1 تِیمُتھِیُس 3:1 - کِتاب مُقدّس سرائیکی ترجمہ

¹ ایہ گالھ سچ ہے جو ”جیہڑا بندہ کلیسیا ءچ نگہبان بنڑݨ چاہندے، او چنگے کم دی خواہش کریندے۔“

1 تِیمُتھِیُس 3:1 Referans Kwoze

طِطُس 1:7

نگہبان کُوں خُدا دے لوکاں دا مُختار ہووݨ دے سببّوں بے اِلزام ہوونڑا چاہیدے۔ او ضِدی تے کوڑیل نہ ہووے، شرابی تے مار کُٹ کرݨ آلا نہ ہووے تے نہ ای پیسے دا لالچی ہووے۔

اعمال 20:28

بس آپنڑا تے آپنڑے سارے اِجڑ دا خیال رکھو جیندے تُساں رُوح القُدس دی طرفوں نگہبان مقرر کیتے گئے ہیوے تاں جو خُدا دی کلیسیا دی نگہبانی کرو، جِینکُوں اُوں آپنڑے پوتر دے خون نال مُل گِھدے۔

1 پطرس 5:2

تُساں خُدا دے اِجڑ دی نگہبانی کرو، جیہڑا تُہاڈے سپُرد کیتا گئے۔ ایہ خدمت مجبوری نال نئیں بلکہ خُدا دی مرضی دے مطابق خوشی نال، مال دولت دے لالچ کیتے نئیں بلکہ دِلی شوق نال کرو۔

1 تِیمُتھِیُس 1:15

ایہ گالھ سچ تے ہر لحاظ نال قبول کرݨ دے لائق ہے جو ”مسیح یسُوع گُنہگاراں کُوں نجات ڈیوݨ کیتے دُنیا ءچ آیا،“ جِنہاں ءچوں سبھ تُوں وڈا گُنہگار مَیں ہاں۔

1 پطرس 2:25

پہلے تُساں بھیڈاں وانگُوں آوارہ پِھردے ہَوے پر ہُنڑ آپنڑیاں جاناں دے آجڑی تے نگہبان دے کولھ واپس آ گئے ہیوے۔

عبرانیوں 12:15

دھیان کرو جو کوئی بندہ خُدا دے فضل کنُوں محروم نہ رہ ونجے، اِینویں نہ تھیوے جو کوئی بندہ کڑوی جڑھ آلی کار پُھٹ تے تُہاکُوں تکلیف ڈیوے تے بہُوں سارے لوکاں کُوں وِگاڑ ڈیوے۔

2 تِیمُتھِیُس 2:11

ایہ گالھ سچ ہے جو جے اساں مسیح نال مر گئے تاں اُوندے نال زندہ وی راہسوں۔

1 تِیمُتھِیُس 4:9

ایہ گالھ سچ تے ہر لحاظ نال قبول کرݨ دے لائق ہے۔

فِلِپّیوں 1:1

ایہ خط مسیح یسُوع دے خادماں پولُس تے تِیمُتِھیُس دی طرفوں، نگہباناں تے کلیسیا دے اِنتظام کرݨ آلیاں سمیت فِلپی دے سارے مُقدّساں دے ناں ہے جیہڑے یسُوع المسیح دے ہِن۔

لُوقا 15:10

مَیں تُہاکُوں آدھا ہاں جو اِینویں ای ہِک گُنہگار دے توبہ کرݨ نال خُدا دے فرشتیاں دے سامنڑے خوشی منائی ویندی ہے۔“

طِطُس 3:8

ایہ گالھ سچ ہے تے مَیں چاہندا ہاں جو تُوں اِنہاں گالھیں اُتے خاص زور ڈے تاں جو خُدا اُتے اِیمان گِھن آوݨ آلے دھیان نال نیک کماں ءچ مصروف راہوݨ۔ ایہ گالھیں سبھ کیتے چنگیاں تے مفید ہِن۔

اِفِسیوں 4:12

تاں جو مُقدّس لوک خدمت دے کم کرݨ دے قابل بنڑݨ تے اِینویں مسیح دے بدن دی ترقی تھیوے،

اعمال 1:20

پطرس وَل آکھیا، ”زبُور ءچ لِکھیا ہے جو ’اُوندا گھر برباد تھی ونجے تے اُوندے ءچ راہنڑ آلا کوئی نہ ہووے‘ تے ’اُوندی خدمت کوئی بِیا گِھن گِھنے۔‘

1 پطرس 4:15

پر تُہاڈے ءچوں کوئی وی ایجھا نہ ہووے جیہڑا کہیں کُوں قتل کرݨ، چوری یا بدکاری کرݨ یا ڈُوجھیاں دے کم ءچ دَخل ڈیوݨ دی وجہ کنُوں ڈُکھ چاوے۔

1تھِسّلُنیکیوں 5:14

بِھراؤ! اساں تُہاڈی مِنت کریندے ہیں جو آلسیاں کُوں سمجھاؤ، بے دِلاں کُوں ہِمت ڈیواؤ، کمزوراں دی مدد کرو تے سارے لوکاں نال صبر نال پیش آؤ۔

رومیوں 11:13

ہُنڑ مَیں تُساں غیریہُودیاں کُوں آدھا ہاں۔ مَیں غیریہُودیاں کیتے رسُول مقرر تھیّا ہاں اِیں واسطے آپنڑی خدمت دی تعریف کریندا ہاں،