1 تِیمُتھِیُس 4:6 - کِتاب مُقدّس سرائیکی ترجمہ

⁶ تِیمُتِھیُس جے تُوں بِھرانواں کُوں ایہ گالھیں یاد کرویسیں تاں مسیح یسُوع دا چنگا خادم ہوسیں، ایجھا خادم جئیں اُوں اِیمان تے چنگی تعلیم دے گالھیں نال پرورش پاتی ہووے جیندے اُتے تُوں عمل کریندا آ یا ہیں۔

1 تِیمُتھِیُس 4:6 Referans Kwoze

کلُسِّیوں 3:16

مسیح دے کلام کُوں آپنڑے دِلاں ءچ مکمل طور تے وسنڑ ڈیؤ تے کمال حِکمت دے نال ہِک ڈُوجھے کُوں تعلیم ڈیؤ تے نصیحت کرو۔ تے آپنڑے دِلاں ءچ شُکرگزاری کریندے ہوئے خُدا کیتے زبُور، حمد تے رُوحانی گیت گاؤ۔

طِطُس 2:1

پر تُوں او سِکھا جیہڑا صحیح تعلیم دے مطابق ہے۔

کلُسِّیوں 4:7

عزیز بِھرا تخِکُس جیہڑا وفادار خادم تے خُداوند دی خدمت ءچ میڈا ساتھی ہے میڈا سارا حال تُہاکُوں ڈسا ڈیسی۔

متّی 13:52

یسُوع اُنہاں کُوں آکھیا، ”اِیں واسطے ہر شریعت دا عالم جیہڑا اسمان دی بادشاہی دا شاگرد بنڑیا ہے اُوں گھر دے مالک وانگُوں ہے جیہڑا آپنڑے خزانے ءچوں نوِیاں تے پُرانڑیاں چیزاں کڈھیندے۔“

یہُوداہ 1:5

بھانویں تُساں ایہ سبھ کُجھ جانڑدے ہیوے، وَل وی مَیں تُہاکُوں ایہ گالھ یاد ڈیواوݨ چاہندا ہاں جو خُداوند آپنڑے لوکاں کُوں مِصر ءچوں چُھڑا گِھدا پر بعد ءچ اِیمان نہ رکھنڑ آلیاں کُوں ہلاک کر ڈِتا۔

2 یُوحنّا 1:9

ہر کوئی جیہڑا مسیح دی تعلیم اُتے قائم نئیں راہندا بلکہ اگُوں ودھ ویندے، اُوندے کولھ خُدا نئیں۔ جیہڑا وی یسُوع دی تعلیم اُتے قائم راہندے اُوندے کولھ باپ تے پوتر ڈُوہائیں ہِن۔

1 پطرس 2:2

نویں پیدا تھئے بالاں وانگُوں خالص رُوحانی کھیر دی خواہش ءچ راہو تاں جو اُوندے ذریعے آپنڑی نجات ءچ ودھدے ونجو۔

2 تِیمُتھِیُس 4:3

کیوں جو ایجھا وقت آندا پئے جو لوک صحیح تعلیم دی برداشت نہ کریسن بلکہ آپنڑیاں آپنڑیاں نفسانی خواہشاں دے مطابق ایجھے اُستاد جمع کریسن جیہڑے اُوہو اکھیسن جیہڑا او سُنڑݨ چاہندے ہِن۔

2 تِیمُتھِیُس 3:10

پر تُوں تعلیم ءچ، چال چلنڑ ءچ، مقصد ءچ، اِیمان ءچ، صبر ءچ، محبت ءچ، برداشت ءچ،

2 تِیمُتھِیُس 1:6

اِیہو وجہ ہے جو مَیں تیکُوں یاد ڈیویندا ہاں جو تُوں خُدا دی اُوں نعمت دی بھاہ کُوں نویں سرے تُوں بھڑکا ڈے جیہڑی میڈے ہتھ رکھنڑ نال تیکُوں مِلی ہے۔

1 تِیمُتھِیُس 6:3

جے کوئی غلط تعلیم ڈیندے تے خُداوند یسُوع مسیح دے صحیح کلام تے اُوں تعلیم کُوں نئیں منیندا جیہڑی خُدا پرستی دے مطابق ہے،

1 تِیمُتھِیُس 4:16

آپنڑے چال چلنڑ تے آپنڑی تعلیم دا خاص خیال رکھ۔ اِنہاں گالھیں اُتے عمل کریندا رہ کیوں جو اِینویں کرݨ نال تُوں آپنڑی تے آپنڑے سُنڑݨ آلیاں دی نجات دا سبب ہوسیں۔

1 تِیمُتھِیُس 1:10

تے اُنہاں کیتے ہے جیہڑے زِنا کار ہِن، چھوہر باز ہِن، اغوا کرݨ آلے ہِن، کُوڑ مریندے ہِن، کُوڑیاں قَسماں چیندے ہِن، تے ایجھے بہُوں سارے کم کریندے ہِن جیہڑے صحیح تعلیم دے خلاف ہِن۔

