1 تِیمُتھِیُس 2:5 - کِتاب مُقدّس سرائیکی ترجمہ

⁵ کیوں جو خُدا ہِک ہے تے خُدا تے اِنساناں دے وچال درمیانی وی ہِکو ای ہے یعنی مسیح یسُوع جیہڑا اِنسان ہے

1 تِیمُتھِیُس 2:5 Referans Kwoze

گلتِیوں 3:20

درمیانی ہِک تُوں زیادہ بندیاں کیتے ہوندے، پر خُدا ہِک ای ہے [تے ابرہام نال وعدہ کرݨ ویلے کوئی درمیانی استعمال نئیں کیتا۔]

1کُرِنتھِیوں 8:6

پر ساڈے کیتے تاں ہِکو ای خُدا ہے یعنی اسمانی باپ جیہڑا ساریاں چیزاں دا خالق ہے تے اساں اُوندے کیتے زندہ ہیں۔ تے ہِک ای خُداوند ہے یعنی یسُوع مسیح جیندے وسیلے نال ساریاں چیزاں وجود ءچ آئیاں تے اساں وی اُوندے وسیلے نال زندہ ہیں۔

عبرانیوں 9:15

اِیہو وجہ ہے جو مسیح نویں عہد دا درمیانی ہے تاں جو خُدا دی طرفوں سڈے گئے لوک وعدہ کیتی ہوئی ابدی میراث کُوں حاصل کر سگنڑ۔ ایہ صرف اِیں واسطے ممکن تھئے جو مسیح آپنڑی جان فِدیہ دے طور تے ڈے ڈِتی تاں جو اُنہاں کُوں اُنہاں گُناہاں دی سزا تُوں چُھڑاوے جیہڑے اُنہاں پہلے عہد دے دوران کیتے ہَن۔

عبرانیوں 7:25

اِینویں ای جیہڑے لوک یسُوع دے وسیلے نال خُدا دے کولھ آندے ہِن، او اُنہاں کُوں پُوری پُوری نجات ڈے سگدے کیوں جو او اُنہاں دی شفاعت کرݨ کیتے ہمیشاں زندہ ہے۔

عبرانیوں 12:24

تُساں نویں عہد دے درمیانی یسُوع تے اُوندے اُوں چِھنڈکے ہوئے خون دے کولھ آئے ہیوے جیہڑا ہابل دے خون دی نسبت چنگا پیغام ڈیندا ہے۔

یُوحنّا 1:14

کلام جِسم اِختیار کیتا تے ساڈے وچال راہندا ریہا۔ اساں اُوندا جلال ڈِٹھا جیہڑا فضل تے سچائی نال بھریا ہویا ہا، ایجھا جلال جِینویں باپ دے اِکلوتے پوتر دا ہوندے۔

رومیوں 10:12

کیوں جو یہُودی تے غیریہُودی ءچ کوئی فرق نئیں اِیں واسطے جو اُوہو خُداوند سبھ دا خُداوند ہے تے سبھ کُوں جیہڑے اُوندے تُوں دُعا کریندن فیاضی نال برکت ڈیندے۔

یُوحنّا 17:3

تے ہمیشاں دی زندگی ایہ ہے جو او تَیں خُدائے واحد تے برحق کُوں تے یسُوع مسیح کُوں جِینکُوں تُوں بھیجیا ہے، جانڑن۔

عبرانیوں 8:6

پر ہُنڑ مسیح کُوں ڈُوجھے کاہِناں کنُوں افضل خدمت مِلی ہے کیوں جو او اُوں افضل عہد دا درمیانی ہے، جیہڑا چنگے وعدیاں اُتے قائم کیتا گِیا ہے۔

اِفِسیوں 4:6

تے خُدا وی ہِک ہے جیہڑا ساریاں دا باپ ہے۔ اُوہو ساریاں دے اُتے، ساریاں دے نال تے ساریاں دے اندر ہے۔

1کُرِنتھِیوں 8:4

بُتاں دیاں قُربانیاں دا گوشت کھاوݨ دے بارے ءچ اساں جانڑدے ہیں جو دُنیا ءچ بُتاں دی حقیقت بالکل نئیں۔ خُدا ہِک ہے تے اُوندے علاوہ کوئی معبُود نئیں۔

متّی 1:23

”ڈیکھو ہِک کُنواری حاملہ تھیسی تے پوتر جمسی تے اُوندا ناں عِمانُوایل رکھیسن۔“ جِیندا ترجمہ ہے خُدا ساڈے نال۔

مُکاشفہ 1:13

تے مَیں اُنہاں چراغ داناں دے اَدھ ءچ ہِک بندہ ڈِٹھا جیہڑا اِبنِ آدم جِیہا ہا۔ اُوں پیراں تئیں چولا پاتا ہویا ہا تے سینہ اُتے سنہری سینہ بند بدھی پِیا ہا۔

متّی 1:1

یسُوع مسیح اِبنِ داؤد اِبنِ ابرہام دا شجرہ۔

اعمال 4:12

تے کہیں بئے دے وسیلے نجات نئیں مِلدی کیوں جو اسمان دے تلے لوکاں کُوں کوئی ڈُوجھا ناں نئیں بخشیا گِیا جیندے وسیلے نال اساں نجات پا سگوں۔“

رومیوں 1:3

آپنڑے پوتر دے بارے ءچ کیتا، جیہڑا جِسمانی لحاظ نال تاں داؤد دی نسل ءچوں ہا،

1 تِیمُتھِیُس 6:13

مَیں خُدا کُوں جیہڑا ہر چیز کُوں زندگی ڈیندے تے مسیح یسُوع کُوں جئیں پنطیُس پِیلاطُس دے سامنڑے چنگا اِقرار کیتا ہا، گواہ بنڑا تے تیکُوں تاکید کریندا ہاں،

1 یُوحنّا 2:1

میڈے بالو! مَیں تُہاکُوں ایہ گالھیں اِیں واسطے لِکھدا پِیاں ہاں جو تُساں گُناہ نہ کرو۔ پر جے کوئی گُناہ کرے تاں خُدا باپ دے حضُور ءچ ساڈی سفارش کرݨ آلا ہِک موجود ہے یعنی یسُوع مسیح جیہڑا راستباز ہے۔

لُوقا 14:22

نوکر آکھیا، ’مالک! تیڈے آکھنڑ دے مطابق عمل کیتا گِیا ہے پر ہُنڑ وی جاہ خالی ہے۔‘