1تھِسّلُنیکیوں 2:6 - کِتاب مُقدّس سرائیکی ترجمہ

⁶ اساں آدمیاں دی تعریف دے مُتھاج نئیں نہ ای تُہاڈی نہ بئے دی، بھانویں اساں مسیح دے رسُول ہووݨ دی حیثیت نال تُہاڈے اُتے آپنڑا بھار سَٹ سگدے ہسے۔

1تھِسّلُنیکیوں 2:6 Referans Kwoze

گلتِیوں 1:10

کیا مَیں ایہ کوشش کریندا پِیا ہاں جو لوک میکُوں پسند کرݨ یا خُدا میکُوں پسند کرے؟ کیا مَیں آدمیاں کُوں خوش کرݨ چاہندا ہاں؟ جے ہُنڑ تئیں آدمیاں کُوں خوش کرݨ دی کوشش ءچ لگا راہندا تاں مسیح دا خادم نہ ہوندا۔

1تھِسّلُنیکیوں 2:9

بِھراؤ! ساڈی او سخت محنت تُہاکُوں ضرور یاد آندی ہوسی۔ اساں خُدا دی خوشخبری سُنڑیندے ہوئے ڈینہہ رات آپنڑے ہتھاں نال کم کریندے ہسے تاں جو کہیں اُتے بھار نہ بنڑوں۔

یُوحنّا 5:44

تُساں ہِک ڈُوجھے کنُوں عزت چاہندے ہیوے، تے جیہڑی عزت خُدائے واحد دی طرفوں مِلدی ہے اُونکُوں حاصل کرݨ نئیں چاہندے۔ تُساں کِینویں اِیمان گِھن آ سگدے ہیوے؟

یُوحنّا 5:41

مَیں اِنساناں کنُوں عزت نئیں چاہندا

1 تِیمُتھِیُس 5:17

جیہڑے بزُرگ چنگی راہنمائی کریندے ہِن، خاص کر او جیہڑے کلام سُنڑیندے تے تعلیم ڈیندے ہِن، ڈُونڑی عزت دے حقدار ہِن۔

گلتِیوں 5:26

اساں غیر مناسب فخر، ہِک ڈُوجھے کُوں بھڑکاوݨ تے ہِک ڈُوجھے کنُوں حسد کرݨ چھوڑ ڈیؤں۔

2کُرِنتھِیوں 13:10

اِیں واسطے مَیں آپنڑی غیر موجودگی ءچ ایہ گالھیں لِکھدا پِیا ہاں تاں جو اُتھاں آ تے میکُوں اُوں اِختیار دے مطابق سختی نہ کرنڑی پووے جیہڑا خُداوند میکُوں تعمیر کرݨ کیتے ڈِتے نہ جو ڈھاوݨ کیتے۔

2کُرِنتھِیوں 4:5

کیوں جو اساں آپنڑی نئیں بلکہ مسیح یسُوع دی تبلیغ کریندے ہیں جو اُوہو خُداوند ہے تے آپنڑے بارے ءچ ایہ آدھے ہیں جو یسُوع دی خاطر اساں تُہاڈی خدمت کرݨ آلے ہیں۔

1کُرِنتھِیوں 11:9

تے مرد عورت دی خاطر نئیں بلکہ عورت مرد دی خاطر پیدا کیتی گئی۔

یُوحنّا 12:43

کیوں جو او اِنسان تُوں عزت پاوݨ، خُدا تُوں عزت پاوݨ کنُوں زیادہ پسند کریندے ہَن۔

یُوحنّا 7:18

جیہڑا آپنڑے کولُھوں کُجھ آدھے او آپنڑی عزت چاہندے پر جیہڑا آپنڑے بھیجنڑ آلے دی عزت چاہندے او سچا ہے تے اُوندے ءچ بُرائی نئیں۔

گلتِیوں 6:13

کیوں جو ختنہ کراوݨ آلے خود وی شریعت اُتے عمل نئیں کریندے، پر تُہاڈا ختنہ کراوݨ چاہندے ہِن تاں جو او تُہاڈی جِسمانی حالت اُتے فخر کر سگنڑ۔