1 تِیمُتھِیُس 1:5 - کِتاب مُقدّس سرائیکی ترجمہ

⁵ میڈی اِیں نصیحت دا مقصد او محبت ہے جیہڑی پاک دِلی، نیک نیّتی تے حقیقی اِیمان نال پیدا تھیندی ہے۔

1 تِیمُتھِیُس 1:5 Referans Kwoze

1 تِیمُتھِیُس 1:19

تے اِیمان تے نیک نیّتی اُتے قائم راہویں کیوں جو کُجھ لوکاں اِینکُوں رَد کر ڈِتے، تے آپنڑے اِیمان دا بیڑا غرق کر گِھدے۔

گلتِیوں 5:22

پر رُوح القُدس دا پھل محبت، خوشی، اِطمینان، صبر، مہربانی، نیکی، وفاداری،

2 تِیمُتھِیُس 2:22

جوانی دیاں بُریاں خواہشاں کنُوں بھج۔ جیہڑے لوک پاک دل نال خُداوند تُوں دُعا کریندے ہِن اُنہاں دے نال رَل تے راستبازی، اِیمان، محبت تے صُلح دے پِچُھوں لگا رہ۔

2 تِیمُتھِیُس 1:5

میکُوں تیڈا او حقیقی اِیمان وی یاد آندے جیہڑا پہلے تیڈی نانی لُوئِس تے تیڈی ماء یُونِیکے دا ہا، تے میکُوں یقین ہے جو اُوہو اِیمان تیڈا وی ہے۔

2 تِیمُتھِیُس 1:3

مَیں خُدا دا شُکر ادا کریندا ہاں جیندی عبادت مَیں آپنڑے پِیُو ڈاڈے دی طرحاں نیک نیّتی نال کریندا ہاں، تے تیکُوں ڈینہہ رات آپنڑیاں دُعاواں ءچ یاد کریندا ہاں۔

1 پطرس 3:21

اُوہو پانڑی بپتسمہ دو اِشارہ ہے جیہڑا یسُوع مسیح دے زندہ تھیوݨ دے وسیلے نال ہُنڑ تُہاکُوں بچیندے۔ ایہ نئیں جو تُہاڈے جِسم دی گندگی دھویج ویندی ہے بلکہ تُساں نیک نیّتی نال خُدا دے طالب تھی ویندے ہیوے۔

1 پطرس 3:16

تے آپنڑی نیّت صاف رکھو تاں جو تُہاڈے نیک چال چلنڑ دے بارے ءچ جیہڑا مسیح ءچ ہے، غلط بیانی کرݨ آلے آپنڑے اِلزام لاوݨ اُتے شرمندہ تھیوݨ۔

1 پطرس 1:22

تُساں سچائی دے تابع تھی تے آپنڑے آپ کُوں پاک کیتے، جیندی وجہ کنُوں بِھرانواں ءچ سچی محبت پیدا تھئی۔ اِیں واسطے آپس ءچ دل و جان نال محبت رکھو۔

2 پطرس 1:7

تے دینداری نال برادرانہ پیار تے برادرانہ پیار نال محبت ودھے۔

رومیوں 10:4

کیوں جو مسیح شریعت دی تکمیل ہے تے نتیجے ءچ ہر اِیمان گِھن آوݨ آلا راستباز کھڑایا ویندے۔

طِطُس 1:15

جیہڑے خود پاک ہِن اُنہاں کیتے سبھ چیزاں پاک ہِن، پر ناپاک تے اِیمان نہ رکھنڑ آلیاں کیتے کوئی چیز پاک نئیں، کیوں جو اُنہاں دی عقل تے دل ڈوہائیں ناپاک ہِن۔

1 تِیمُتھِیُس 3:9

او اِیمان دے راز کُوں نیک نیّتی نال محفوظ رکھنڑ۔

2کُرِنتھِیوں 1:12

ساکُوں آپنڑے ضمیر دی اِیں گواہی اُتے فخر ہے جو اساں دُنیا ءچ تے خاص طور تے تُہاڈے سامنڑے اُوں پاک دِلی تے سچائی نال زندگی گُزاری ہے جیہڑی خُدا دی طرفوں مِلدی ہے۔ ایہ ساڈی آپنڑی اِنسانی حِکمت نال نئیں بلکہ خُدا دے فضل نال تھئے۔

1 پطرس 4:8

سبھ تُوں اہم گالھ تاں ایہ ہے جو آپس ءچ گھاٹی محبت رکھو کیوں جو محبت بہُوں سارے گُناہاں اُتے پڑدہ پا ڈیندی ہے۔

یعقُوب 4:8

خُدا دے نیڑے آؤ تاں او تُہاڈے نیڑے آسی۔ گُنہگارو، آپنڑے ہتھاں کُوں صاف کر گِھنو۔ تے ڈُو دِلیو، آپنڑے دِلاں کُوں پاک کر گِھنو۔

