1تھِسّلُنیکیوں 4:8 - کِتاب مُقدّس سرائیکی ترجمہ

⁸ اِیں واسطے جیہڑا ایہ ہدایت نئیں منیندا او اِنسان کُوں نئیں بلکہ خُدا کُوں رَد کریندے، جیہڑا تُہاکُوں رُوح القُدس عطا کریندے۔

1تھِسّلُنیکیوں 4:8 Referans Kwoze

1 یُوحنّا 3:24

جیہڑا کوئی خُدا دے حُکماں اُتے عمل کریندے، او خُدا ءچ قائم راہندے تے خُدا اُوندے ءچ۔ تے اساں جانڑدے ہیں جو خُدا ساڈے ءچ اُوں رُوح القُدس دے ذریعے جیہڑا اُوں ساکُوں بخشیا ہے، قائم راہندے۔

لُوقا 10:16

جیہڑا کوئی تُہاڈی سُنڑدے او میڈی سُنڑدے، تے جیہڑا تُہاکُوں نئیں منیندا او میکُوں نئیں منیندا، تے جیہڑا میکُوں نئیں منیندا او میڈے بھیجنڑ آلے کُوں نئیں منیندا۔“

یُوحنّا 12:48

جیہڑا کوئی میڈے اُتے اِیمان نئیں رکھیندا تے میڈے گالھیں کُوں قبول نئیں کریندا، ہِک ہے جیہڑا اُوندی عدالت کریسی یعنی جیہڑا کلام مَیں کیتے، آخری ڈینہہ اُوہو اُونکُوں سزا دے لائق کھڑیسی۔

2 پطرس 1:21

کیوں جو نبُوّت دی کوئی گالھ اِنسان دی خواہش نال کڈھائیں نئیں تھئی بلکہ بندے رُوح القُدس دی تحریک دے سببّوں خُدا دی طرفوں بُولیندے ہَن۔

یہُوداہ 1:8

اِیندے باوجود ایہ لوک آپنڑی خوش فہمی ءچ رہ تے آپنڑے جِسم کُوں ناپاک کریندے ہِن، ہر اِختیار کُوں حقیر جانڑدے ہِن تے جلالی ہستیاں دی توہین کریندے ہِن۔

گلتِیوں 4:6

کیوں جو تُساں پوتر ہیوے اِیں واسطے خُدا آپنڑے پوتر دا رُوح القُدس ساڈے دِلاں ءچ بھیجیا تے او ”ابّا“ یعنی ”باپ“ آکھ تے سڈیندا راہندے۔

1کُرِنتھِیوں 7:40

پر میڈی رائے ایہ ہے جو جے او بیوہ ای راہوے تاں زیادہ خوش راہسی تے مَیں سمجھدا ہاں جو خُدا دا رُوح القُدس میڈے ءچ وی ہے۔

رومیوں 5:5

ایجھی اُمید ساکُوں مایوس نئیں کریندی کیوں جو رُوح القُدس جیہڑا ساکُوں بخشیا گِیا ہے اُوں ساڈے دِلاں کُوں خُدا دی محبت نال بھر ڈِتے۔

1 پطرس 1:12

رُوح القُدس نبیاں اُتے ایہ ظاہر کیتا جو ایہ گالھیں کریندے ہوئے او آپنڑی نئیں بلکہ تُہاڈی خدمت کریندے پئے ہِن تے ہُنڑ خوشخبری دی تبلیغ کرݨ آلیاں، اسمان کنُوں بھیجے ہوئے رُوح القُدس دی قُدرت نال تُہاکُوں ایہ گالھیں ڈسائیاں۔ ایہ گالھیں ایجھیاں ہِن جو فرشتے وی اِنہاں کُوں سمجھنڑ دی بہُوں سِک رکھیندے ہِن۔

1کُرِنتھِیوں 2:10

پر اساں اُتے خُدا اُنہاں کُوں رُوح القُدس دے وسیلے نال ظاہر کیتا، کیوں جو رُوح القُدس ہر گالھ، اِتُھوں تئیں جو خُدا دے گہرے راز دے گالھیں وی جانڑدے۔

اعمال 13:41

’حقارت کرݨ آلیو! ڈیکھو، حیران تھیؤ تے ہلاک تھی ونجو کیوں جو مَیں تُہاڈے زمانے ءچ ہِک کم کرݨ آلا ہاں ایجھا کم جیندی خبر سُنڑ تے وی تُہاکُوں کڈھائیں یقین نہ آسی‘۔“

2کُرِنتھِیوں 1:22

تے اُوں ساڈے اُتے آپنڑی مُہر وی کیتی تے رُوح القُدس کُوں آپنڑیاں برکتاں دے بیعانہ دے طور تے ساڈے دِلاں ءچ پاتا۔