1تھِسّلُنیکیوں 3:2

تے تِیمُتِھیُس کُوں، جیہڑا ساڈا بِھرا تے مسیح دی خوشخبری دی تبلیغ ءچ خُدا دا خادم ہے، تُہاڈے کولھ بھیجیا تاں جو تُہاکُوں مضبوط کرے تے اِیمان ءچ تُہاڈا حوصلہ ودھاوے،

کلُسِّیوں 2:19

او مسیح کُوں جیہڑا بدن دا سر ہے پکڑی نئیں رکھیا، جیندے نال سارا بدن پرورش پا تے، تے جوڑاں تے پٹھیاں دے ذریعے آپس ءچ جُڑ تے خُدا دی مدد نال ودھدا ویندے۔

فِلِپّیوں 3:16

بہرحال جِتھاں تئیں اساں پُج گئے ہیں، اُوندے مطابق زندگی گُزاروں۔

اِفِسیوں 6:21

تخِکُس جیہڑا عزیز بِھرا تے خُداوند ءچ وفادار خادم ہے، تُہاکُوں سبھ کُجھ ڈسا ڈیسی، تاں جو تُساں وی میڈی حالت کنُوں واقف تھی ونجو۔

2کُرِنتھِیوں 6:4

بلکہ خُدا دے خادم ہوندے ہوئے اساں ہر گالھ تُوں آپنڑی نیکی ظاہر کریندے ہیں، یعنی بہُوں صبر نال، مُصیبت ءچ، مُشکلات ءچ، تنگی ءچ،

2کُرِنتھِیوں 3:6

جئیں ساکُوں نویں عہد دے خادم ہووݨ دے لائق وی بنڑایا ہے۔ ایہ عہد لِکھے ہوئے حُکماں اُتے نئیں بلکہ رُوح اُتے قائم ہے کیوں جو لِکھے ہوئے حُکم مار سٹیندے ہِن پر رُوح القُدس زندگی ڈیندے۔

1کُرِنتھِیوں 4:17

اِیں واسطے مَیں تِیمُتِھیُس کُوں جیہڑا خُداوند یسُوع ءچ میڈا عزیز تے وفادار فرزند ہے، تُہاڈے کولھ بھجیندا پِیا ہاں۔ او تُہاکُوں میڈے او طریقے یاد ڈیویسی جِنہاں اُتے مَیں یسُوع مسیح ءچ ہوندے ہوئے عمل کریندا ہاں تے جیہڑے مَیں ہر جاہ تے ہر کلیسیا ءچ سکھیندا ہاں۔

رومیوں 15:15

وَل وی مَیں کُجھ گالھیں بہُوں دلیری نال تُہاکُوں یاد ڈیواوݨ کیتے لِکھیاں ہِن۔ خُدا میڈے اُتے فضل کیتے

اعمال 20:35

مَیں تُہاکُوں ایہ سبھ کر تے ڈِکھایا جو اساں کِینویں محنت کر تے کمزوراں کُوں سنبھال سگدے ہیں۔ خُداوند یسُوع دے لفظاں کُوں یاد رکھو جو اُوں آکھیا، ’ڈیونڑا گِھننڑ کنُوں زیادہ مُبارک ہے‘۔“

اعمال 20:31

اِیں واسطے خبردار رہوائے تے یاد رکھائے جو مَیں ترے سال تئیں ڈینہہ رات ہنجُو وہا وہا تے ہر ہِک کُوں خطرے تُوں آگاہ کریندا ریہا۔

لُوقا 1:3

مَیں وی ہر گالھ دا شروع کنُوں ٹھیک ٹھیک پتہ کیتا ہے، اِیں واسطے مَیں مناسب سمجھیا جو اِنہاں کُوں تُہاڈے کیتے ترتیب نال لِکھاں،

اعمال 1:15

اُنہاں ڈینہاں ءچ پطرس بِھرانواں دی جماعت ءچ جیہڑے تقریباً ہِک سو وِیہہ دے نیڑے ہَن، کھڑا تھی تے آکھنڑ لگا،

2کُرِنتھِیوں 11:23

کیا او مسیح دے خادم ہِن؟ میں ایہ گالھ پاگل آلی کار کریندا پِیا ہاں۔ مَیں اُنہاں کنُوں زیادہ اُوندا خادم ہاں۔ مَیں اُنہاں کنُوں زیادہ محنت کیتی، زیادہ دفعہ قید تھیّا، زیادہ کوڑے کھادے، کئی پھیری موت دا سامنڑا کیتا۔

فِلِپّیوں 2:20

کیوں جو میڈے کولھ اُوندے جِیہا بِیا کوئی نئیں جیہڑا سچے دل نال تُہاڈی فِکر کریندا ہووے۔

فِلِپّیوں 2:22

پر تُساں تاں جانڑدے ہیوے جو تِیمُتِھیُس بھروسے دے لائق ثابت تھئے کیوں جو جِینویں پوتر پِیُو نال کم کریندے، اُونویں ای اُوں میڈے نال رَل تے خوشخبری دی تبلیغ کرݨ دی خدمت کیتی ہے۔