1تھِسّلُنیکیوں 4:12 - کِتاب مُقدّس سرائیکی ترجمہ

¹² اِینویں تُساں باہر آلیاں دے سامنڑے عزت دی زندگی گُزریسو تے کہیں چیز دے مُتھاج نہ راہسو۔

1تھِسّلُنیکیوں 4:12 Referans Kwoze

کلُسِّیوں 4:5

ہر موقع کُوں چنگی طرح استعمال کریندے ہوئے غیر اِیمانداراں نال ہوشیاری نال پیش آؤ۔

1 پطرس 2:12

غیر قوماں ءچ آپنڑا چال چلنڑ ایجھا نیک رکھو جو بیشک او تُہاڈے اُتے بدکار ہووݨ دے اِلزام لیندن پر تُہاڈے نیک کماں کُوں ڈیکھ تے عدالت دے ڈینہہ خُدا دی حمد کرݨ۔

رومیوں 12:17

بُرائی دا جواب بُرائی نال نہ ڈیؤ۔ دھیان نال او کم کرو جیہڑا ساریاں دی نِگاہ ءچ چنگا ہووے۔

1 تِیمُتھِیُس 3:7

تے او غیر اِیمانداراں ءچ وی نیک ناں ہووے، اِینویں نہ تھیوے جو کوئی اُونکُوں بُرا بھلا آکھے تے او ابلیس دے پھندے ءچ پَھس ونجے۔

رومیوں 13:13

اساں حیادار زندگی گُزاروں جِینویں لوک ڈینہہ دی روشنی ءچ کریندے ہِن۔ اِیں واسطے ساڈے ءچ نچنڑ ٹپنڑ، نشہ بازی، زِناکاری، شہوت پرستی، جھیڑے تے حسد وغیرہ نہ ہووے۔

مرقس 4:11

اُوں اُنہاں کُوں آکھیا جو ”تُہاڈے اُتے خُدا دی بادشاہی دا راز ظاہر کیتا گِیا ہے پر باہر آلیاں کیتے سارے گالھیں مثالاں ءچ آکھیاں ویندیاں ہِن تاں جو،

1تھِسّلُنیکیوں 5:22

ہر طرحاں دی بدی کنُوں دُور راہو۔

1 پطرس 3:1

ذالو! اِینویں ای تُساں وی آپنڑے پایاں دے تابع راہو۔ وَل بھانویں اُنہاں ءچوں کُجھ خُدا دے کلام کُوں نہ منیندے ہووݨ، او آپنڑی ذال دا چال چلنڑ ڈیکھ تے اِیمان دو آ ویسن۔ اُنہاں کُوں کُجھ آکھنڑ دی ضرورت نہ ہوسی،

فِلِپّیوں 4:8

بِھراؤ، آخری گالھ ایہ ہے جو جِتّی گالھیں سچیاں ہِن، جِتّی گالھیں شرافت دیاں ہِن، جِتّی گالھیں اِنصاف دیاں ہِن، جِتّی گالھیں پاک ہِن تے جِتّی گالھیں سوہنڑیاں تے چنگیاں لگدیاں ہِن یعنی جِتّی گالھیں نیک تے تعریف دے لائق ہِن، اُنہاں اُتے غور کریندے راہو۔

اِفِسیوں 4:28

چوری کرݨ آلا اگُوں تے چوری نہ کرے بلکہ آپنڑے ہتھاں نال محنت کر تے کوئی چنگا کم کرے تاں جو مُتھاجاں دی مدد کرݨ کیتے اُوندے کولھ کُجھ ہووے۔