1تھِسّلُنیکیوں 2:4 - کِتاب مُقدّس سرائیکی ترجمہ

⁴ بلکہ جِینویں خُدا ساکُوں مقبول بندے سمجھ تے خوشخبری ساڈے سپُرد کیتی ہے، اُونویں ای اساں خوشخبری بیان کریندے ہیں۔ اساں آدمیاں کُوں نئیں بلکہ خُدا کُوں خوش کرݨ چاہندے ہیں جیہڑا ساڈے دِلاں کُوں پرکھدے۔

1تھِسّلُنیکیوں 2:4 Referans Kwoze

گلتِیوں 1:10

کیا مَیں ایہ کوشش کریندا پِیا ہاں جو لوک میکُوں پسند کرݨ یا خُدا میکُوں پسند کرے؟ کیا مَیں آدمیاں کُوں خوش کرݨ چاہندا ہاں؟ جے ہُنڑ تئیں آدمیاں کُوں خوش کرݨ دی کوشش ءچ لگا راہندا تاں مسیح دا خادم نہ ہوندا۔

رومیوں 8:27

تے او جیہڑا ساڈے دِلاں کُوں پرکھدا ہے رُوح القُدس دی سوچ کُوں جانڑدے کیوں جو رُوح القُدس خُدا دی مرضی دے مطابق مُقدّساں دی شفاعت کریندے۔

گلتِیوں 2:7

بلکہ اُنہاں ڈِٹھا جو جِینویں یہُودیاں کُوں خوشخبری سُنڑاوݨ دا کم پطرس دے سپُرد کیتا گِیا ہا، اُونویں ای غیر یہُودیاں کُوں خوشخبری سُنڑاوݨ دا کم میڈے سپُرد کیتا گئے۔

2 تِیمُتھِیُس 1:14

تے رُوح القُدس دی مدد نال جیہڑا ساڈے ءچ وسدا پئے، اُوں چنگی امانت دی حفاظت کر جیہڑی تیڈے سپُرد کیتی گئی ہے۔

اِفِسیوں 6:6

آدمیاں کُوں خوش کرݨ آلیاں آلی کار صرف ڈِکھاوے کیتے خدمت نہ کرو بلکہ مسیح دے خدمت گُزار ہوندے ہوئے دل نال خُدا دی مرضی پُوری کرو۔

طِطُس 1:3

پر ہُنڑ اُوں آپنڑے مقرر کیتے وقت اُتے آپنڑے کلام دی تبلیغ دے ذریعے اُونکُوں ظاہر کیتا۔ اِیں تبلیغ دا کم ساڈے نجات ڈیوݨ آلے خُدا دے حُکم نال میڈے سپُرد کیتا گئے۔

اِفِسیوں 3:8

بھانویں میں مُقدّساں ءچوں ساریاں کنُوں چھوٹا ہاں، وَل وی میڈے اُتے ایہ فضل تھئے جو مَیں غیر قوماں کُوں مسیح دی بے حد دولت دی خوشخبری سُنڑاواں،

2کُرِنتھِیوں 4:2

اساں شرم دے لُکے گالھیں کُوں چھوڑ ڈِتے۔ نہ اساں مکاری کریندے ہیں تے نہ ای خُدا دے کلام ءچ ملاوٹ کریندے ہیں۔ بلکہ سچائی کُوں ظاہر کر تے خُدا دے حضُور ہر بندے دے دل ءچ آپنڑے آپ کُوں نیک ظاہر کریندے ہیں۔

1کُرِنتھِیوں 9:17

جے مَیں آپنڑی مرضی نال تبلیغ کریندا ہاں تاں وَل میڈے کیتے اجر ہے پر میں ایہ آپنڑی مرضی نال نئیں کریندا بلکہ خُدا ایہ ذمہ داری میڈے سپُرد کیتی ہے۔

لُوقا 16:11

بس جِیں ویلے تُساں دُنیاوی دولت دے معاملے ءچ وی دیانتدار ثابت نہ تھئے تاں حقیقی دولت کوݨ تُہاڈے حوالے کریسی؟

مُکاشفہ 2:23

ہا، مَیں اُوں عورت دے فرزنداں کُوں جان کنُوں مار ڈیساں۔ وَل ساریاں کلیسیاواں کُوں پتا لگ ویسی جو مَیں ای ہاں جیہڑا دِلاں تے ذہناں کُوں پرکھدا ہاں تے مَیں تُہاڈے ءچوں ہر ہِک کُوں اُوندے کماں دے مطابق بدلہ ڈیساں۔

