1 تِیمُتھِیُس 6:20 - کِتاب مُقدّس سرائیکی ترجمہ

²⁰ تِیمُتِھیُس! اِیں امانت دی جیہڑی تیڈے سپُرد کیتی گئی ہے، حفاظت کر، تے بے ہُودہ گالھیں تے فضول خیالاں کنُوں کنارہ کر، کیوں جو ایجھے علم کُوں علم آکھنڑ ای غلط ہے۔

1 تِیمُتھِیُس 6:20 Referans Kwoze

کلُسِّیوں 2:8

خبردار! کوئی بندہ تُہاکُوں اُنہاں فلسفیانہ تے بے فائدہ دوکھے آلے گالھیں دا شکار نہ کر گِھنے، جیہڑیاں اِنسانی روایتاں تے دُنیاوی اصُولاں دے مطابق ہِن نہ جو مسیح دے مطابق۔

2 تِیمُتھِیُس 2:16

بے ہُودہ بکواس کنُوں دُور رہ، کیوں جو اِیندے نال لوک زیادہ بے دین تھی ویندن،

کلُسِّیوں 2:18

کوئی بندہ ظاہری پرہیزگاری تے فرشتیاں دی عبادت کرݨ نال تُہاکُوں اِنعام کنُوں محروم نہ کر ڈیوے۔ ایجھا بندہ رویا ڈیکھنڑ دے بارے ءچ گالھیں کریندا راہندے تے آپنڑی جِسمانی سوچ نال بِلاوجہ پُھلیا ہوندے۔

رومیوں 3:2

ہر لحاظ نال بہُوں سارا ہے۔ خاص طور تے ایہ جو خُدا دا کلام اُنہاں دے سپُرد کیتا گئے۔

1 تِیمُتھِیُس 6:14

جو جئیں تئیں ساڈا خُداوند یسُوع مسیح ظاہر نہ تھی ونجے، جیہڑا حُکم تیکُوں ڈِتا گئے اُوندے اُتے بغیر کہیں غلطی تے ناکامی دے عمل کر۔

2تھِسّلُنیکیوں 2:15

اِیں واسطے بِھراؤ! ثابت قدم راہو تے اُنہاں تعلیمات اُتے قائم راہو جیہڑیاں تُساں ساڈی زبانی سُنڑیاں یا ساڈے خط دے ذریعے سِکھیاں۔

طِطُس 3:9

پر احمقانہ بحث، شجرے تے شریعت دے بارے ءچ جھیڑیاں تے لڑائیاں کنُوں دُور رہ کیوں جو ایہ بے فائدہ تے فضول ہِن۔

2 تِیمُتھِیُس 2:1

بس میڈے فرزند، تُوں اُوں فضل دے ذریعے جیہڑا مسیح یسُوع ءچ تیڈے اُتے تھئے، مضبوط تھی۔

1 تِیمُتھِیُس 1:11

ایہ تعلیم مُبارک خُدا دے جلال آلی اُوں خوشخبری دے مطابق ہے جیہڑی میڈے سپُرد کیتی گئی ہے۔

2تھِسّلُنیکیوں 1:4

اِیں واسطے اساں خُدا دیاں کلیسیاواں ءچ فخر نال تُہاڈا ذِکر کریندے ہیں جو ظلم تے مُصیبتاں سہوݨ دے باوجود تُساں بہُوں صبر نال آپنڑے اِیمان اُتے قائم ہیوے۔

طِطُس 1:14

تے او یہُودیاں دیاں فرضی کہانڑیاں تے ایجھے لوکاں دے حُکماں اُتے دھیان نہ ڈیوݨ جیہڑے سچائی کنُوں مُنہ پھیر گِھندے ہِن۔

طِطُس 1:9

جیہڑا سچا کلام اُونکُوں سِکھایا گئے، او اُوندے اُتے قائم راہوے تاں جو او صحیح تعلیم نال ڈُوجھیاں کُوں نصیحت ڈے سگے تے مخالفاں کُوں وی سمجھا سگے۔

1 تِیمُتھِیُس 6:11

پر تُوں خُدا دے بندے، اِنہاں کنُوں بھج تے راستبازی، دینداری، اِیمان، محبت، صبر تے نرم دِلی دا طالب تھی۔

