1تھِسّلُنیکیوں 2:17 - کِتاب مُقدّس سرائیکی ترجمہ

¹⁷ بِھراؤ! جِیں ویلے اساں تھوڑے عرصے کیتے تُہاڈے کنُوں اَنج تھئے ہسے، بےشک جِسمانی طور تے نہ جو دِلی طور تے، تاں تُہاڈے نال ولا مِلنڑ کیتے بہُوں بے چین ہسے۔

1تھِسّلُنیکیوں 2:17 Referans Kwoze

کلُسِّیوں 2:5

بے شک مَیں بظاہر تُہاڈے نال اُتھاں موجود نئیں، وَل وی مَیں رُوحانی طور تے تُہاڈے نال ہاں تے ایہ ڈیکھ تے خوش ہاں جو تُساں ترتیب نال زندگی گُزریندے تے مسیح اُتے آپنڑے اِیمان ءچ قائم ہیوے۔

1کُرِنتھِیوں 5:3

بھانویں مَیں ظاہری طور تے تُہاڈے نال موجود نہ ہم وَل وی رُوحانی طور تے اُتھاں تُہاڈے نال ہم، تے میں اُوں زانی دے خلاف فیصلہ کر ڈِتے جِینویں میں اُتھاں موجود ہوواں۔

1تھِسّلُنیکیوں 3:6

پر ہُنڑ تِیمُتِھیُس تُہاڈے کولُھوں اِتھاں وَل آیا ہے تے تُہاڈے اِیمان تے محبت دے بارے ءچ چنگی خبر ڈِتی ہے۔ اُوں ڈسائے جو تُساں ہمیشاں ساکُوں پیار نال یاد کریندے ہیوے تے ساکُوں مِلنڑ دی ایجھی سِک رکھیندے ہیوے جِینویں اساں تُہاڈے کیتے رکھیندے ہیں۔

رومیوں 1:13

بِھراؤ، مَیں نئیں چاہندا جو تُساں اِیں گالھ کنُوں ناواقف راہو جو مَیں کئی پھیری تُہاڈے کولھ آوݨ دا اِرادہ کیتا، تاں جو جِینویں ڈُوجھیاں غیر قوماں ءچ میڈی خدمت پھل گِھن آئی، تُساں ءچ وی گِھن آوے، پر مَیں اَج تئیں رُکیا ریہا۔

رومیوں 15:23

پر ہُنڑ اِنہاں علاقیاں ءچ میڈی خدمت کرݨ کیتے جاہ باقی نئیں ریہی، تے مَیں بہُوں سالاں کنُوں تُہاڈے کولھ آوݨ چاہندا وی ہاں۔

لُوقا 22:15

اُوں اُنہاں کُوں آکھیا، ”میڈی وڈی خواہش ہئی جو ڈُکھ چاوݨ کنُوں پہلے فسح دا ایہ کھانڑا تُہاڈے نال کھاواں۔

اعمال 17:10

رات تھیندے ای مسیحی بِھرانواں پولُس تے سِیلاس کُوں اُتھوں کنُوں بیرِیہ دو روانہ کر ڈِتا۔ جِیں ویلے او اُتھاں پُجے تاں یہُودی عبادت خانہ ءچ گئے۔

لُوقا 12:58

جیہڑے ویلے تُوں مُدعی نال مُنصف دو ویندا پِیا ہوویں تاں رستے ءچ کوشش کر جو اُوں کنُوں چُھٹ ونجیں۔ اِینویں نہ تھیوے جو او تیکُوں مُنصف دے کولھ چھیک ونجے تے مُنصف تیکُوں سپاہی دے حوالے کر ڈیوے تے سپاہی تیکُوں قید ءچ سَٹ ڈیوے۔