اعمال 23:1

پولُس عدالت دے ارکان کُوں غور نال ڈیکھ تے آکھیا، ”میڈے بِھراؤ! مَیں اَج تئیں بہُوں نیک نیّتی نال خُدا دے حُکماں دے مطابق زندگی گُزریندا ریہا ہاں۔“

1 یُوحنّا 3:3

تے جیہڑا کوئی یسُوع تُوں ایہ اُمید رکھیندے، او آپنڑے آپ کُوں پاک رکھیندے، جِینویں او خود پاک ہے۔

عبرانیوں 10:22

اِیں واسطے آؤ اساں سچے دل تے پُورے اِیمان نال خُدا دے کولھ جُلوں، کیوں جو ساڈے دل خون دے چھِنڈکیاں نال گُناہ تُوں پاک کیتے گئے ہِن تے ساڈے بدن صاف پانڑی نال دھوتے گئے ہِن۔

1کُرِنتھِیوں 13:1

جے مَیں اِنساناں تے فرشتیاں دیاں زباناں بولاں پر محبت نہ رکھاں تاں مَیں صرف ٹن ٹن کریندا گھنٹا یا جھن جھن کریندی جھانجھ ہاں۔

رومیوں 14:15

جے تیڈے کوئی چیز کھاوݨ تُوں تیڈے بِھرا کُوں ڈُکھ پُجدے تاں وَل تُوں محبت دے اصُول اُتے نئیں ٹُردا۔ جِیں بندے کیتے مسیح آپنڑی جان قُربان کیتی تُوں اُونکُوں آپنڑے کھاوݨ نال ہلاک نہ کر۔

رومیوں 9:1

مَیں مسیح ءچ سچ آدھا ہاں، کُوڑ نئیں بُولیندا بلکہ میڈا ضمیر وی رُوح القُدس دے تابع تھی تے گواہی ڈیندے،

اعمال 24:16

اِیں واسطے میڈی تاں اِیہو کوشش راہندی ہے جو خُدا تے اِنسان ڈوہائیں دے سامنڑے میڈی نیّت نیک راہوے۔

اعمال 15:9

تے اِیمان دے وسیلہ نال اُنہاں دے دل پاک کر تے ساڈے ءچ تے اُنہاں ءچ کوئی فرق نئیں کیتا۔

متّی 12:35

چنگا بندہ آپنڑے دل دے چنگے خزانے ءچوں چنگیاں چیزاں کڈھیندے تے بُرا بندہ بُرے خزانے ءچوں بُریاں چیزاں کڈھیندے۔

متّی 5:8

مُبارک ہِن او جیہڑے پاک دل ہِن، کیوں جو او خُدا کُوں ڈیکھسن۔

1 یُوحنّا 3:23

تے اُوندا حُکم ایہ ہے جو اساں اُوندے پوتر یسُوع مسیح دے ناں اُتے اِیمان رکھوں تے اُوندے حُکم دے مطابق ہِک ڈُوجھے نال محبت رکھوں۔

عبرانیوں 13:18

ساڈے کیتے دُعا کریندے راہو۔ ساکُوں یقین ہے جو ساڈا دل صاف ہے تے اساں ہر لحاظ نال نیک زندگی گُزارݨ چاہندے ہیں۔

عبرانیوں 9:14

تاں مسیح دا خون جئیں ازلی رُوح القُدس دے وسیلے نال آپنڑے آپ کُوں خُدا دے حضُور ءچ ہِک بے عیب قُربانی دے طور تے پیش کر ڈِتا، تُہاڈے دل کُوں موت گِھن آوݨ آلے کماں تُوں کیوں نہ پاک کریسی تاں جو تُساں زندہ خُدا دی عبادت کر سگو۔

گلتِیوں 5:6

کیوں جو مسیح یسُوع ءچ ہوندے ہوئے ختنہ کراوݨ یا نہ کراوݨ دی کوئی اہمیت نئیں۔ صرف او اِیمان اہم ہے جیہڑا محبت کرݨ نال ظاہر تھیندے۔

رومیوں 12:9

محبت ڈِکھاوے دی نہ ہووے۔ بُرائی کنُوں نفرت رکھو۔ نیکی کُوں پکڑی رکھو۔

1 تِیمُتھِیُس 1:18

تِیمُتِھیُس میڈے پوتر، مَیں تیکُوں ایہ نصیحت اُنہاں پیشنگوئیاں دے مطابق کریندا ہاں جیہڑیاں تیڈے بارے ءچ کیتیاں گئیاں ہَن تاں جو تُوں اُنہاں دی مدد نال چنگی لڑائی لڑیں،

1 یُوحنّا 3:10

اِتُھوں پتہ چلدے جو کیہڑے خُدا دے فرزند ہِن تے کیہڑے ابلیس دے۔ جیہڑا نیک کم نئیں کریندا تے آپنڑے بِھرانواں نال محبت نئیں رکھیندا، او خُدا دا بندہ کائنی۔