1 تِیمُتھِیُس 2:6 - کِتاب مُقدّس سرائیکی ترجمہ

⁶ جئیں آپنڑے آپ کُوں ساریاں دی مخلصی کیتے فِدیہ دے طور تے ڈے ڈِتا۔ اِینویں اُوں مقرر وقت اُتے اِیں گالھ دی گواہی ڈِتی۔

1 تِیمُتھِیُس 2:6 Referans Kwoze

متّی 20:28

اِبنِ آدم اِیں واسطے نئیں آیا جو خدمت گِھنے بلکہ اِیں واسطے جو خدمت کرے تے آپنڑی جان بہُوں ساریاں کیتے فِدیہ ءچ ڈیوے۔“

1 پطرس 3:18

کیوں جو مسیح جیہڑا راستباز ہا، بدکاراں دے گُناہاں دی خاطر ہمیشاں کیتے ہِکے پھیری ڈُکھ چاتا تاں جو ساکُوں خُدا تئیں پُچا ڈیوے۔ او جِسم دے اعتبار نال تاں ماریا گِیا پر رُوح دے اعتبار نال زندہ کیتا گِیا۔

گلتِیوں 4:4

پر جِیں ویلے وقت پُورا تھی گِیا تاں خُدا آپنڑے پوتر کُوں بھیجیا جیہڑا عورت تُوں پیدا تھیّا تے شریعت دے تابع پیدا تھیّا،

مُکاشفہ 1:5

تے یسُوع مسیح دی طرفوں جیہڑا سچا گواہ تے مُردیاں ءچوں زندہ تھیوݨ آلیاں ءچوں پلوٹھا تے دُنیا دے بادشاہاں اُتے حُکمران ہے۔ او ساڈے نال محبت رکھیندے تے اُوں آپنڑے خون دے وسیلہ نال ساکُوں ساڈے گُناہاں تُوں رہائی بخشی،

1 یُوحنّا 4:10

محبت ایہ نئیں جو اساں خُدا نال محبت کیتی بلکہ ایہ ہے جو اُوں ساڈے نال محبت کیتی تے آپنڑے پوتر کُوں بھیجیا تاں جو او ساڈے گُناہاں دا کفارہ بنڑے۔

طِطُس 2:14

مسیح آپنڑے آپ کُوں ساڈی خاطر ڈے ڈِتا تاں جو ساڈا فِدیہ ڈے تے ساکُوں ہر طرحاں دی بدکاری کنُوں چُھڑا گِھنے، تے ساکُوں پاک کر تے آپنڑے کیتے ہِک ایجھی اُمت بنڑا گِھنے جیہڑی نیک کم کرݨ ءچ سرگرم راہوے۔

1کُرِنتھِیوں 1:6

اِینویں مسیح دے بارے ءچ ساڈی گواہی تُہاڈے ءچ چنگی طرحاں قائم تھی گئی ہے۔

1 تِیمُتھِیُس 6:15

کیوں جو خُدا مناسب وقت اُتے مسیح کُوں ظاہر کریسی۔ خُدا مُبارک تے واحد حاکم، بادشاہاں دا بادشاہ تے خُداونداں دا خُداوند ہے۔

اِفِسیوں 5:2

تے تُساں وی محبت نال زندگی گُزارو جِینویں مسیح ساڈے نال محبت کیتی تے ساڈے کیتے آپنڑے آپ کُوں خوشبو دار نذرانہ تے قُربانی دے طور تے خُدا کُوں ڈے ڈِتا۔

1 پطرس 2:24

او خود آپنڑے ای بدن اُتے ساڈے گُناہاں دا بھار چا تے صلیب اُتے چڑھ گِیا تاں جو اساں گُناہاں دے اعتبار نال مر تے راستبازی دے اعتبار نال زندہ تھی ونجُوں۔ ”اُوندے زخماں تُوں تُہاکُوں شِفا مِلی ہے۔“

طِطُس 1:3

پر ہُنڑ اُوں آپنڑے مقرر کیتے وقت اُتے آپنڑے کلام دی تبلیغ دے ذریعے اُونکُوں ظاہر کیتا۔ اِیں تبلیغ دا کم ساڈے نجات ڈیوݨ آلے خُدا دے حُکم نال میڈے سپُرد کیتا گئے۔

2کُرِنتھِیوں 5:21

خُدا مسیح کُوں جیہڑا گُناہ کنُوں واقف نہ ہا، ساڈے کیتے گُناہ کھڑایا تاں جو اساں مسیح ءچ خُدا دی راستبازی تھی ونجُوں۔

رومیوں 5:6

کیوں جو جِیں ویلے اساں سارے بے وس ہسے تاں مسیح عین موقع تے اساں بدکاراں کیتے آپنڑی جان ڈِتی۔

