1 تِیمُتھِیُس 6:1 - کِتاب مُقدّس سرائیکی ترجمہ

¹ جیہڑے نوکر غُلامی دی پنجالی ءچ ہِن او آپنڑے مالکاں کُوں پُوری عزت دے لائق سمجھنڑ تاں جو کوئی خُدا دے ناں دی تے ساڈی تعلیم دی بدنامی نہ کرے۔

1 تِیمُتھِیُس 6:1 Referans Kwoze

طِطُس 2:5

تے مُتّقی، پاک دامن، گھر دا کم کرݨ آلیاں تے مہربان ہووݨ تے آپنڑے پایاں دے تابع راہوݨ تاں جو خُدا دے کلام دی بدنامی نہ تھیوے۔

رومیوں 2:24

اِیہو وجہ ہے جو پاک کلام ءچ لِکھیا ہے جو ”تُہاڈی وجہ کنُوں غیر قوماں ءچ خُدا دے ناں دی توہین کیتی ویندی ہے۔“

1 پطرس 3:16

تے آپنڑی نیّت صاف رکھو تاں جو تُہاڈے نیک چال چلنڑ دے بارے ءچ جیہڑا مسیح ءچ ہے، غلط بیانی کرݨ آلے آپنڑے اِلزام لاوݨ اُتے شرمندہ تھیوݨ۔

1 پطرس 2:12

غیر قوماں ءچ آپنڑا چال چلنڑ ایجھا نیک رکھو جو بیشک او تُہاڈے اُتے بدکار ہووݨ دے اِلزام لیندن پر تُہاڈے نیک کماں کُوں ڈیکھ تے عدالت دے ڈینہہ خُدا دی حمد کرݨ۔

گلتِیوں 5:1

مسیح ساکُوں ازاد راہنڑ کیتے ازاد کیتے۔ بس اِیں ازادی ءچ ثابت قدم راہو تے ولا غُلامی دی پنجالی ءچ نہ جُتو۔

اعمال 15:10

بس ہُنڑ تُساں شاگرداں دی گردن اُتے ایجھی پنجالی رکھ تے جِینکُوں نہ ساڈے پِیُو ڈاڈا چا سگدے ہَن، نہ ای اساں، خُدا کُوں کیوں ازمیندے ہیوے؟

اعمال 10:22

اُنہاں آکھیا، ”کُرنیلیُس صوبیدار جیہڑا راستباز تے خُدا دا خوف مننڑ آلا بندہ ہے تے یہُودیاں دی ساری قوم ءچ نیک ناں ہے، اُوں خُدا دے پاک فرشتہ کنُوں ہدایت پاتی جو تیکُوں آپنڑے گھر سڈ تے تُہاڈے تُوں کلام سُنڑے۔“

اعمال 10:7

جِیں ویلے او فرشتہ چلیا گِیا جئیں اُوندے نال گالھیں کیتیاں ہَن تاں کُرنیلیُس آپنڑے نوکراں ءچوں ڈُو کُوں تے آپنڑے خاص سپاہیاں ءچوں ہِک دیندار کُوں سڈیا،

لُوقا 17:1

وَل یسُوع آپنڑے شاگرداں کُوں آکھیا، ”ایہ ناممکن ہے جو ازمائشاں نہ آوݨ، پر اُوں بندے اُتے افسوس جیندی وجہ کنُوں آوݨ۔

متّی 11:30

کیوں جو میڈی پنجالی نرم تے میڈا بھار ہلکا ہے۔“

1 تِیمُتھِیُس 5:14

اِیں واسطے مَیں جوان بیوہ عورتاں کُوں صلاح ڈیندا ہاں جو او شادی کرݨ، بال جمنڑ، آپنڑا گھر سنبھالنڑ تے کہیں مخالف کُوں بدگوئی کرݨ دا موقع نہ ڈیوݨ۔

1کُرِنتھِیوں 10:32

تُساں نہ یہُودیاں کیتے نہ یُونانیاں کیتے تے نہ ای خُدا دی کلیسیا کیتے تُھڈا کھاوݨ دا سبب بنڑو۔

متّی 11:9

تاں وَل تُساں کیا ڈیکھنڑ گئے ہَوے؟ کیا ہِک نبی کُوں؟ ہاں، پر مَیں تُہاکُوں آدھا ہاں جو نبی کنُوں وی وڈے کُوں۔