1 تِیمُتھِیُس 6:12 - کِتاب مُقدّس سرائیکی ترجمہ

¹² اِیمان دی چنگی کُشتی لڑ۔ ہمیشاں دی زندگی اُتے قبضہ کر گِھن جیندے کیتے تُوں سڈیا گِیا ہَویں، تے جِیندے بارے ءچ تَیں بہُوں سارے گواہاں دے سامنڑے چنگا اِقرار کیتا ہا۔

1 تِیمُتھِیُس 6:12 Referans Kwoze

1 پطرس 5:10

تُہاڈے تھوڑی دیر تئیں ڈُکھ چاوݨ تُوں بعد، خُدا جیہڑا سارے فضل دا مالک ہے تے جئیں مسیح دے ذریعے تُہاکُوں آپنڑے ابدی جلال ءچ شریک تھیوݨ کیتے سڈے، اُوہو خود تُہاکُوں کامِل، مضبوط، قائم تے زورآور کریسی۔

1 تِیمُتھِیُس 1:18

تِیمُتِھیُس میڈے پوتر، مَیں تیکُوں ایہ نصیحت اُنہاں پیشنگوئیاں دے مطابق کریندا ہاں جیہڑیاں تیڈے بارے ءچ کیتیاں گئیاں ہَن تاں جو تُوں اُنہاں دی مدد نال چنگی لڑائی لڑیں،

2 تِیمُتھِیُس 4:7

مَیں چنگی لڑائی لڑ گِھدی ہے۔ مَیں دوڑ کُوں مُکا گِھدے تے اِیمان کُوں محفوظ رکھے۔

مُکاشفہ 3:3

اِیں واسطے یاد کر جو جیہڑی تعلیم تَیں گِھدی تے سُنڑی ہئی، اُوندے اُتے قائم رہ تے توبہ کر گِھن۔ پر جے تُوں نیندر کنُوں نہ جاگسیں تاں مَیں چور وانگُوں آساں تے تیکُوں پتہ وی نہ ہوسی جو مَیں کیہڑے ویلے تَیں اُتے آ پوساں۔

1 تِیمُتھِیُس 6:13

مَیں خُدا کُوں جیہڑا ہر چیز کُوں زندگی ڈیندے تے مسیح یسُوع کُوں جئیں پنطیُس پِیلاطُس دے سامنڑے چنگا اِقرار کیتا ہا، گواہ بنڑا تے تیکُوں تاکید کریندا ہاں،

1 یُوحنّا 2:25

تے جیہڑا وعدہ اُوں ساڈے نال کیتے، او ہمیشاں دی زندگی ہے۔

عبرانیوں 6:18

کیوں جو خُدا کُوڑ نئیں مار سگدا، اِیں واسطے خُدا دا وعدہ تے خُدا دی قَسم ڈُو ایجھیاں چیزاں ہِن جیہڑیاں لاتبدیل ہِن۔ تے اِنہاں دی وجہ کنُوں اساں جیہڑے پناہ کیتے خُدا دو بھج آئے ہیں، وڈے حوصلے نال اُوں اُمید کُوں جیہڑی ساڈے سامنڑے ہے، پکڑی رکھ سگدے ہیں۔

2 تِیمُتھِیُس 1:9

کیوں جو اُوں ساکُوں نجات ڈِتی ہے تے مُقدّس زندگی گُزارݨ کیتے سڈے۔ ایہ ساڈے اعمال دی وجہ کنُوں نئیں بلکہ اُوندے آپنڑے خاص اِرادے تے فضل دی وجہ تُوں ہے۔ ایہ فضل ساڈے اُتے مسیح یسُوع ءچ ازل کنُوں ای تھی گِیا ہئی،

کلُسِّیوں 3:15

تے مسیح دے اِطمینان کُوں آپنڑے دِلاں اُتے حکُومت کرݨ ڈیؤ، کیوں جو تُساں ہِک بدن ہوندے ہوئے صُلح نال راہوݨ کیتے سڈے گئے ہیوے، تے تُساں شُکر گُزار راہو۔

1 تِیمُتھِیُس 6:19

اِینویں او آپنڑے کیتے ہِک چنگا خزانہ جمع کریسن یعنی آوݨ آلے زمانے کیتے ہِک مضبوط بنیاد، تے اِینویں حقیقی زندگی اُتے قبضہ کرݨ۔

