1تھِسّلُنیکیوں 2:13 - کِتاب مُقدّس سرائیکی ترجمہ

¹³ اساں ہمیشاں اِیں واسطے وی خُدا دا شُکر ادا کریندے ہیں جو جِیں ویلے تُساں خُدا دے پیغام کُوں ساڈی زبانی سُنڑیا تاں اُونکُوں آدمیاں دا کلام سمجھ تے نئیں بلکہ جِینویں او حقیقت ءچ ہے اُونکُوں خُدا دا کلام سمجھ تے قبول کیتا۔ تے او کلام تُساں اِیمان گِھن آوݨ آلیاں ءچ اثر وی کریندا پِیا ہے۔

1تھِسّلُنیکیوں 2:13 Referans Kwoze

عبرانیوں 4:12

کیوں جو خُدا دا کلام زندہ تے موثر ہے۔ او ہر ڈُو دھاری تلوار کنُوں زیادہ تیز ہے، اِتُھوں تئیں جو جان تے رُوح، تے جوڑاں تے مِکھ کُوں چِیردا ہویا لنگھ ویندے، تے دل دے خیالاں تے اِرادیاں کُوں پرکھدے۔

رومیوں 10:17

بس اِیمان پیغام سُنڑݨ تُوں پیدا تھیندے یعنی مسیح دا کلام سُنڑݨ تُوں۔

1 پطرس 1:23

تُساں فانی بیج کنُوں نئیں بلکہ غیرفانی بیج کنُوں، خُدا دے کلام دے وسیلے نال نویں سرے تُوں پیدا تھئے ہیوے، جیہڑا زندہ تے ہمیشاں تئیں قائم ہے۔

1 پطرس 1:25

پر خُداوند دا کلام ہمیشاں تئیں قائم راہندے۔“ ایہ اُوہو خوشخبری دا کلام ہے جیہڑا تُہاکُوں سُنڑایا گئے۔

1 پطرس 2:2

نویں پیدا تھئے بالاں وانگُوں خالص رُوحانی کھیر دی خواہش ءچ راہو تاں جو اُوندے ذریعے آپنڑی نجات ءچ ودھدے ونجو۔

لُوقا 11:28

اُوں آکھیا، ”ہاں، پر جیہڑے لوک خُدا دا کلام سُنڑدے تے اُوندے اُتے عمل کریندے ہِن او زیادہ مُبارک ہِن۔“

اعمال 13:48

جِیں ویلے غیر قوم آلیاں ایہ سُنڑیا تاں بہُوں خوش تھئے تے خُداوند دے کلام دی تعریف کرݨ لگے تے جِتّی ہمیشاں دی زندگی کیتے مقرر کیتے گئے ہَن، اِیمان گِھن آئے۔

1 یُوحنّا 3:3

تے جیہڑا کوئی یسُوع تُوں ایہ اُمید رکھیندے، او آپنڑے آپ کُوں پاک رکھیندے، جِینویں او خود پاک ہے۔

گلتِیوں 4:14

میڈی ایہ جِسمانی حالت تُہاڈی ازمائش دا سبب ہئی، پر تُساں نہ تاں میکُوں حقیر جانڑیا تے نہ ای مَیں تُوں نفرت کیتی۔ اِیندے بجائے تُساں میکُوں خُدا دے فرشتہ وانگُوں بلکہ مسیح یسُوع وانگُوں قبول کیتا۔

2کُرِنتھِیوں 3:18

اِیں واسطے شیشے آلی کار اساں ساریاں دے بے نقاب چہریاں تُوں خُداوند دا جلال ظاہر تھیندے تے اساں خُداوند دے رُوح القُدس دے وسیلے نال آہستہ آہستہ اُوندی جلالی صورت ءچ بدلدے ویندے ہیں۔

اعمال 17:11

ایہ لوک تھِسّلُنِیکے دے لوکاں کنُوں زیادہ چنگے ہَن کیوں جو اُنہاں پیغام کُوں بہُوں شوق نال قبول کیتا تے او ہر روز خُدا دے کلام دا مطالعہ کریندے ہَن جو واقعی ایہ گالھیں اِینویں ای ہِن یا نئیں۔

کلُسِّیوں 1:6

جیہڑی تُہاڈے کولھ پُجی ہے۔ او ساری دُنیا ءچ اِینویں پھل ڈیندی تے ودھدی ویندی ہے، جِینویں تُہاڈے ءچ وی کریندی پئی ہے، اُوں ڈینہہ کنُوں جڈاں تُساں خُدا دے فضل دے بارے ءچ سُنڑیا تے اُونکُوں سچ جانڑیا۔

