1تھِسّلُنیکیوں 4:3 - کِتاب مُقدّس سرائیکی ترجمہ

³ خُدا دی مرضی ایہ ہے جو تُساں پاک راہو تے زِناکاری کنُوں بچے راہو۔

1تھِسّلُنیکیوں 4:3 Referans Kwoze

1 پطرس 4:2

ہُنڑ او دُنیا ءچ آپنڑی باقی زندگی اِنسانی بُریاں خواہشاں دے مطابق نئیں بلکہ خُدا دی مرضی دے مطابق گُزارے۔

1تھِسّلُنیکیوں 5:23

خُدا جیہڑا اِطمینان دا سر چشمہ ہے آپ ای تُہاکُوں مکمل طور تے پاک کرے۔ تے تُہاڈی رُوح، جان تے تُہاڈے جِسم خُداوند یسُوع مسیح دے آوݨ تئیں بے عیب تے محفوظ راہوݨ۔

رومیوں 12:2

اِیں دُنیا دے طور طریقے اِختیار نہ کرو بلکہ سوچ نوِیں تھی ونجنڑ دے سببّوں تُساں وی بدل ونجو، تاں جو تُساں خُدا دی نیک، پسندیدہ تے کامِل مرضی کُوں تجربے نال جاݨ سگو۔

عبرانیوں 13:4

شادی کرݨ سبھ لوکاں ءچ عزت دی گالھ سمجھی ونجے تے میاں بیوی دا رشتہ بے داغ راہوے، کیوں جو خُدا حرام کاراں تے زِنا کاراں دی عدالت کریسی۔

اِفِسیوں 5:17

اِیں واسطے بے سمجھ نہ بنڑو بلکہ خُداوند دی مرضی معلوم کرو جو او کیا ہے۔

کلُسِّیوں 3:5

بس تُساں آپنڑیاں دُنیاوی خواہشاں کُوں ختم کر ڈیؤ یعنی زِنا کاری، ناپاکی، شہوت پرستی، بُریاں خواہشاں تے لالچ کُوں جیہڑا بُت پرستی دے برابر ہے۔

1تھِسّلُنیکیوں 4:4

تے تُہاڈے ءچوں ہر ہِک پاک تے باعزت طریقے نال آپنڑے جِسم کُوں قابو ءچ رکھنڑ جانڑے۔

گلتِیوں 5:19

نفسانی کم تاں صاف ظاہر ہِن یعنی، زِناکاری، ناپاکی، شہوت پرستی،

1 یُوحنّا 2:17

دُنیا تے اُوندیاں خواہشاں ڈوہائیں ختم تھی ویندیاں ہِن پر جیہڑا خُدا دی مرضی اُتے ٹُردے، او ہمیشاں تئیں قائم راہندے۔

متّی 7:21

میکُوں ’مالک! مالک!‘ آکھنڑ آلا ہر بندہ اسمان دی بادشاہی ءچ داخل نہ تھیسی، پر اُوہو جیہڑا میڈے اسمانی باپ دی مرضی اُتے ٹُردے۔

مُکاشفہ 21:8

پر بُزدلاں، غیر اِیمانداراں، گندے کم کرݨ آلیاں، قاتلاں، حرام کاراں، جادُوگراں، بُت پرستاں تے سبھ کُوڑیاں دی جاہ بھاہ تے گندھک نال سڑن آلی جھیل ہوسی۔ ایہ ڈُوجھی موت ہے۔“

2تھِسّلُنیکیوں 2:13

پر بِھراؤ تے خُداوند دے پیاریو! تُہاڈے کیتے خُدا دا شُکر کریندے راہوݨ ساڈے اُتے فرض ہے کیوں جو اُوں تُہاکُوں شروع کنُوں ای چُنڑ گِھدے جو تُساں رُوح القُدس دے ذریعے پاکیزگی حاصل کر تے، تے حق اُتے اِیمان گِھن آ تے نجات پاؤ۔

عبرانیوں 10:36

تُہاکُوں وڈے صبر نال کم گِھننڑا چاہیدے تاں جو تُساں خُدا دی مرضی پُوری کر تے او چیز حاصل کر سگو جِیندا اُوں وعدہ کیتے۔