عبرانیوں 3:14

کیوں جو اساں مسیح ءچ شریک تھی گئے ہیں پر شرط ایہ ہے جو جیہڑا اعتماد اساں شروع ءچ کریندے ریہے ہیں اُوندے اُتے آخر تئیں مضبوطی نال قائم راہوں۔

1تھِسّلُنیکیوں 2:12

اساں ہر ہِک کُوں نصیحت تے تسلی ڈیندے ریہے تے سمجھیندے ریہے جو تُساں خُدا دے لائق زندگی گُزارو، جئیں تُہاکُوں آپنڑی بادشاہی تے جلال ءچ شریک تھیوݨ کیتے سڈیا ہے۔

1 پطرس 3:9

بُرائی دے بدلے بُرائی نہ کرو، تے مندھے دا جواب مندھے نال نہ ڈیؤ بلکہ اِیندے بجائے ڈُوجھیاں کیتے برکت چاہو کیوں جو خُدا تُہاکُوں برکت دے وارث تھیوݨ کیتے سڈیا ہے۔

2تھِسّلُنیکیوں 2:14

خُدا تُہاکُوں اِیں نجات کیتے ساڈی سُنڑائی ہوئی خوشخبری دے ذریعے سڈیا تاں جو تُساں ساڈے خُداوند یسُوع مسیح دے جلال ءچ شامل تھی ونجو۔

2کُرِنتھِیوں 9:13

تُہاڈی اِیں خدمت دا ثبوت ڈیکھ تے او خُدا دی تعریف کریسن جو تُساں مسیح دی خوشخبری دا اِقرار کر تے اُوندے اُتے عمل وی کریندے ہیوے تے اُنہاں دی، تے سبھ لوکاں دی مدد کرݨ ءچ بہُوں فیاضی کریندے ہیوے۔

عبرانیوں 13:23

مَیں تُہاکُوں خبر ڈیندا ہاں جو ساڈا بِھرا تِیمُتِھیُس رِہا کر ڈِتا گئے۔ جے او جلدی آ گِیا تاں مَیں اُونکُوں نال گِھن تے تُہاکُوں مِلنڑ آساں۔

2کُرِنتھِیوں 6:7

سچے کلام، خُدا دی قُدرت دے ذریعے تے راستبازی دے ہتھیاراں دے ذریعے جیہڑے ساڈے سجے کھبے ہتھاں ءچ ہِن،

فِلِپّیوں 1:30

تُساں وی اُونہئی تکلیفاں ءچ شامل ہیوے جیہڑیاں میکُوں برداشت کریندے ہوئے ڈِٹھا ہَوے تے ہُنڑ وی سُنڑدے ہیوے جو مَیں اُونویں ای کریندا پِیا ہاں۔

1 تِیمُتھِیُس 1:19

تے اِیمان تے نیک نیّتی اُتے قائم راہویں کیوں جو کُجھ لوکاں اِینکُوں رَد کر ڈِتے، تے آپنڑے اِیمان دا بیڑا غرق کر گِھدے۔

1 تِیمُتھِیُس 4:14

اُوں نعمت تُوں غافل نہ رہ جیہڑی تیکُوں پیشن گوئی دے ذریعے مِلی جڈاں جماعت دے بزُرگاں تیڈے اُتے آپنڑے ہتھ رکھے۔

2 تِیمُتھِیُس 2:2

تے جیہڑے گالھیں تُوں میڈے کنُوں بہُوں سارے گواہاں دی موجودگی ءچ سُنڑیاں ہِن، اُنہاں کُوں ایجھے دیانتدار لوکاں دے سپُرد کر جیہڑے ڈُوجھیاں کُوں وی سِکھاوݨ دے قابل ہووݨ۔

یہُوداہ 1:3

عزیزو! مَیں تُہاکُوں اُوں نجات دے بارے ءچ لِکھنڑ دا بہُوں شوق رکھیندا ہم جیندے ءچ اساں سارے شریک ہیں، پر مَیں ایہ نصیحت کرݨ ضروری سمجھدا ہاں جو تُساں اُوں اِیمان کیتے بہُوں محنت کرو جیہڑا خُدا آپنڑے مُقدّساں کُوں ہِکے پھیری ہمیشاں کیتے سپُرد کر ڈِتا ہا۔