُوں حُکم ڈیندے ہیں جو اُنہاں سبھ بِھرانواں کنُوں دُور راہو جیہڑے آلسی ہووݨ تے اُوں تعلیم دے مطابق نئیں چلدے جیہڑی اُنہاں کُوں ساڈی طرفوں مِلی۔

متّی 21:13

تے اُنہاں کُوں آکھیا، ”لِکھیا ہے جو ’میڈا گھر دُعا دا گھر اکھویسی،‘ پر تُساں اُونکُوں ’ڈاکواں دا ڈیرہ بنڑا ڈِتے‘۔“

مُکاشفہ 18:13

دار چینی، مصالحے، عُود، مُر، لُبان، انگُور دا رَس، زیتون دا تیل، میدہ تے کنڑک، ڈھانڈے، بھیڈاں، گھوڑے تے رَتھ تے بندے غُلاماں دے طور تے۔

1کُرِنتھِیوں 11:16

جے کوئی اِیندے اُتے بحث کرݨ چاہندے تاں او جاݨ گِھنے جو نہ ساڈا ایجھا دستور ہے نہ خُدا دی کلیسیاواں دا۔

1 تِیمُتھِیُس 4:7

پر اُنہاں بے ہُودہ تے فرضی کہانڑیاں کنُوں کنارہ کر بلکہ دینداری کیتے مشق کر۔

1 تِیمُتھِیُس 4:8

کیوں جو جِسمانی مشق کنُوں کُجھ فائدہ تاں تھیندے پر دینداری ہر لحاظ نال فائدہ مند ہوندی ہے تے اِیندے ءچ نہ صرف اِیں زندگی کیتے بلکہ آوݨ آلی زندگی کیتے وی وعدہ موجود ہے۔