1 تِیمُتھِیُس 1:9 - کِتاب مُقدّس سرائیکی ترجمہ

⁹ اساں ایہ وی جانڑدے ہیں جو شریعت راستبازاں کیتے نئیں بلکہ بے شرع لوکاں، باغیاں، بدکاراں، گُنہگاراں، ناپاکاں، بے دیناں، ماء پِیُو کُوں قتل کرݨ آلیاں، خونیاں

1 تِیمُتھِیُس 1:9 Referans Kwoze

گلتِیوں 3:19

وَل شریعت کیوں ڈِتی گئی؟ او اِنسان دیاں نافرمانیاں ظاہر کرݨ کیتے بعد ءچ ڈِتی گئی تاں جو ابرہام دی اُوں اولاد دے آوݨ تئیں قائم راہوے جِیندا وعدہ کیتا گِیا ہا۔ تے شریعت فرشتیاں دے وسیلے نال ہِک درمیانی یعنی مُوسیٰ دی معرفت ڈِتی گئی۔

1 پطرس 4:18

تے ”جڈاں راستباز ای مُشکل نال نجات پیسی، تاں بے دین تے گُنہگار دا کیا بنڑسی؟“

رومیوں 5:20

بعد ءچ شریعت آ گئی تاں جو گُناہ زیادہ تھی ونجے پر جِتھاں گُناہ زیادہ تھیّا اُتھاں فضل اُوں کنُوں وی زیادہ تھیّا۔

گلتِیوں 5:23

نرم دِلی تے پرہیزگاری ہے۔ ایجھے کماں دی کوئی شریعت مخالفت نئیں کریندی۔

طِطُس 3:3

اساں وی ہِک وقت نادان، نافرمان تے گُمراہ ہسے تے ہر طرحاں دیاں خواہشاں تے عیاشیاں دی غُلامی ءچ ہسے، تے کینہ تے حسد ءچ زندگی گُزریندے پئے ہسے۔ ڈُوجھے ساڈے تُوں نفرت کریندے ہَن تے اساں ڈُوجھیاں تُوں۔

رومیوں 6:14

کیوں جو تُساں شریعت دے ماتحت نئیں بلکہ فضل دے ماتحت ہیوے، اِیں واسطے گُناہ دا تُہاڈے اُتے اِختیار نہ ہوسی۔

رومیوں 1:30

کُوڑے اِلزام لاوݨ آلے، خُدا تُوں نفرت کرݨ آلے، گُستاخ، مغرُور تے شیخی باز، بدی دے بانی، آپنڑے ماء پِیُو دے نافرمان،

مُکاشفہ 22:15

پر کُتے، جادُوگر، حرام کار، خونی، بُت پرست، کُوڑی گالھ گھڑن تے پسند کرݨ آلے باہر راہسن۔

مُکاشفہ 21:8

پر بُزدلاں، غیر اِیمانداراں، گندے کم کرݨ آلیاں، قاتلاں، حرام کاراں، جادُوگراں، بُت پرستاں تے سبھ کُوڑیاں دی جاہ بھاہ تے گندھک نال سڑن آلی جھیل ہوسی۔ ایہ ڈُوجھی موت ہے۔“

طِطُس 1:16

او خُدا دی پچھاݨ دا دعویٰ تاں کریندے ہِن پر آپنڑے کماں تُوں اُوندا اِنکار کریندے ہِن، کیوں جو او مکرُوہ تے نافرمان ہِن تے کوئی نیک کم کرݨ دے قابل نئیں۔

1 پطرس 3:20

جیہڑیاں پِچھلے زمانہ ءچ نافرمان ہَن، جِیں ویلے خُدا نُوح دی کشتی بنڑݨ تئیں صبر نال اِنتظار کیتا۔ اُوں کشتی ءچ بہُوں تھوڑے یعنی اَٹھ بندے پانڑی ءچوں لنگھ تے بچ نِکلے۔

عبرانیوں 11:31

اِیمان دی وجہ کنُوں ای راحب طوائف اِسرائیلی جاسُوساں کُوں سلامتی نال قبول کیتا تے اِیں واسطے او نافرماناں دے نال ہلاک تھیوݨ تُوں بچ گئی۔

