1 تِیمُتھِیُس 6:4 - کِتاب مُقدّس سرائیکی ترجمہ

⁴ تاں او مغرُور ہے تے کُجھ نئیں جانڑدا۔ اُونکُوں فضول بحث تے لفظاں دے بارے ءچ تکرار کرݨ دا مرض ہے جِیندا نتیجہ حسد، جھیڑے، بدگوئیاں تے ڈُوجھیاں دے بارے ءچ بُری سوچ رکھنڑ ہے،

1 تِیمُتھِیُس 6:4 Referans Kwoze

2 تِیمُتھِیُس 2:23

بیوقُوفی تے جہالت دی بحث تُوں دُور رہ کیوں جو تُوں جانڑدیں جو اِنہاں نال جھیڑے تھیندن،

2 تِیمُتھِیُس 3:4

دوکھے باز، بے پرواہ، مغرُور تے خُدا دی نسبت عیش و عشرت کُوں زیادہ پسند کرݨ آلے ہوسن۔

1 تِیمُتھِیُس 3:6

او نواں نواں ایماندار نہ ہووے، اِینویں نہ تھیوے جو او مغرُور تھی تے ابلیس وانگُوں سزا پاوے۔

یہُوداہ 1:10

پر ایہ لوک اُنہاں گالھیں دے بارے ءچ توہین کریندے ہِن جِنہاں دے بارے ءچ سمجھ نئیں رکھیندے۔ تے جِنہاں گالھیں کُوں او بے سمجھ جانوراں آلی کار آپنڑی فطرت نال سمجھدے ہِن، اُوہو اُنہاں کُوں برباد کر ڈیندیاں ہِن۔

2 پطرس 2:12

پر ایہ کُوڑے اُستاد، آپنڑی فطرت اُتے چلنڑ آلے ناسمجھ جانوراں وانگُوں ہِن جیہڑے اِیں واسطے پیدا تھئے ہِن جو اُنہاں کُوں پکڑیا تے ختم کیتا ونجے۔ او اُوندی توہین کریندے ہِن جیہڑا کُجھ او نئیں سمجھدے، تے اُنہاں دی بربادی ءچ او وی برباد تھی ویسن۔

2 تِیمُتھِیُس 2:14

ایہ گالھیں لوکاں کُوں یاد ڈیوا، تے خُداوند کُوں گواہ بنڑا تے اُنہاں کُوں تاکید کر جو لفظاں دے بارے ءچ تکرار نہ کرݨ کیوں جو اِیں تُوں کُجھ حاصل نئیں تھیندا بلکہ سُنڑݨ آلے وِگڑ ویندے ہِن۔

یہُوداہ 1:16

ایہ لوک ہمیشاں بَک بَک تے عیب جوئی کریندے ہِن تے آپنڑیاں خواہشاں دے پِچُھوں ٹُردے ہِن تے آپنڑے بارے ءچ وڈے بول بُولیندے ہِن تے آپنڑے فائدے کیتے ڈُوجھیاں دی خوشامد کریندے ہِن۔

2 پطرس 2:18

ایہ لوک غرور دیاں فضول گالھیں کریندے ہِن، تے بے ہُودہ جسمانی خواہشاں نال ایجھے لوکاں کُوں ورغلیندے ہِن جیہڑے گُمراہی ءچ راہوݨ آلیاں ءچوں ہُنڑیں ہُنڑیں بچ نِکلے ہِن۔

1 تِیمُتھِیُس 1:7

او شریعت دے عالم بنڑݨ چاہندے ہِن پر جیہڑے گالھیں او آدھے ہِن تے جِنہاں دا یقین نال دعویٰ کریندے ہِن، اُنہاں کُوں خود وی نئیں سمجھدے۔

1 تِیمُتھِیُس 1:4

تے فرضی کہانڑیاں تے ختم نہ تھیوݨ آلے شِجریاں اُتے غور نہ کرݨ۔ ایجھے گالھیں جھیڑے پیدا کریندیاں ہِن تے خُدا دے کم کُوں پُورا نئیں کریندیاں جیہڑا اِیمان نال کیتا ویندے۔

یعقُوب 1:19

میڈے پیارے بِھراؤ، یاد رکھو جو ہر بندہ سُنڑݨ ءچ تیز، بولنڑ ءچ اتاولا نہ ہووے تے جلدی کوڑیجنڑ آلا نہ ہووے۔

طِطُس 3:9

پر احمقانہ بحث، شجرے تے شریعت دے بارے ءچ جھیڑیاں تے لڑائیاں کنُوں دُور رہ کیوں جو ایہ بے فائدہ تے فضول ہِن۔

اعمال 15:2

جِیں ویلے پولُس تے برنباس دی اُنہاں دے نال سخت تکرار تے بحث تھئی تاں کلیسیا ایہ مقرر کیتا جو پولُس تے برنباس تے اُنہاں ءچوں کُجھ بئے بندے اِیں مسئلہ کیتے رسُولاں تے بزُرگاں کولھ یروشلیم ونجنڑ۔

مُکاشفہ 3:17

تُوں آدھیں جو مَیں دولت مند ہاں تے مالدار بنڑ گِیا ہاں تے کہیں چیز دا مُتھاج نئیں پر تُوں ایہ نئیں جانڑدا جو تُوں بدبخت، ترس دے قابل، غریب، اندھا تے ننگا ہیں۔

2تھِسّلُنیکیوں 2:4

او ہر ہِک دی مخالفت کریسی جیہڑا معبُود اکھویندے یا جیندی پُوجا تھیندی ہے تے آپنڑے آپ کُوں اُنہاں تُوں وڈا بنڑیسی۔ اِتُھوں تئیں جو او خُدا دی ہیکل ءچ بہہ تے دعویٰ کریسی جو او خُدا ہے۔

