1تھِسّلُنیکیوں 1:1 - کِتاب مُقدّس سرائیکی ترجمہ

¹ ایہ خط پولُس، سِیلاس تے تِیمُتِھیُس دی طرفوں تھِسّلُنِیکے دی کلیسیا دے ناں ہے جیہڑی خُدا باپ تے خُداوند یسُوع المسیح ءچ ہے۔ فضل تے اِطمینان تُہاکُوں حاصل تھیندا راہوے۔

1تھِسّلُنیکیوں 1:1 Referans Kwoze

رومیوں 1:7

ایہ خط اُنہاں سارے خُدا دے پیاریاں دے ناں ہے جیہڑے روم ءچ ہِن تے مُقدّس تھیوݨ کیتے سڈے گئے ہِن۔ ساڈے باپ خُدا تے خُداوند یسُوع المسیح دی طرفوں تُہاکُوں فضل تے اِطمینان حاصل تھیندا راہوے۔

2تھِسّلُنیکیوں 1:1

ایہ خط پولُس، سِیلاس تے تِیمُتِھیُس دی طرفوں تھِسّلُنِیکے دی کلیسیا دے ناں ہے جیہڑی خُدا باپ تے خُداوند یسُوع المسیح ءچ ہے۔

اعمال 20:4

کُجھ لوک یعنی پُرس دا پوتر سوپَترُس جیہڑا بیرِیہ دا ہا تے ارِسترخُس تے سِکُندُس جیہڑے تھِسّلُنِیکے دے ہَن تے گِیُس جیہڑا دِربے دا ہا تے تِیمُتِھیُس، تے آسِیہ صوبے دے تخِکُس تے ترُفِمُس، اُوندے نال ہَن۔

اعمال 18:5

جِیں ویلے سِیلاس تے تِیمُتِھیُس مَکِدُنیہ تُوں آئے تاں پولُس آپنڑا سارا وقت کلام دی تبلیغ کرݨ ءچ گُزارݨ لگا۔ او یہُودیاں دے سامنڑے گواہی ڈیندا ہا جو یسُوع ای المسیح ہے۔

یہُوداہ 1:1

ایہ خط میں یہُوداہ دی طرفوں ہے جیہڑا یسُوع مسیح دا خادم تے یعقُوب دا بِھرا ہاں، اُنہاں لوکاں دے ناں جیہڑے سڈے گئے ہِن تے خُدا باپ دے عزیز ہِن تے یسُوع مسیح دے وسیلے نال محفوظ رکھے گئے ہِن۔

1 پطرس 5:12

مَیں سِیلاس دے ہتھ جیہڑا میڈی نظر ءچ ہِک وفادار بِھرا ہے، ایہ مختصر خط لِکھوا تے تُہاکُوں بھیجیا ہے تاں جو تُہاڈی حوصلہ افزائی تھیوے۔ مَیں گواہی ڈیندا ہاں جو خُدا دا سچا فضل اِیہو ہے۔ اِیندے اُتے قائم راہو۔

2کُرِنتھِیوں 1:19

کیوں جو خُدا دے پوتر یسُوع مسیح، جیندی تبلیغ سِیلاس، تِیمُتِھیُس تے مَیں تُہاڈے وچال کیتی، اُوندے ءچ ”ہاں“ تے ”نہ“ ڈوہائیں نہ ہَن بلکہ اُوندے ءچ ہمیشاں ”ہاں“ ای ہئی۔

اعمال 19:22

بس اُوں آپنڑے خدمت گُزاراں ءچوں تِیمُتِھیُس تے اِراستُس کُوں مَکِدُنیہ روانہ کیتا تے خود کُجھ دیر آسِیہ دے صوبہ ءچ ریہا۔

اعمال 17:11

ایہ لوک تھِسّلُنِیکے دے لوکاں کنُوں زیادہ چنگے ہَن کیوں جو اُنہاں پیغام کُوں بہُوں شوق نال قبول کیتا تے او ہر روز خُدا دے کلام دا مطالعہ کریندے ہَن جو واقعی ایہ گالھیں اِینویں ای ہِن یا نئیں۔

عبرانیوں 13:23

مَیں تُہاکُوں خبر ڈیندا ہاں جو ساڈا بِھرا تِیمُتِھیُس رِہا کر ڈِتا گئے۔ جے او جلدی آ گِیا تاں مَیں اُونکُوں نال گِھن تے تُہاکُوں مِلنڑ آساں۔

2 تِیمُتھِیُس 1:2

ایہ خط پیارے پوتر تِیمُتِھیُس دے ناں ہے۔ ساڈے خُدا باپ تے خُداوند یسُوع مسیح دی طرفوں تیکُوں فضل، رحم تے اِطمینان حاصل تھیندا راہوے۔