اِفِسیوں 6:6

آدمیاں کُوں خوش کرݨ آلیاں آلی کار صرف ڈِکھاوے کیتے خدمت نہ کرو بلکہ مسیح دے خدمت گُزار ہوندے ہوئے دل نال خُدا دی مرضی پُوری کرو۔

1کُرِنتھِیوں 7:2

پر حرام کاری کنُوں بچنڑ کیتے ہر مرد کُوں چاہیدے جو اُوندی ذال ہووے تے ہر عورت کُوں چاہیدے جو اُوندا پایا ہووے۔

اعمال 15:29

جو تُساں بُتاں دیاں قُربانیاں دے گوشت، خون تے گلا گُھٹ تے مارے ہوئے جانوراں دے گوشت تے حرام کاری کنُوں پرہیز کرو۔ جے تُساں آپنڑے آپ کُوں اِنہاں چیزاں کنُوں بچائی رکھیسو تاں چنگا کریسو۔ والسّلام۔

1تھِسّلُنیکیوں 5:18

ہر گالھ ءچ شُکرگزاری کرو کیوں جو مسیح یسُوع ءچ تُہاڈے کیتے خُدا دی اِیہو مرضی ہے۔

مرقس 3:35

کیوں جو جیہڑا کوئی خُدا دی مرضی اُتے چلدے اُوہو میڈا بِھرا، میڈی بھینڑ تے میڈی ماء ہے۔“

1 پطرس 1:2

خُدا باپ تُہاکُوں ازلی علم دے مطابق چُنڑ گِھدا تے اُوندے رُوح تُہاکُوں مخصوص تے مُقدّس کیتا۔ نتیجے ءچ تُساں یسُوع مسیح دی فرمانبرداری کریندے ہیوے تے اُوندے چِھنڈکے گئے خون نال پاک صاف تھی گئے ہیوے۔ تُہاکُوں ڈھیر سارا فضل تے اِطمینان حاصل تھیندا راہوے۔

عبرانیوں 13:21

تُہاکُوں ہر چنگی شے ڈیوے تاں جو تُساں اُوندی مرضی پُوری کر سگو، تے جیہڑا کُجھ اُوندی نظر ءچ پسندیدہ ہے، او یسُوع مسیح دے وسیلے نال ساڈے ءچ پیدا کرے۔ مسیح دی تعریف ہمیشاں تئیں تھیندی راہوے۔ آمین۔

طِطُس 2:14

مسیح آپنڑے آپ کُوں ساڈی خاطر ڈے ڈِتا تاں جو ساڈا فِدیہ ڈے تے ساکُوں ہر طرحاں دی بدکاری کنُوں چُھڑا گِھنے، تے ساکُوں پاک کر تے آپنڑے کیتے ہِک ایجھی اُمت بنڑا گِھنے جیہڑی نیک کم کرݨ ءچ سرگرم راہوے۔

کلُسِّیوں 1:9

اِیں واسطے جئیں ڈینہہ تُوں اساں ایہ سُنڑیا ہے، اساں تُہاڈے کیتے دُعا کریندے پئے ہیں۔ ساڈی درخاست ہے جو خُدا تُہاکُوں ساری حِکمت تے رُوحانی سمجھ دے ذریعے، آپنڑی مرضی دے علم نال بھر ڈیوے،

2کُرِنتھِیوں 12:21

میکُوں ڈر ہے جو جِیں ویلے مَیں آساں تاں خُدا تُہاڈے سامنڑے میکُوں شرمندہ کریسی تے میکُوں بہُوں سارے لوکاں دے سببّوں افسوس کرنڑا پوسی جِنہاں پہلے ای گُناہ کیتے ہِن تے ہُنڑ وی آپنڑی ناپاکی، زِناکاری تے عیاشی کنُوں جیہڑی اُنہاں کیتی توبہ نئیں کیتی۔

1کُرِنتھِیوں 1:30

پر ایہ خُدا دی طرفوں ہے جو تُساں مسیح یسُوع ءچ ہیوے جیہڑا ساڈے کیتے حِکمت بنڑیا یعنی راستبازی، پاکیزگی تے مخلصی۔

