1تھِسّلُنیکیوں 5:15 - کِتاب مُقدّس سرائیکی ترجمہ

¹⁵ خبردار! کوئی بندہ کہیں نال بدی دے بدلے بدی نہ کرے بلکہ ہر حال ءچ آپس ءچ تے سبھ لوکاں نال نیکی کرݨ دی کوشش ءچ راہو۔

1تھِسّلُنیکیوں 5:15 Referans Kwoze

1 پطرس 3:9

بُرائی دے بدلے بُرائی نہ کرو، تے مندھے دا جواب مندھے نال نہ ڈیؤ بلکہ اِیندے بجائے ڈُوجھیاں کیتے برکت چاہو کیوں جو خُدا تُہاکُوں برکت دے وارث تھیوݨ کیتے سڈیا ہے۔

گلتِیوں 6:10

اِیں واسطے جئیں تئیں موقع مِلے اساں ساریاں نال نیکی کرُوں، خاص کر اہل ِ اِیمان نال۔

3 یُوحنّا 1:11

میڈے عزیز! بُرائی دی نئیں بلکہ نیکی دی راہ اُتے ٹُر۔ نیکی کرݨ آلا خُدا تُوں ہے تے جیہڑا بُرائی کریندے، اُوں خُدا کُوں اصلُوں نئیں پچھانڑیا۔

عبرانیوں 12:14

ہِک ڈُوجھے نال صُلح سلامتی نال راہو تے اُوں پاکیزگی دے طالب راہو، جیندے بغیر کوئی خُداوند کُوں نہ ڈیکھسی۔

1 پطرس 1:22

تُساں سچائی دے تابع تھی تے آپنڑے آپ کُوں پاک کیتے، جیندی وجہ کنُوں بِھرانواں ءچ سچی محبت پیدا تھئی۔ اِیں واسطے آپس ءچ دل و جان نال محبت رکھو۔

2 تِیمُتھِیُس 2:24

تے خُداوند دے خادم کُوں جھیڑا نئیں کرنڑا چاہیدا بلکہ او ساریاں نال نرمی نال پیش آوے، تعلیم ڈیوݨ دے لائق تے برداشت کرݨ آلا ہووے۔

1 تِیمُتھِیُس 6:11

پر تُوں خُدا دے بندے، اِنہاں کنُوں بھج تے راستبازی، دینداری، اِیمان، محبت، صبر تے نرم دِلی دا طالب تھی۔

طِطُس 3:2

کہیں دی بدگوئی نہ کرݨ، تکراری نہ ہووݨ بلکہ نرم دل ہووݨ تے سبھ لوکاں نال بہُوں حلیمی نال پیش آوݨ۔

1تھِسّلُنیکیوں 2:12

اساں ہر ہِک کُوں نصیحت تے تسلی ڈیندے ریہے تے سمجھیندے ریہے جو تُساں خُدا دے لائق زندگی گُزارو، جئیں تُہاکُوں آپنڑی بادشاہی تے جلال ءچ شریک تھیوݨ کیتے سڈیا ہے۔

اِفِسیوں 5:15

بس غور نال ڈیکھو جو تُساں کِینویں زندگی گُزریندے ہیوے، بے سمجھاں وانگُوں نئیں بلکہ سمجھداراں وانگُوں زندگی گُزارو۔

1کُرِنتھِیوں 14:1

محبت دے طالب راہو تے رُوحانی نعمتاں دی وی سِک رکھو، خاص طور تے نبُوّت کرݨ دی نعمت دی۔

1کُرِنتھِیوں 6:7

اصل ءچ تُہاڈی وڈی غلطی ایہ ہے جو تُساں آپس ءچ مقدمہ بازی کریندے ہیوے۔ کیا اِیں تُوں ظلم برداشت کرݨ چنگا نئیں؟ کیا اِیں تُوں نُقصان قبول کرݨ چنگا نئیں؟

رومیوں 14:19

آؤ اساں اُنہاں گالھیں دے طالب راہوں جیہڑیاں میل مِلاپ تے آپس دی ترقی دا سبب ہِن۔

رومیوں 12:9

محبت ڈِکھاوے دی نہ ہووے۔ بُرائی کنُوں نفرت رکھو۔ نیکی کُوں پکڑی رکھو۔

لُوقا 6:35

پر تُساں آپنڑے دُشمنڑاں نال محبت رکھو تے بھلائی کرو۔ تے واپس مِلنڑ دی اُمید دے بغیر قرضہ ڈیؤ، تاں تُہاڈا اجر وڈا ہوسی تے تُساں خُدا تعالیٰ دے فرزند ہوسو، کیوں جو او ناشُکریاں تے بداں اُتے وی مہربان ہے۔

متّی 5:39

پر مَیں تُہاکُوں ایہ آدھا ہاں جو شریر دا مُقابلہ نہ کرائے بلکہ جیہڑا کوئی تیڈی سجی گَلھ اُتے چاٹ مارے تاں ڈُوجھی وی اُوندے پاسے کر گِھن۔

1 پطرس 2:17

سبھ دی عزت کرو، آپنڑے اِیماندار بِھرانواں نال محبت رکھو۔ خُدا تُوں ڈرو تے بادشاہ دی عزت کرو۔

اِفِسیوں 5:33

بہرحال تُہاڈے ءچوں ہر پئے کُوں چاہیدے جو او آپنڑی ذال نال آپنڑے وانگُوں محبت رکھے تے ذال کُوں وی چاہیدے جو او آپنڑے پئے دی عزت کرے۔

1کُرِنتھِیوں 16:10

جے تِیمُتِھیُس پُج ونجے تاں خیال رکھائے جو او تُہاڈے کولھ بے فِکر ٹِکے کیوں جو او وی میڈے وانگُوں خُداوند دی خدمت کریندا پِیا ہے۔

مُکاشفہ 22:9

پر اُوں میکُوں آکھیا، ”خبردار! اِینویں نہ کر۔ مَیں وی تیڈے نال، تیڈے بِھرانواں نال جیہڑے نبی ہِن تے اُنہاں ساریاں نال جیہڑے اِیں کتاب دی نبُوّت دے گالھیں منیندے ہِن، خدمت کرݨ آلا ہاں۔ خُدا کُوں ای سجدہ کر۔“

مُکاشفہ 19:10

وَل مَیں اُونکُوں سجدہ کرݨ کیتے اُوندے پیراں ءچ ڈھے پِیا پر اُوں میکُوں آکھیا، ”خبردار! اِینویں نہ کر۔ مَیں وی تیڈے نال تے تیڈے بِھرانواں نال جیہڑے یسُوع دی گواہی ڈیوݨ اُتے قائم ہِن، خدمت کرݨ آلا ہاں۔ خُدا ای کُوں سجدہ کر کیوں جو یسُوع دی گواہی ڈیوݨ نبُوّت دی رُوح ہے۔“

1تھِسّلُنیکیوں 5:21

بلکہ ہر گالھ کُوں ازماؤ۔ جیہڑی چنگی ہووے اُونکُوں پکڑی راہو۔

اعمال 16:28

پر پولُس اُچی اواز ءچ آکھیا جو ”آپنڑے آپ کُوں کوئی نُقصان نہ پُچا کیوں جو اساں سارے اِتھائیں ہیں۔“