کلُسِّیوں 2:18

کوئی بندہ ظاہری پرہیزگاری تے فرشتیاں دی عبادت کرݨ نال تُہاکُوں اِنعام کنُوں محروم نہ کر ڈیوے۔ ایجھا بندہ رویا ڈیکھنڑ دے بارے ءچ گالھیں کریندا راہندے تے آپنڑی جِسمانی سوچ نال بِلاوجہ پُھلیا ہوندے۔

فِلِپّیوں 2:14

تے ہر کم بغیر شکایت تے بحث دے کیتا کرو۔

فِلِپّیوں 2:3

خود غرضی تے غیر مناسب فخر کنُوں دُور راہو بلکہ حلیمی نال ہِک ڈُوجھے کُوں آپنڑے تُوں چنگا سمجھو۔

فِلِپّیوں 1:15

بےشک کئی لوک تاں حسد تے پارٹی بازی دی وجہ کنُوں مسیح دی تبلیغ کریندے ہِن پر کئی نیک نیّتی نال۔

گلتِیوں 6:3

جے کوئی آپنڑے آپ کُوں کُجھ سمجھے، پر او کُجھ وی نہ ہووے، تاں او آپنڑے آپ کُوں دوکھا ڈیندے۔

گلتِیوں 5:26

اساں غیر مناسب فخر، ہِک ڈُوجھے کُوں بھڑکاوݨ تے ہِک ڈُوجھے کنُوں حسد کرݨ چھوڑ ڈیؤں۔

گلتِیوں 5:15

جے تُساں ہِک ڈُوجھے کُوں چِیر پھاڑ تے کھاندے ہیوے تاں خبردار، کِتھائیں اِینویں نہ تھیوے جو ہِک ڈُوجھے کُوں ختم کر ڈیؤ۔

2کُرِنتھِیوں 11:20

جے کوئی تُہاکُوں غُلام بنڑیندے یا تُہاکُوں لُٹیندے، یا تُہاکُوں دوکھا ڈیندے، یا تُہاڈے اُتے رُعب پیندے، یا تُہاڈے مُنہ اُتے چاٹ مریندے تاں تُساں برداشت کر گِھندے ہیوے۔

1کُرِنتھِیوں 11:18

پہلی گالھ ایہ ہے جو مَیں سُنڑے جو جِیں ویلے تُساں کلیسیا دے طور تے جمع تھیندے ہیوے تاں تُہاڈے ءچ تفرقے تھیندے ہِن۔ تے میکُوں کہیں حد تئیں اِیں گالھ دا یقین وی ہے۔

1کُرِنتھِیوں 11:16

جے کوئی اِیندے اُتے بحث کرݨ چاہندے تاں او جاݨ گِھنے جو نہ ساڈا ایجھا دستور ہے نہ خُدا دی کلیسیاواں دا۔

1کُرِنتھِیوں 3:18

آپنڑے آپ کُوں فریب نہ ڈیؤ۔ جے تُہاڈے ءچوں کوئی آپنڑے آپ کُوں اِیں دُنیا دے معیار دے مطابق حِکمت آلا سمجھدا ہے تاں او نادان بنڑے تاں جو سچ مُچ دانا بنڑ سگے۔

1کُرِنتھِیوں 3:3

تُساں اجنڑ تئیں جِسمانی لوکاں وانگُوں زندگی گُزریندے پئے ہیوے۔ کیوں جو تُہاڈے ءچ حسد تے جھیڑے ہِن تاں کیا تُساں دُنیاوی نئیں؟ کیا تُساں اِنسانی طور طریقے اُتے نئیں چلدے پئے؟

رومیوں 14:1

کمزور اِیمان آلے کُوں آپنڑے ءچ شامل تاں کر گِھنو پر جِینکُوں او صحیح یا غلط سمجھدا ہے اُوندے بارے ءچ تکرار نہ کرو۔

رومیوں 13:13

اساں حیادار زندگی گُزاروں جِینویں لوک ڈینہہ دی روشنی ءچ کریندے ہِن۔ اِیں واسطے ساڈے ءچ نچنڑ ٹپنڑ، نشہ بازی، زِناکاری، شہوت پرستی، جھیڑے تے حسد وغیرہ نہ ہووے۔

رومیوں 12:16

ہِک ڈُوجھے نال اِتفاق نال راہو۔ اُچے اُچے خیال نہ بدھو، بلکہ پست لوکاں نال میل جول رکھو۔ آپنڑے آپ کُوں ڈُوجھیاں کنُوں عقل مند نہ سمجھو۔

رومیوں 2:8

پر جیہڑے خود غرض ہِن تے سچائی کُوں چھوڑ تے بُرائی دے پِچُھوں چلدے ہِن اُنہاں اُتے قہر تے عذاب نازل تھیسی۔

اعمال 18:15

پر تُہاڈا اِلزام تاں کُجھ لفظاں، نانواں تے تُہاڈی آپنڑی شریعت دے مسئلیاں نال تعلق رکھیندے۔ اِیں واسطے تُساں خود ای بُھگتا گِھنو۔ مَیں ایجھے گالھیں دا مُنصف نہ بنڑساں۔“

اعمال 8:9

اِیں کنُوں پہلے شمعون ناں دا ہِک بندہ اُوں شہر ءچ جادُوگری کریندا ہا تے سامریہ دے لوکاں کُوں حیران کیتی رکھیندا تے ایہ آدھا ہا جو مَیں وی کوئی وڈا بندہ ہاں۔