اعمال 26:18

جو تُوں اُنہاں دے اکھیں کھولیں تاں جو او اندھارے کنُوں روشنی دو تے شیطان دے اِختیار کنُوں خُدا دو رجُوع گِھن آوݨ، تے میڈے اُتے اِیمان گِھن آ تے گُناہاں دی معافی پاوݨ، تے خُدا دے پاک لوکاں ءچ شریک تھی تے میراث حاصل کرݨ۔‘

یُوحنّا 4:34

یسُوع اُنہاں کُوں آکھیا، ”میڈا کھانڑا ایہ ہے جو مَیں آپنڑے بھیجنڑ آلے دی مرضی پُوری کراں تے اُوندا کم پُورا کراں۔

متّی 15:19

کیوں جو بُرے خیال، قتل، زِنا کاریاں، حرامکاریاں، چوریاں، کُوڑے گواہیاں، بدگوئیاں دل کنُوں ای نِکلدیاں ہِن۔

متّی 12:50

کیوں جو جیہڑا کوئی میڈے اسمانی باپ دی مرضی اُتے چلدے اُوہو میڈا بِھرا تے میڈی بھینڑ تے میڈی ماء ہے۔“

کلُسِّیوں 4:12

اِپَفراس جیہڑا تُہاڈے ءچوں ہے تے مسیح یسُوع دا خادم ہے تُہاکُوں سلام آدھے۔ او بہُوں محنت نال تُہاڈے کیتے دُعا کریندے جو تُساں خُدا دی پُوری مرضی ءچ کامِل تے پُورے اعتقاد نال ثابت قدم راہو۔

رومیوں 6:22

پر ہُنڑ گُناہ دی غُلامی کنُوں آزاد تھی تے خُدا دی غُلامی ءچ آ گئے ہیوے۔ تے تُہاکُوں اِیندا پھل مِلدا پئے جئیں تُوں پاکیزگی حاصل تھیندی ہے تے جِیندا انجام ہمیشاں دی زندگی ہے۔

اعمال 20:32

ہُنڑ مَیں تُہاکُوں خُدا تے اُوندے فضل دے کلام دے سپُرد کریندا ہاں جیہڑا تُہاڈے اِیمان دی ترقی دا سبب بنڑ سگدے تے تُہاکُوں سارے مُقدّساں ءچ شامل کر تے میراث دا حقدار بنڑا سگدے۔

اعمال 15:20

پر اُنہاں کُوں خط لِکھ تے ایہ ڈساؤں جو او بُتاں کُوں نذر کیتیاں ہوئیاں چیزاں تے حرام کاری تے گَل گُھٹ تے مارے ہوئے جانوراں تے خون کنُوں پرہیز کرݨ۔

یُوحنّا 7:17

جے کوئی اُوندی مرضی اُتے چلنڑ چاہوے تاں او اِیں تعلیم دے بارے ءچ جاݨ گِھنسی جو خُدا دی طرفوں ہے یا مَیں آپنڑے کولُھوں آدھا ہاں۔

عبرانیوں 12:16

خبردار، نہ کوئی زِناکار ہووے یا نہ عیسو وانگُوں بے دین، جئیں ہِک وقت دے کھانڑے کیتے آپنڑے پلیٹھی دے حق کُوں ویچ ڈِتا۔

رومیوں 1:29

او ہر طرحاں دی ناراستی، بدی، لالچ، ناانصافی، حسد، قتل، جھیڑے، فریب تے بُغض نال بھریج گئے۔ او چغلی کرݨ آلے،

مُکاشفہ 22:15

پر کُتے، جادُوگر، حرام کار، خونی، بُت پرست، کُوڑی گالھ گھڑن تے پسند کرݨ آلے باہر راہسن۔

متّی 5:32

پر مَیں تُہاکُوں ایہ آدھا ہاں جو جیہڑا کوئی آپنڑی ذال کُوں بدکاری دے سِوا کہیں بئی وجہ کنُوں طلاق ڈیندے اوہ اُوندے تُوں زِنا کرویندے، تے جیہڑا کوئی اُوں طلاق شدہ عورت نال شادی کریندے او زِنا کریندے۔

1تھِسّلُنیکیوں 4:2

کیوں جو تُساں جانڑدے ہیوے جو اساں خُداوند یسُوع دی طرفوں تُہاکُوں کیا کیا حُکم ڈِتے۔