لُوقا 8:21

اُوں جواب ءچ اُنہاں کُوں آکھیا جو ”میڈی ماء تے میڈے بِھرا تاں ایہ ہِن جیہڑے خُدا دا کلام سُنڑدے تے اُوندے اُتے عمل کریندے ہِن۔“

یُوحنّا 17:19

مَیں آپنڑے آپ کُوں اُنہاں دی خاطر وقف کریندا ہاں تاں جو او وی سچائی دے وسیلے وقف کیتے ونجنڑ۔

متّی 10:40

جیہڑا تُہاکُوں قبول کریندے، او میکُوں قبول کریندے، تے جیہڑا میکُوں قبول کریندے او میڈے بھیجنڑ آلے کُوں قبول کریندے۔

یُوحنّا 17:17

سچائی دے وسیلہ اُنہاں کُوں آپنڑے کیتے وقف کر ڈے۔ تیڈا کلام سچائی ہے۔

یُوحنّا 15:3

تُساں اُوں کلام دے سببّوں جیہڑا مَیں تُہاڈے نال کیتے پاک تھی گئے ہیوے۔

لُوقا 8:11

اُوں مثال دا مطلب ایہ ہے۔ بیج خُدا دا کلام ہے۔

متّی 10:20

کیوں جو آکھنڑ آلے تُساں نئیں بلکہ تُہاڈے اسمانی باپ دا رُوح ہوسی جیہڑا تُہاڈے ءچوں بُولیسی۔

2 پطرس 3:2

مَیں چاہندا ہاں جو تُساں پاک نبیاں دیاں پیشن گوئیاں تے ساڈے خُداوند تے نجات ڈیوݨ آلے دے حُکم کُوں یاد رکھو جیہڑا اساں رسُولاں دے ذریعے تُہاڈے تئیں پُجیا ہے۔

یعقُوب 1:18

اُوں آپنڑی مرضی نال ساکُوں سچائی دے کلام دے وسیلے نال پیدا کیتا تاں جو اساں اُوندی مخلوقات ءچوں پہلے پھل وانگُوں خاص تھیؤں۔

اعمال 17:32

جِیں ویلے لوکاں مُردیاں دی قیامت دے بارے ءچ سُنڑیا تاں اُنہاں ءچوں کُجھ اِیں گالھ کُوں کِھل ءچ اُڈا ڈِتا تے کُجھ آکھیا جو ”اساں اِیں موضوع تے وَل کہیں ویلے تَیں تُوں سُنڑسوں۔“

اعمال 16:14

ساڈے گالھیں سُنڑݨ آلیاں عورتاں ءچوں لُدیہ ناں دی ہِک عورت ہئی۔ او تھواتِیرہ شہر دی ہئی تے جامنی رنگ دے کپڑے دا کاروبار کریندی ہئی تے بہُوں خُدا پرست ہئی۔ خُداوند اُوندا دل کھولیا تاں جو او پولُس دا پیغام سُنڑے تے اُونکُوں قبول کرے۔

اعمال 10:33

بس مَیں فوراً تُہاکُوں سڈوا بھیجیا تے تُساں وی بہُوں چنگا کیتا جو آ گئے۔ ہُنڑ اساں سارے خُدا دے حضُور ءچ حاضر ہیں تاں جو جیہڑا کُجھ خُداوند تُہاکُوں آکھیا ہے، اُونکُوں سُنڑوں۔“

اعمال 2:41

بس جِنہاں لوکاں اُوندا کلام قبول کیتا اُنہاں بپتسمہ گِھدا تے اُوں ڈینہہ تقریباً ترے ہزار لوک جماعت ءچ شامل تھی گئے۔

اعمال 8:14

جِیں ویلے یروشلیم ءچ رسُولاں سُنڑیا جو سامریہ دے لوکاں خُدا دا کلام قبول کر گِھدے تاں پطرس تے یُوحنّا کُوں اُنہاں کولھ بھیجیا۔

لُوقا 5:1

ہِک ڈینہہ یسُوع گنّیسرت دی جھیل دے کنارے اُتے کھڑا ہا تے خُدا دا کلام سُنڑݨ کیتے بِھیڑ اُوندے اُتے ڈھاندی پئی ہئی۔

عبرانیوں 4:2

کیوں جو جِینویں اُنہاں لوکاں خوشخبری سُنڑی اُونویں ای اساں وی خوشخبری سُنڑی ہے، پر جیہڑا پیغام اُنہاں سُنڑیا او اُنہاں کیتے بے فائدہ ثابت تھیّا کیوں جو اُنہاں اُونکُوں اِیمان نال نہ سُنڑیا۔