1 تِیمُتھِیُس 1:2

تِیمُتِھیُس دے ناں جیہڑا اِیمان دے لحاظ نال میڈے حقیقی پوتر وانگُوں ہے۔ تیکُوں خُدا باپ تے ساڈے خُداوند یسُوع مسیح دی طرفوں فضل، رحم تے اِطمینان حاصل تھیندا راہوے۔

کلُسِّیوں 1:1

ایہ خط میں پولُس دی طرفوں ہے جیہڑا خُدا دی مرضی نال مسیح یسُوع دا رسُول ہاں تے بِھرا تِیمُتِھیُس دی طرفوں وی۔

فِلِپّیوں 1:1

ایہ خط مسیح یسُوع دے خادماں پولُس تے تِیمُتِھیُس دی طرفوں، نگہباناں تے کلیسیا دے اِنتظام کرݨ آلیاں سمیت فِلپی دے سارے مُقدّساں دے ناں ہے جیہڑے یسُوع المسیح دے ہِن۔

اِفِسیوں 1:2

تُہاکُوں ساڈے باپ خُدا تے خُداوند یسُوع مسیح دی طرفوں فضل تے اِطمینان حاصل تھیندا راہوے۔

گلتِیوں 1:22

یہُودیہ دیاں مسیحی کلیسیاواں میکُوں ذاتی طور تے نہ جانڑدیاں ہَن۔

گلتِیوں 1:2

تے او سارے مسیحی بِھرا وی جیہڑے میڈے نال ہِن، گلِتیہ دی کلیسیاواں کُوں سلام آدھن۔

2کُرِنتھِیوں 1:1

ایہ خط میں پولُس دی طرفوں ہے جیہڑا خُدا دی مرضی نال مسیح یسُوع دا رسُول ہاں، تے ساڈے بِھرا تِیمُتِھیُس دی طرفوں، خُدا دی کلیسیا دے ناں جیہڑی کُرِنتُھس شہر ءچ ہے تے پُورے اَخیہ دے سارے مُقدّساں دے ناں۔

1کُرِنتھِیوں 1:2

خُدا دی اُوں کلیسیا دے ناں جیہڑی کُرِنتُھس شہر ءچ ہے، یعنی اُنہاں دے ناں جیہڑے یسُوع مسیح ءچ پاک کیتے گئے تے مُقدّس لوک ہووݨ کیتے سڈے گئے ہِن۔ ایہ خط اُنہاں ساریاں دے ناں وی ہے جیہڑے جاہ جاہ یسُوع مسیح دا ناں گِھندے ہِن جیہڑا اُنہاں دا تے ساڈا خُداوند ہے۔

اعمال 16:29

داروغہ ڈیوا چوا تے اندر گِیا تے کمبدا ہویا پولُس تے سِیلاس دے پیراں ءچ ڈھے پِیا۔

اعمال 16:25

اَدھ رات ویلے پولُس تے سِیلاس دُعا تے خُدا دی حمد کریندے پئے ہَن تے قیدی سُنڑدے پئے ہَن،

اعمال 16:19

جِیں ویلے اُوندے مالکاں ڈِٹھا جو اُنہاں دی کمائی دا ذریعہ ختم تھی گِیا تاں او پولُس تے سِیلاس کُوں پکڑ تے چوک ءچ حاکماں کولھ گِھن گئے۔

اعمال 15:40

پر پولُس سِیلاس کُوں نال گِھن گِھدا تے بِھرانواں کنُوں خُداوند دے فضل دے سپُرد تھی تے اُتھوں روانہ تھیّا۔

اعمال 15:27

اِیں واسطے اساں یہُوداہ تے سِیلاس کُوں بھیجیا ہے، جیہڑے ایہ گالھیں زبانی وی بیان کریسن۔

1 یُوحنّا 1:3

جیہڑا کُجھ اساں ڈِٹھا تے سُنڑیا، اُوندی خبر تُہاکُوں ڈیندے ہیں تاں جو تُساں وی اِیں رفاقت ءچ ساڈے نال شریک تھیؤ۔ تے ساڈی رفاقت تاں باپ تے اُوندے پوتر یسُوع مسیح دے نال ہے۔

اعمال 15:22

وَل رسُولاں تے بزُرگاں ساری کلیسیا سمیت مناسب سمجھیا جو آپنڑے ءچوں کُجھ بندیاں کُوں چُنڑ تے پولُس تے برنباس دے نال انطاکِیہ بھیجنڑ یعنی یہُوداہ کُوں جیہڑا برسبّا اکھویندے تے سِیلاس کُوں۔ ایہ بِھرانواں ءچ قابل ِ احترام ہَن۔