1 تِیمُتھِیُس 4:7

پر اُنہاں بے ہُودہ تے فرضی کہانڑیاں کنُوں کنارہ کر بلکہ دینداری کیتے مشق کر۔

1 تِیمُتھِیُس 1:6

کُجھ لوک اِنہاں کنُوں بھٹک گئے ہِن تے فضول گالھیں ءچ لگ گئے ہِن۔

1 تِیمُتھِیُس 1:4

تے فرضی کہانڑیاں تے ختم نہ تھیوݨ آلے شِجریاں اُتے غور نہ کرݨ۔ ایجھے گالھیں جھیڑے پیدا کریندیاں ہِن تے خُدا دے کم کُوں پُورا نئیں کریندیاں جیہڑا اِیمان نال کیتا ویندے۔

1کُرِنتھِیوں 3:19

کیوں جو دُنیا جِینکُوں حِکمت سمجھدی ہے، او خُدا دی نظر ءچ بیوقُوفی ہے، جِینویں لِکھیا ہے جو ”او عقلمنداں کُوں اُنہاں دی چالاکی ءچ پَھسا ڈیندے۔“

اعمال 17:21

(کیوں جو اتھینے دے لوک کیا مقامی کیا پردیسی، آپنڑا سارا فارغ وقت فقط نوِیں نوِیں گالھیں سُنڑݨ یا سُنڑاوݨ ءچ لنگھیندے ہَن۔)

اعمال 17:18

کُجھ اِپکُوری تے ستوئیکی فیلسُوف اُوندے نال بحث ءچ پے گئے۔ اُنہاں ءچوں کُجھ آکھیا جو ”ایہ بکواسی کیا آکھنڑ چاہندا ہے؟“ کُجھ ایہ آکھنڑ لگے جو ”ایہ تاں اجنبی دیوتیاں دی خبر ڈیوݨ آلا لگدے۔“ کیوں جو پولُس یسُوع تے قیامت دی خوشخبری ڈیندا ہا۔

مُکاشفہ 3:3

اِیں واسطے یاد کر جو جیہڑی تعلیم تَیں گِھدی تے سُنڑی ہئی، اُوندے اُتے قائم رہ تے توبہ کر گِھن۔ پر جے تُوں نیندر کنُوں نہ جاگسیں تاں مَیں چور وانگُوں آساں تے تیکُوں پتہ وی نہ ہوسی جو مَیں کیہڑے ویلے تَیں اُتے آ پوساں۔

طِطُس 1:4

ایہ خط طِطُس دے ناں ہے جیہڑا اِیمان دی شراکت دے مطابق میڈا سچا فرزند ہے۔ تیکُوں خُدا باپ تے ساڈے نجات ڈیوݨ آلے مسیح یسُوع دی طرفوں فضل تے اِطمینان حاصل تھیندا راہوے۔

1کُرِنتھِیوں 2:6

اساں حِکمت دے گالھیں اُنہاں لوکاں کُوں آدھے ہیں جیہڑے اِیمان ءچ بالغ ہِن، پر ایہ حِکمت نہ اِیں جہان دی ہے تے نہ ای اِیں جہان دے ختم تھی ونجنڑ آلے حاکماں دی ہے۔

رومیوں 1:22

او عقلمند ہووݨ دا دعویٰ کریندے ہَن، پر بیوقُوف نِکلے۔

اعمال 16:1

پولُس دِربے تے وَل لُسترہ ءچ وی پُجیا، جِتھاں تِیمُتِھیُس ناں دا ہِک شاگرد ہا۔ اُوندی ماء تاں یہُودی ہئی جیہڑی مسیح اُتے اِیمان گِھن آئی ہئی پر اُوندا پِیُو یُونانی ہا۔

1 تِیمُتھِیُس 1:2

تِیمُتِھیُس دے ناں جیہڑا اِیمان دے لحاظ نال میڈے حقیقی پوتر وانگُوں ہے۔ تیکُوں خُدا باپ تے ساڈے خُداوند یسُوع مسیح دی طرفوں فضل، رحم تے اِطمینان حاصل تھیندا راہوے۔

1 تِیمُتھِیُس 1:9

اساں ایہ وی جانڑدے ہیں جو شریعت راستبازاں کیتے نئیں بلکہ بے شرع لوکاں، باغیاں، بدکاراں، گُنہگاراں، ناپاکاں، بے دیناں، ماء پِیُو کُوں قتل کرݨ آلیاں، خونیاں