یُوحنّا 10:15

بالکل اُونویں ای جِینویں باپ میکُوں جانڑدے تے مَیں باپ کُوں جانڑدا ہاں۔ تے مَیں بھیڈاں کیتے آپنڑی جان ڈیندا ہاں۔

یُوحنّا 6:51

مَیں او زندگی دی روٹی ہاں جیہڑی اسمان کنُوں لتھی۔ جے کوئی اِیں روٹی ءچوں کھاوے تاں ہمیشاں تئیں زندہ راہسی۔ ایہ روٹی میڈا گوشت ہے جیہڑا مَیں ساری دُنیا دی زندگی کیتے ڈیساں۔“

مرقس 10:45

کیوں جو اِبنِ آدم وی اِیں واسطے نئیں آیا جو خدمت گِھنے بلکہ اِیں واسطے جو خدمت کرے تے آپنڑی جان بہُوں ساریاں کیتے فِدیہ ءچ ڈیوے۔“

مُکاشفہ 5:9

تے او ایہ نواں گیت گاوݨ لگے جو ”تُوں ای اِیں لائق ہیں جو طُومار کُوں گِھن تے اُوندیاں مُہراں کھولیں، کیوں جو تَیں ذبح تھی تے آپنڑے خون نال ہر قبیلہ، ہر زبان، ہر اُمت تے ہر قوم ءچوں لوکاں کُوں خُدا دے واسطے مُل گِھن گِھدے۔

عبرانیوں 9:12

او بکریاں تے وچھیاں دا خون گِھن تے نئیں بلکہ آپنڑا خون گِھن تے ہِکے پھیری سبھ تُوں مُقدّس جاہ ءچ داخل تھی گِیا تے ساکُوں ایجھی مخلصی ڈِتی جیہڑی ہمیشاں کیتے ہے۔

2 تِیمُتھِیُس 1:8

اِیں واسطے تُوں ساڈے خُداوند دی گواہی ڈیوݨ تُوں نہ شرما، تے نہ میڈے تُوں جیہڑا اُوندی خاطر قیدی ہاں بلکہ خُدا دی قُدرت دی مدد نال میڈے نال خوشخبری دی خاطر ڈُکھ چا۔

2تھِسّلُنیکیوں 1:10

ایہ اُوں ڈینہہ تھیسی جڈاں یسُوع آ تے آپنڑے مُقدّس لوکاں ءچ جلال پیسی تے سبھ اِیماندار اُوندی شان ڈیکھ تے حیران تھیسن تے اُوندی تعریف کریسن۔ اُنہاں ءچ تُساں وی شامل ہوسو کیوں جو تُساں ساڈی گواہی اُتے اِیمان گِھن آئے ہَوے۔

رومیوں 16:26

پر ہُنڑ ظاہر تھی گئے۔ او ازلی خُدا دے حُکم دے مطابق نبیاں دیاں کتاباں دے ذریعے ساریاں قوماں کُوں ڈسایا گِیا ہے تاں جو او اِیمان گِھن آ تے خُدا دے تابع تھی ونجنڑ۔

اِفِسیوں 1:17

مَیں دُعا کریندا ہاں جو ساڈے خُداوند یسُوع مسیح دا خُدا جیہڑا جلال آلا باپ ہے، تُہاکُوں حِکمت تے مُکاشفے دی رُوح بخشے تاں جو تُساں اُونکُوں چنگی طرحاں جاݨ گِھنو

اِفِسیوں 1:7

ساکُوں مسیح دے خون دے وسیلے نال مخلصی یعنی گُناہاں دی معافی مِلی ہے۔ ایہ خُدا دے اُوں بے حد فضل دے سببّوں تھیّا،

اِفِسیوں 3:5

پُرانڑے زمانیاں ءچ خُدا ایہ بھید لوکاں اُتے ظاہر نہ کیتا، پر ہُنڑ رُوح القُدس دے وسیلے اُوندے مُقدّس رسُولاں تے نبیاں اُتے ظاہر کیتا ہے۔

مرقس 1:15

او آکھنڑ لگا جو ”وقت پُورا تھی گِیا ہے تے خُدا دی بادشاہی نیڑے آ گئی ہے۔ توبہ کرو تے خوشخبری اُتے اِیمان گِھن آؤ۔“

گلتِیوں 1:4

یسُوع آپنڑے آپ کُوں ساڈے گُناہاں کیتے قُربان کر ڈِتا تاں جو او ساکُوں ساڈے خُدا تے باپ دی مرضی دے مطابق اِیں موجودہ بُرے زمانے کنُوں بچا گِھنے۔