2تھِسّلُنیکیوں 2:8

وَل او بدکار ظاہر تھیسی جِینکُوں خُداوند یسُوع آپنڑے مُنہ دی پُھوک نال مار سٹیسی تے آپنڑی آمد دے جلال نال برباد کر ڈیسی۔

رومیوں 4:13

کیوں جو خُدا ابرہام تے اُوندی نسل نال وعدہ کیتا ہا جو او دُنیا دے وارث ہوسن، پر ایہ وعدہ شریعت دے سببّوں نہ کیتا گِیا ہا بلکہ اُوں راستبازی دے سببّوں جیہڑی اِیمان دے وسیلے نال مِلدی ہے۔

متّی 10:21

بِھرا کُوں بِھرا تے پِیُو آپنڑے پوتر کُوں قتل کیتے پکڑویسی۔ تے بال آپنڑے ماء پِیُو دے خلاف کھڑے تھی تے اُنہاں کُوں مروا ڈیسن۔

1 پطرس 2:7

تُساں اِیمان گِھن آوݨ آلیاں کیتے تاں او قیمتی ہے پر اِیمان نہ گِھن آوݨ آلیاں کیتے نئیں، جِینویں جو لِکھیا ہے جو ”جِیں پتھر کُوں مِستریاں رَد کر ڈِتا اُوہو کونے دے سرے دا پتھر تھی گِیا۔“

عبرانیوں 12:16

خبردار، نہ کوئی زِناکار ہووے یا نہ عیسو وانگُوں بے دین، جئیں ہِک وقت دے کھانڑے کیتے آپنڑے پلیٹھی دے حق کُوں ویچ ڈِتا۔

گلتِیوں 5:21

بُغض، نشہ بازی، نچنڑ ٹپنڑ تے اِنہاں جِیہے بئے کم۔ اِنہاں گالھیں دے بارے ءچ مَیں پہلے تُہاکُوں آکھیا ہا تے ہُنڑ ولا آدھا ہاں، جو ایجھے کم کرݨ آلے خُدا دی بادشاہی دے وارث نہ ہوسن۔

گلتِیوں 5:18

پر جے تُساں پاک رُوح دی ہدایت نال چلدے ہیوے تاں شریعت دے تابع نئیں ہوندے۔

1 تِیمُتھِیُس 4:7

پر اُنہاں بے ہُودہ تے فرضی کہانڑیاں کنُوں کنارہ کر بلکہ دینداری کیتے مشق کر۔

1 تِیمُتھِیُس 6:20

تِیمُتِھیُس! اِیں امانت دی جیہڑی تیڈے سپُرد کیتی گئی ہے، حفاظت کر، تے بے ہُودہ گالھیں تے فضول خیالاں کنُوں کنارہ کر، کیوں جو ایجھے علم کُوں علم آکھنڑ ای غلط ہے۔

2 تِیمُتھِیُس 2:16

بے ہُودہ بکواس کنُوں دُور رہ، کیوں جو اِیندے نال لوک زیادہ بے دین تھی ویندن،

2 تِیمُتھِیُس 3:2

لوک خود غرض، پیسیاں دے لالچی، شیخی مارݨ آلے، تکبر کرݨ آلے، چُغلی کرݨ آلے، ماء پِیُو دے نا فرمان، نا شُکرے، ناپاک،

طِطُس 1:6

بزُرگ بے اِلزام ہووے، ہِک ذال آلا ہووے، اُوندے بال اِیماندار ہووݨ تے عیاشی تے نافرمانی دے اِلزام کنُوں پاک ہووݨ۔

طِطُس 1:10

کیوں جو بہُوں سارے لوک باغی، فضول گالھیں کرݨ آلے تے دغاباز ہِن، خاص کر او جیہڑے ختنہ کراوݨ اُتے زور ڈیندے ہِن۔

یہُوداہ 1:15

تاں جو سبھ لوکاں دا اِنصاف کرے تے بے دین گُنہگاراں کُوں اُنہاں دیاں سبھ بدکاریاں دی وجہ تُوں تے اُنہاں گُستاخ گالھیں دی وجہ تُوں جیہڑیاں اُنہاں اُوندی شان ءچ کیتیاں ہِن، قصُوروار کھڑاوے ۔“