1 تِیمُتھِیُس 1:18 - کِتاب مُقدّس سرائیکی ترجمہ

¹⁸ تِیمُتِھیُس میڈے پوتر، مَیں تیکُوں ایہ نصیحت اُنہاں پیشنگوئیاں دے مطابق کریندا ہاں جیہڑیاں تیڈے بارے ءچ کیتیاں گئیاں ہَن تاں جو تُوں اُنہاں دی مدد نال چنگی لڑائی لڑیں،

1 تِیمُتھِیُس 1:18 Referans Kwoze

1 تِیمُتھِیُس 4:14

اُوں نعمت تُوں غافل نہ رہ جیہڑی تیکُوں پیشن گوئی دے ذریعے مِلی جڈاں جماعت دے بزُرگاں تیڈے اُتے آپنڑے ہتھ رکھے۔

1 تِیمُتھِیُس 6:20

تِیمُتِھیُس! اِیں امانت دی جیہڑی تیڈے سپُرد کیتی گئی ہے، حفاظت کر، تے بے ہُودہ گالھیں تے فضول خیالاں کنُوں کنارہ کر، کیوں جو ایجھے علم کُوں علم آکھنڑ ای غلط ہے۔

فِلِپّیوں 2:22

پر تُساں تاں جانڑدے ہیوے جو تِیمُتِھیُس بھروسے دے لائق ثابت تھئے کیوں جو جِینویں پوتر پِیُو نال کم کریندے، اُونویں ای اُوں میڈے نال رَل تے خوشخبری دی تبلیغ کرݨ دی خدمت کیتی ہے۔

2 تِیمُتھِیُس 4:7

مَیں چنگی لڑائی لڑ گِھدی ہے۔ مَیں دوڑ کُوں مُکا گِھدے تے اِیمان کُوں محفوظ رکھے۔

1 تِیمُتھِیُس 1:2

تِیمُتِھیُس دے ناں جیہڑا اِیمان دے لحاظ نال میڈے حقیقی پوتر وانگُوں ہے۔ تیکُوں خُدا باپ تے ساڈے خُداوند یسُوع مسیح دی طرفوں فضل، رحم تے اِطمینان حاصل تھیندا راہوے۔

2 تِیمُتھِیُس 1:2

ایہ خط پیارے پوتر تِیمُتِھیُس دے ناں ہے۔ ساڈے خُدا باپ تے خُداوند یسُوع مسیح دی طرفوں تیکُوں فضل، رحم تے اِطمینان حاصل تھیندا راہوے۔

1 تِیمُتھِیُس 4:4

خُدا دی پیدا کیتی ہوئی ہر ہِک چیز چنگی ہے تے جے شُکرگزاری نال کھادی ونجے تاں کہیں وی چیز تُوں اِنکار نئیں کرݨ چاہیدا،

فِلیمون 1:10

آپنڑے پوتر اُنیسمُس دے بارے ءچ تیکُوں مِنت کریندا ہاں، جِیندا مَیں قید ءچ رُوحانی لحاظ نال پِیُو بنڑیا۔

طِطُس 1:4

ایہ خط طِطُس دے ناں ہے جیہڑا اِیمان دی شراکت دے مطابق میڈا سچا فرزند ہے۔ تیکُوں خُدا باپ تے ساڈے نجات ڈیوݨ آلے مسیح یسُوع دی طرفوں فضل تے اِطمینان حاصل تھیندا راہوے۔

اعمال 16:1

پولُس دِربے تے وَل لُسترہ ءچ وی پُجیا، جِتھاں تِیمُتِھیُس ناں دا ہِک شاگرد ہا۔ اُوندی ماء تاں یہُودی ہئی جیہڑی مسیح اُتے اِیمان گِھن آئی ہئی پر اُوندا پِیُو یُونانی ہا۔

1کُرِنتھِیوں 4:17

اِیں واسطے مَیں تِیمُتِھیُس کُوں جیہڑا خُداوند یسُوع ءچ میڈا عزیز تے وفادار فرزند ہے، تُہاڈے کولھ بھجیندا پِیا ہاں۔ او تُہاکُوں میڈے او طریقے یاد ڈیویسی جِنہاں اُتے مَیں یسُوع مسیح ءچ ہوندے ہوئے عمل کریندا ہاں تے جیہڑے مَیں ہر جاہ تے ہر کلیسیا ءچ سکھیندا ہاں۔

1کُرِنتھِیوں 9:7

کیہڑا سپاہی آپنڑے خرچے اُتے جنگ کریندے؟ کیہڑا کِسان انگُور دا باغ لا تے انگُور نئیں کھاندا؟ یا کیہڑا آجڑی آپنڑا اِجڑ چرا تے، اُوندا کھیر نئیں پِیندا؟

1 تِیمُتھِیُس 1:5

میڈی اِیں نصیحت دا مقصد او محبت ہے جیہڑی پاک دِلی، نیک نیّتی تے حقیقی اِیمان نال پیدا تھیندی ہے۔