عبرانیوں 4:13

کائنات دی کوئی چیز خُدا دی نظر کنُوں لُکی ہوئی نئیں، بلکہ جیندے حضُور ءچ ساکُوں جواب ڈیونڑے، اُوندی نظر ءچ ہر چیز بے نقاب تے ظاہر ہے۔

1 تِیمُتھِیُس 6:20

تِیمُتِھیُس! اِیں امانت دی جیہڑی تیڈے سپُرد کیتی گئی ہے، حفاظت کر، تے بے ہُودہ گالھیں تے فضول خیالاں کنُوں کنارہ کر، کیوں جو ایجھے علم کُوں علم آکھنڑ ای غلط ہے۔

کلُسِّیوں 3:22

نوکرو، آپنڑے دُنیاوی مالکاں دے ہر گالھ ءچ فرمانبردار راہو، لوکاں کُوں خوش کرݨ آلیاں آلی کار صرف ڈِکھاوے کیتے نئیں بلکہ خلوص دِلی تے خُدا دے خوف نال۔

2کُرِنتھِیوں 5:11

اساں خُداوند دے خوف کُوں سامنڑے رکھ تے ڈُوجھیاں کُوں سمجھاوݨ دی کوشش کریندے ہیں۔ خُدا دے اگُوں ساڈی حقیقت ظاہر ہے تے میکُوں اُمید ہے جو تُساں وی ساکُوں چنگی طرحاں جانڑدے ہوسو۔

2 تِیمُتھِیُس 2:2

تے جیہڑے گالھیں تُوں میڈے کنُوں بہُوں سارے گواہاں دی موجودگی ءچ سُنڑیاں ہِن، اُنہاں کُوں ایجھے دیانتدار لوکاں دے سپُرد کر جیہڑے ڈُوجھیاں کُوں وی سِکھاوݨ دے قابل ہووݨ۔

2کُرِنتھِیوں 5:16

بس ہُنڑ اساں کہیں کُوں دُنیاوی نظر نال نئیں ڈیدھے۔ ہا، بےشک ہِک وقت اساں مسیح کُوں وی اُونویں ای ڈِٹھا ہا پر ہُنڑ اُونکُوں اِینویں نئیں ڈیدھے۔

1کُرِنتھِیوں 7:25

کُنواریاں دے بارے ءچ خُداوند دا ڈِتا ہویا کوئی حُکم میڈے کولھ نئیں، پر خُداوند دی رحمت نال ہِک دیانتدار بندے دی حیثیت نال مَیں آپنڑی شخصی رائے ڈیندا ہاں۔

یُوحنّا 21:17

یسُوع تریجھی پھیری ولا اُونکُوں آکھیا، ”یُوحنّا دے پوتر شمعون! کیا تُوں میکُوں عزیز رکھیندیں؟“ پطرس ڈُکھی تھی گِیا کیوں جو اُوں اُونکُوں تریجھی پھیری آکھیا ہا، ”کیا تُوں میکُوں عزیز رکھیندیں؟“ اُوں اُونکُوں آکھیا، ”اے خُداوند! تُساں تاں سبھ کُجھ جانڑدے ہیوے۔ تُہاکُوں پتہ ہے جو مَیں تُہاکُوں عزیز رکھیندا ہاں۔“ یسُوع اُونکُوں آکھیا، ”تُوں میڈیاں بھیڈاں چَرا۔

لُوقا 12:42

خُداوند آکھیا، ”او دیانتدار تے عقلمند مُنشی کیہڑا ہے جِینکُوں اُوندا مالک آپنڑے گھر دے نوکراں چاکراں اُتے مقرر کرے جو او اُنہاں دی خوراک ٹھیک ویلے اُتے ونڈیندا راہوے؟

2کُرِنتھِیوں 2:17

اساں اُنہاں اکثر لوکاں آلی کار نئیں جیہڑے پیسے کیتے خُدا دے کلام ءچ ملاوٹ کریندے ہِن بلکہ خُدا دی طرفوں تے اُونکُوں حاضر جاݨ تے مسیح ءچ سچے دل نال گالھ کریندے ہیں۔

1 پطرس 4:11

جے کوئی کُجھ بیان کرے تاں اِینویں کرے جِینویں خُدا اُوندے ذریعے کلام کریندا پئے۔ جے کوئی خدمت کرے تاں اُوں طاقت نال کرے جیہڑی خُدا ڈیندے تاں جو سبھ گالھیں ءچ یسُوع مسیح دے وسیلہ نال خُدا دا جلال ظاہر تھیوے۔ جلال تے سلطنت ہمیشاں تئیں اُوندا ای ہووے۔ آمین۔