1تھِسّلُنیکیوں 5:11 - کِتاب مُقدّس سرائیکی ترجمہ

¹¹ اِیں واسطے تُساں ہِک ڈُوجھے دی حوصلہ افزائی کرو تے ترقی دا سبب بنڑو جِینویں جو تُساں کریندے وی ہیوے۔

1تھِسّلُنیکیوں 5:11 Referans Kwoze

اِفِسیوں 4:29

تُہاڈے مُنہ ءچوں کوئی گندی گالھ نہ نِکلے بلکہ صرف اُوہو گالھ نِکلے جیہڑی چنگی تے فائدہ مند ہووے تاں جو سُنڑݨ آلیاں کُوں وی اُوندے تُوں برکت مِلے۔

عبرانیوں 10:25

آپس ءچ میل جول رکھنڑ نہ چھوڑوں جِینویں کُجھ لوکاں دی عادت بنڑ گئی ہے بلکہ اساں ہِک ڈُوجھے کُوں مزید حوصلہ ڈیؤں خاص کر ایہ ڈیدھے ہوئے جو مسیح دے واپس آوݨ دا ڈینہہ نیڑے آندا پِیا ہے۔

رومیوں 15:2

ساڈے ءچوں ہر بندہ آپنڑے ہمسائے کُوں اُوندی بھلائی کیتے خوش کرے تاں جو اُوندی رُوحانی ترقی تھیوے۔

عبرانیوں 3:13

پر جئیں تئیں اَج دا ڈینہہ آکھیا ویندے، ہر روز ہِک ڈُوجھے کُوں نصیحت کریندے راہو تاں جو تُہاڈے ءچوں کوئی وی گُناہ دے دوکھے ءچ آ تے سخت دل نہ تھی ونجے۔

1تھِسّلُنیکیوں 4:18

اِیں واسطے تُساں اِنہاں گالھیں نال ہِک ڈُوجھے کُوں تسلی ڈِتا کرو۔

رومیوں 14:19

آؤ اساں اُنہاں گالھیں دے طالب راہوں جیہڑیاں میل مِلاپ تے آپس دی ترقی دا سبب ہِن۔

1کُرِنتھِیوں 14:12

اِینویں ای تُساں وی جیہڑے رُوحانی نعمتاں دی سِک رکھیندے ہیوے، اُنہاں نعمتاں ءچ ماہر بنڑݨ دی کوشش کرو جِنہاں نال کلیسیا دی ترقی تھیوے۔

اِفِسیوں 4:12

تاں جو مُقدّس لوک خدمت دے کم کرݨ دے قابل بنڑݨ تے اِینویں مسیح دے بدن دی ترقی تھیوے،

یہُوداہ 1:20

پر عزیزو! تُساں آپنڑے پاک اِیمان ءچ ترقی کر تے رُوح القُدس دی مدد نال دُعا کریندے راہو۔

اِفِسیوں 4:16

اُوندے وسیلے پُورا بدن آپنڑے ہر جوڑ دی مدد نال آپس ءچ جُڑ تے قائم راہندے تے ہر اَنگ دے آپنڑا آپنڑا کم کرݨ نال پُورا بدن محبت ءچ ودھدے تے ترقی کریندے۔

1کُرِنتھِیوں 10:23

”سبھ چیزاں جائز ہِن“ پر سبھ چیزاں مفید نئیں۔ سبھ چیزاں جائز تاں ہِن پر سبھ چیزاں ترقی دا سبب نئیں۔

2 پطرس 1:12

اِیں واسطے مَیں تُہاکُوں ایہ گالھیں ہمیشاں یاد ڈیویندا راہساں بھانویں تُساں اُنہاں کنُوں واقف ہیوے تے اُوں سچائی اُتے قائم ہیوے جیہڑی تُہاکُوں مِلی ہے۔

2کُرِنتھِیوں 12:19

کیا تُساں ہُنڑ تئیں اِیہو سمجھدے ہیوے جو اساں تُہاڈے سامنڑے آپنڑا دفاع پیش کریندے ہیں؟ اساں تاں مسیح دے بندے ہوندے ہوئے خُدا کُوں حاضر جاݨ تے بُولیندے ہیں تے عزیزو، اساں جیہڑا کُجھ وی کریندے ہیں او تُہاڈی ترقی کیتے کریندے ہیں۔

1کُرِنتھِیوں 14:29

نبیاں ءچوں ڈُو یا ترے کلام کرݨ تے باقی اُنہاں دے کلام کُوں پرکھنڑ۔

رومیوں 15:14

میڈے بِھراؤ! میکُوں تُہاڈے بارے ءچ یقین ہے جو تُساں خود وی نیکی تے علم نال بھریج گئے ہیوے تے ہِک ڈُوجھے کُوں نصیحت کرݨ دے قابل وی ہیوے۔

1 تِیمُتھِیُس 1:4

تے فرضی کہانڑیاں تے ختم نہ تھیوݨ آلے شِجریاں اُتے غور نہ کرݨ۔ ایجھے گالھیں جھیڑے پیدا کریندیاں ہِن تے خُدا دے کم کُوں پُورا نئیں کریندیاں جیہڑا اِیمان نال کیتا ویندے۔

1تھِسّلُنیکیوں 4:10

تے تُساں مَکِدُنیہ دے سبھ بِھرانواں نال محبت کریندے ہیوے۔ وَل وی بِھراؤ! اساں تُہاکُوں نصیحت کریندے ہیں جو اِیندے ءچ بِیا وی ترقی کریندے راہو۔

1کُرِنتھِیوں 14:5

مَیں چاہندا ہاں جو تُساں سارے غیر زباناں ءچ گالھیں کرو پر اِیں تُوں زیادہ ایہ چاہندا ہاں جو نبُوّت کرو۔ جے غیر زباناں بولنڑ آلا کلیسیا دی ترقی کیتے ترجمہ نہ کرے تاں نبُوّت کرݨ آلا اُوں کنُوں وڈا ہے۔