1 تِیمُتھِیُس 5:17 - کِتاب مُقدّس سرائیکی ترجمہ

¹⁷ جیہڑے بزُرگ چنگی راہنمائی کریندے ہِن، خاص کر او جیہڑے کلام سُنڑیندے تے تعلیم ڈیندے ہِن، ڈُونڑی عزت دے حقدار ہِن۔

1 تِیمُتھِیُس 5:17 Referans Kwoze

عبرانیوں 13:17

آپنڑے راہنماواں دے تابع دار تے فرمانبردار راہو کیوں جو او تُہاڈی رُوحانی نِگرانی کریندے ہِن، ایہ جانڑدے ہوئے جو اِیں خدمت دا حساب ڈیونڑا پوسی۔ اُنہاں دے فرمانبردار راہو تاں جو آپنڑا کم خوشی نال کرݨ نہ جو شکایت نال، کیوں جو اِیں صورت ءچ تُہاکُوں کوئی فائدہ نہ تھیسی۔

گلتِیوں 6:6

کلام دی تعلیم پاوݨ آلا آپنڑیاں ساریاں چنگیاں چیزاں ءچ تعلیم ڈیوݨ آلے کُوں شامل کرے۔

لُوقا 10:7

اُونہی گھر ءچ رہوائے تے جیہڑا کُجھ اُنہاں کنُوں مِلے کھاؤ پِیو کیوں جو مزدُور آپنڑی مزدُوری دا حقدار ہے، گھر گھر نہ پِھرائے۔

عبرانیوں 13:7

آپنڑے راہنماواں کُوں یاد رکھو جِنہاں تُہاکُوں خُدا دا کلام سُنڑایا۔ اُنہاں دی زندگی دے انجام اُتے غور کرو تے اُنہاں دے اِیمان دے نمونے اُتے ٹُرو۔

2 تِیمُتھِیُس 2:6

جیہڑا کِسان سخت محنت کریندے، سبھ توں پہلے اُونکُوں پیداوار دا حصہ مِلنڑا چاہیدے۔

فِلِپّیوں 2:29

بس تُساں خُداوند ءچ وڈی خوشی نال اُوندا اِستقبال کرائے تے ایجھے لوکاں دی عزت کیتا کرو۔

رومیوں 12:8

یا جِینکُوں نصیحت ڈیوݨ دی نعمت مِلی ہووے، او نصیحت کریندا راہوے۔ یا جِینکُوں خیرات ڈیوݨ دی نعمت مِلی ہووے، او فیاضی نال ڈیوے۔ جِینکُوں راہنمائی کرݨ دی نعمت مِلی ہووے، او جوش نال راہنمائی کریندا راہوے، جِینکُوں رحم کرݨ دی نعمت مِلی ہووے، او خوشی نال رحم کرے۔

اعمال 28:10

اُنہاں ساکُوں بہُوں عزت ڈِتی تے اگُوں ونجنڑ دے وقت سفر کیتے ساڈی ضرورت دیاں ساریاں چیزاں جہاز اُتے رکھوا ڈِتیاں۔

2کُرِنتھِیوں 6:1

اساں جیہڑے خُدا دے کم ءچ شریک ہیں تُہاڈی مِنت کریندے ہیں جو خُدا دے اُوں فضل کُوں جیہڑا تُہاڈے اُتے تھئے بے فائدہ نہ تھیوݨ ڈیؤں۔

رومیوں 16:12

ترُوفَینہ تے ترُوفوسہ کُوں سلام آکھو جیہڑیاں خُداوند کیتے محنت کریندیاں ہِن۔ میڈی عزیز پرسِس کُوں سلام آکھو جئیں خُداوند کیتے بہُوں محنت کیتی ہے۔

رومیوں 15:27

ایہ کم اُنہاں خوشی نال تاں کیتا پر یروشلیم دے مُقدّساں دے قرضدار وی ہَن۔ کیوں جو جے غیر قوماں یہُودیاں دی رُوحانی برکتاں ءچ شامل تھئیاں ہِن تاں ضروری ہے جو او وی آپنڑی جِسمانی برکتاں نال یہُودیاں دی خدمت کرݨ۔

فِلِپّیوں 4:3

تے میڈے سچے سنگتی، مَیں تیکُوں وی عرض کریندا ہاں جو اِنہاں عورتاں دی مدد کر، کیوں جو اُنہاں کلیمینس تے میڈے نال خدمت کرݨ آلے باقی لوکاں سمیت میڈے نال خوشخبری سُنڑاوݨ ءچ بہُوں محنت کیتی ہے۔ اِنہاں ساریاں دے ناں کتاب ِ حیات ءچ لِکھے ہِن۔

1کُرِنتھِیوں 16:16

جو ایجھے لوکاں دے تابع راہو بلکہ ہر ہِک دے، جیہڑا اِیں کم تے محنت ءچ شریک ہے۔

اعمال 11:30

بس اُنہاں اِینویں ای کیتا تے ساؤل تے برنباس دے ہتھیں آپنڑی مالی مدد بزُرگاں کُوں بھجوا ڈِتی۔

