1 تِیمُتھِیُس 6:16 - کِتاب مُقدّس سرائیکی ترجمہ

¹⁶ صرف اُوہو غیر فانی ہے، تے او اُوں نُور ءچ راہندے جِتھاں کوئی پُج نئیں سگدا۔ اُونکُوں کہیں اِنسان نئیں ڈِٹھا تے نہ ڈیکھ سگدے۔ اُوندی عزت تے سلطنت ہمیشاں تئیں قائم راہوے، آمین۔

1 تِیمُتھِیُس 6:16 Referans Kwoze

1 تِیمُتھِیُس 1:17

ہُنڑ ازلی تے ابدی بادشاہ یعنی غیرفانی تے نظر نہ آوݨ آلے واحد خُدا دی عزت تے تعریف ہمیشاں تئیں تھیندی راہوے۔ آمین۔

یُوحنّا 1:18

خُدا کُوں کڈھائیں کہیں نئیں ڈِٹھا پر اِکلوتا پوتر جیہڑا باپ دی گود ءچ ہے، اُوں ای اُونکُوں ظاہر کیتا۔

1 یُوحنّا 1:5

او پیغام جیہڑا اساں مسیح کنُوں سُنڑیا تے تُہاکُوں ڈسیندے ہیں، او ایہ ہے جو خُدا نُور ہے تے اُوندے ءچ ذرا وی اندھارا کائنی۔

کلُسِّیوں 1:15

مسیح اَن ڈِٹھے خُدا دی ظاہری صورت ہے تے ساری مخلوقات اُتے پلوٹھا ہے۔

یُوحنّا 6:46

اِیندا مطلب ایہ نئیں جو کہیں کڈھائیں باپ کُوں ڈِٹھے۔ صرف اُوں جیہڑا خُدا دی طرفوں ہے، اُوں ای باپ کُوں ڈِٹھے۔

مُکاشفہ 22:5

وَل کڈھائیں رات نہ تھیسی تے او چراغ تے سِجھ دی روشنی دے مُتھاج نہ ہوسن کیوں جو خُداوند خُدا خود اُنہاں کُوں روشن کریسی تے او ہمیشاں تئیں بادشاہی کریندے راہسن۔

مُکاشفہ 4:11

”اے خُداوند ساڈے خُدا تُوں ای جلال، عزت تے قُدرت دے لائق ہیں، کیوں جو تَیں ای ساریاں چیزاں کُوں خلق کیتے، تے او ساریاں تیڈی ای مرضی نال وجود ءچ آئیاں ہِن۔“

مُکاشفہ 1:6

تے ساکُوں ہِک بادشاہی یعنی آپنڑے خُدا تے باپ دی خدمت کیتے کاہِن وی بنڑایا۔ جلال تے قُدرت ہمیشاں تئیں اُوندی راہوے۔ آمین۔

یہُوداہ 1:25

ساڈے نجات ڈیوݨ آلے واحد خُدا دا جلال، عظمت، قُدرت تے اِختیار ساڈے خُداوند یسُوع مسیح دے وسیلے نال جِینویں ازل تُوں ہے، ہُنڑ وی ہووے تے ہمیشاں تئیں تھیندا راہوے۔ آمین۔

اِفِسیوں 3:21

کلیسیا دے وسیلے تے یسُوع مسیح دے وسیلے اُوندی حمد پُشت در پُشت تے ہمیشاں تئیں تھیندی راہوے۔ آمین۔

مُکاشفہ 7:12

آکھنڑ لگے ”آمین! حمد تے جلال تے حِکمت تے شُکر تے عزت تے قُدرت تے طاقت ہمیشاں تئیں ساڈے خُدا دی ہووے۔ آمین۔“

عبرانیوں 13:8

یسُوع مسیح کل تے اَج بلکہ ہمیشاں تئیں ہِکو جِیہا ہے۔

مُکاشفہ 21:3

تے مَیں تخت ءچوں کہیں کُوں اُچی اواز نال ایہ آدھے سُنڑیا جو ”ڈیکھ خُدا دی سکونت گاہ ہُنڑ اِنساناں دے وچال ہے تے او اُنہاں نال سکونت کریسی۔ او اُوندے لوک ہوسن تے خُدا خود اُنہاں نال راہسی تے اُنہاں دا خُدا ہوسی۔

یُوحنّا 14:9

یسُوع اُونکُوں آکھیا، ”فِلپُس! مَیں اِتی عرصے تُوں تُہاڈے نال ہاں، کیا تُوں میکُوں نئیں جانڑدا؟ جئیں میکُوں ڈِٹھے، اُوں باپ کُوں ڈِٹھے۔ تُوں کیوں آدھیں جو ساکُوں باپ ڈِکھا؟

مُکاشفہ 1:8

خُداوند خُدا جیہڑا ہے، جیہڑا ہا تے جیہڑا آوݨ آلا ہے یعنی قادر ِ مُطلق فرمیندے، ”الفا تے اومیگا مَیں ہاں۔“

یُوحنّا 8:58

یسُوع اُنہاں کُوں آکھیا، ”مَیں تُہاکُوں سچ آدھا ہاں جو اِیں کنُوں پہلے جو ابرہام پیدا تھیّا، مَیں ہاں۔“

فِلِپّیوں 4:20

ساڈے خُدا تے باپ دی تمجید ہمیشاں تئیں تھیندی راہوے۔ آمین۔

یعقُوب 1:17

ہر چنگی برکت تے کامِل نعمت اسمان کنُوں خُدا دی طرفوں مِلدی ہے جیہڑا نُوراں دا خالق ہے۔ اُوندے ءچ نہ تبدیلی آندی ہے تے نہ ای او پچھانویں وانگُوں تبدیل تھیندے۔

1 یُوحنّا 1:7

پر جے اساں نُور ءچ ٹُردے ہیں جِینویں جو او خود نُور ءچ ہے تاں اساں ہِک ڈُوجھے نال رفاقت رکھیندے ہیں تے اُوندے پوتر یسُوع دا خون ساکُوں سبھ گُناہاں تُوں پاک کریندے۔

1 یُوحنّا 4:12

خُدا کُوں کہیں کڈھائیں نئیں ڈِٹھا پر جے اساں ہِک ڈُوجھے نال محبت رکھیندے ہیں تاں خُدا ساڈے ءچ راہندے تے اُوندی محبت ساڈے ءچ کامِل تھی گئی ہے۔