1 تِیمُتھِیُس 1:20 - کِتاب مُقدّس سرائیکی ترجمہ

²⁰ اُنہاں ءچ ہُمِنِیُس تے سکندر وی ہِن، جِنہاں کُوں مَیں شیطان دے حوالے کر ڈِتے تاں جو او کُفر بَکنڑ کنُوں باز راہونڑا سِکھنڑ۔

1 تِیمُتھِیُس 1:20 Referans Kwoze

2 تِیمُتھِیُس 2:17

تے اُنہاں دا کلام کینسر وانگُوں کِھنڈ ویندے۔ ہُمِنِیُس تے فِلیتُس ایجھے ای لوکاں ءچوں ہِن۔

1کُرِنتھِیوں 11:32

پر خُداوند ساکُوں سزا ڈے تے ساڈی تربیت کریندے تاں جو اساں دُنیا دے نال مُجرم نہ بنڑوں۔

2تھِسّلُنیکیوں 3:15

پر اُونکُوں دُشمنڑ نہ سمجھو بلکہ بِھرا سمجھ تے نصیحت کرو۔

مُکاشفہ 3:19

مَیں جِنہاں نال پیار کریندا ہاں، اُنہاں کُوں ملامت کریندا تے سزا ڈے تے اُنہاں دی تربیت وی کریندا ہاں۔ اِیں واسطے ہوشیار تھی، تے توبہ کر۔

اعمال 19:33

ایہ ڈیکھ تے یہُودیاں اِسکندر کُوں مجمع ءچوں کڈھ تے اگُوں کر ڈِتا۔ اِسکندر لوکاں کُوں چُپ تھی ونجنڑ دا اِشارہ کیتا تاں جو او اُنہاں کُوں آپنڑی صفائی پیش کر سگے۔

مُکاشفہ 13:1

وَل مَیں ہِک حیوان کُوں سمندر ءچوں نِکلدے ڈِٹھا۔ اُوندے ڈاہ سینگ تے سَت سر ہَن تے سینگاں اُتے ڈاہ تاج ہَن۔ اُوندے ہر سر اُتے کُفر دے ناں لِکھے ہَن۔

2 تِیمُتھِیُس 3:2

لوک خود غرض، پیسیاں دے لالچی، شیخی مارݨ آلے، تکبر کرݨ آلے، چُغلی کرݨ آلے، ماء پِیُو دے نا فرمان، نا شُکرے، ناپاک،

2 تِیمُتھِیُس 2:14

ایہ گالھیں لوکاں کُوں یاد ڈیوا، تے خُداوند کُوں گواہ بنڑا تے اُنہاں کُوں تاکید کر جو لفظاں دے بارے ءچ تکرار نہ کرݨ کیوں جو اِیں تُوں کُجھ حاصل نئیں تھیندا بلکہ سُنڑݨ آلے وِگڑ ویندے ہِن۔

2کُرِنتھِیوں 10:6

تے جِیں ویلے تُہاڈی فرمانبرداری پُوری تھی ونجے تاں اساں ہر طرحاں دی نافرمانی دی سزا ڈیوݨ کیتے تیار ہوسُوں۔

اعمال 13:45

پر یہُودی اِتی بِھیڑ ڈیکھ تے حسد نال بھریج گئے تے پولُس دے گالھیں دی مخالفت کرݨ تے بُرا بھلا آکھنڑ لگے۔

2کُرِنتھِیوں 13:10

اِیں واسطے مَیں آپنڑی غیر موجودگی ءچ ایہ گالھیں لِکھدا پِیا ہاں تاں جو اُتھاں آ تے میکُوں اُوں اِختیار دے مطابق سختی نہ کرنڑی پووے جیہڑا خُداوند میکُوں تعمیر کرݨ کیتے ڈِتے نہ جو ڈھاوݨ کیتے۔

متّی 18:17

جے او اُنہاں دی وی نہ سُنڑے تاں کلیسیا کُوں ڈسا، تے جے او کلیسیا دی وی نہ سُنڑے تاں اُونکُوں محصُول گِھننڑ آلیاں تے غیر قوماں دے برابر جاݨ۔

1 تِیمُتھِیُس 5:15

کیوں جو کُجھ گُمراہ تھی تے شیطان دی پیروی کرݨ لگ گئیاں ہِن۔

عبرانیوں 12:5

کیا تُساں اُوں نصیحت کُوں بُھل گئے ہیوے جیہڑی تُہاکُوں فرزنداں وانگُوں کیتی گئی ہے جو ”میڈے پوتر، رب دی تربیت کُوں حقیر نہ سمجھ، تے جڈاں او تیکُوں ملامت کرے تاں بے دل نہ تھیویں۔