2 تِیمُتھِیُس 4:2

جو تُوں کلام دی تبلیغ کر، تے اِیندے کیتے چنگے ماڑے ویلے تیار رہ، بہُوں صبر نال تے تعلیم ڈیندے ہوئے لوکاں کُوں سمجھا، ملامت کر، تے نصیحت کر۔

1 تِیمُتھِیُس 4:16

آپنڑے چال چلنڑ تے آپنڑی تعلیم دا خاص خیال رکھ۔ اِنہاں گالھیں اُتے عمل کریندا رہ کیوں جو اِینویں کرݨ نال تُوں آپنڑی تے آپنڑے سُنڑݨ آلیاں دی نجات دا سبب ہوسیں۔

1 تِیمُتھِیُس 3:5

کیوں جو جے کوئی آپنڑے ای گھر کُوں نئیں سنبھال سگدا تاں او خُدا دی کلیسیا دی ڈیکھ بھال کِینویں کریسی؟

فِلِپّیوں 2:16

تے زندگی دا کلام پیش کریندے ہیوے تاں جو مسیح دے واپس آوݨ دے ڈینہہ میکُوں فخر ہووے جو نہ تاں میڈی بھج دھروک بیکار گئی تے نہ محنت بے فائدہ تھئی۔

متّی 24:25

ڈیکھو، مَیں تُہاکُوں پہلے ای ڈسا ڈِتے۔

عبرانیوں 13:24

آپنڑے سارے راہنماواں تے سارے مُقدّساں کُوں سلام اکھائے۔ اِطالِیہ مُلک دے بِھرا تُہاکُوں سلام آدھے ہِن۔

1 تِیمُتھِیُس 4:10

اِیہو وجہ ہے جو اساں سخت محنت تے کوشش کریندے ہیں کیوں جو اساں آپنڑی اُمید اُوں زندہ خُدا اُتے رکھی ہے جیہڑا سارے اِنساناں کُوں، خاص کر اِیمانداراں کُوں نجات ڈیوݨ آلا ہے۔

1کُرِنتھِیوں 15:10

پر ہُنڑ مَیں جیہڑا کُجھ ہاں، خُدا دے فضل نال ہاں، تے او فضل جیہڑا اُوں میڈے اُتے کیتا او ضائع نئیں تھیّا کیوں جو مَیں ساریاں تُوں زیادہ محنت کیتی، بےشک ایہ محنت مَیں آپنڑی کوشش نال نئیں بلکہ خُدا دے فضل نال کیتی، جیہڑا میڈے اُتے ہا۔

اعمال 20:35

مَیں تُہاکُوں ایہ سبھ کر تے ڈِکھایا جو اساں کِینویں محنت کر تے کمزوراں کُوں سنبھال سگدے ہیں۔ خُداوند یسُوع دے لفظاں کُوں یاد رکھو جو اُوں آکھیا، ’ڈیونڑا گِھننڑ کنُوں زیادہ مُبارک ہے‘۔“

یُوحنّا 4:38

مَیں تُہاکُوں اُوں فصل کُوں کپنڑ کیتے بھیجیا جیندے اُتے تُساں محنت نئیں کیتی۔ بئیاں محنت کیتی تے تُساں اُنہاں دی محنت دے پھل ءچ شریک تھئے۔“

لُوقا 12:42

خُداوند آکھیا، ”او دیانتدار تے عقلمند مُنشی کیہڑا ہے جِینکُوں اُوندا مالک آپنڑے گھر دے نوکراں چاکراں اُتے مقرر کرے جو او اُنہاں دی خوراک ٹھیک ویلے اُتے ونڈیندا راہوے؟

1 تِیمُتھِیُس 5:3

اُنہاں بیوہ عورتاں دا خیال رکھ، تے عزت کر جیہڑیاں واقعی ضرورت مند ہِن۔

1 تِیمُتھِیُس 4:6

تِیمُتِھیُس جے تُوں بِھرانواں کُوں ایہ گالھیں یاد کرویسیں تاں مسیح یسُوع دا چنگا خادم ہوسیں، ایجھا خادم جئیں اُوں اِیمان تے چنگی تعلیم دے گالھیں نال پرورش پاتی ہووے جیندے اُتے تُوں عمل کریندا آ یا ہیں۔

1کُرِنتھِیوں 3:9

کیوں جو اساں رَل تے خُدا دے کم کرݨ آلے ہیں تے تُساں خُدا دی کھیتی ہیوے۔ تے تُساں خُدا دا گھر وی ہیوے۔

1 تِیمُتھِیُس 4:14

اُوں نعمت تُوں غافل نہ رہ جیہڑی تیکُوں پیشن گوئی دے ذریعے مِلی جڈاں جماعت دے بزُرگاں تیڈے اُتے آپنڑے ہتھ رکھے۔

1 تِیمُتھِیُس 5:19

کہیں بزُرگ اُتے لائے ونجنڑ آلے کہیں وی اِلزام کُوں ڈُو یا ترے گواہاں دے بغیر قبول نہ کر۔